بینظیر بھٹو پاکستان آتے ہی جیل اورنواز شریف واپس سعودی عرب جائیں گے۔ محمد علی درانی۔۔نوازلیگ اور پی پی دورحکومت کی بدعنوانیوں کی فہرستیں تیار کر لی گئی ہیں جو آئندہ عام انتخابات سے قبل جاری کر دی جائیں گی، باہر بیٹھے سیاستدانوں میں پاکستان آنے کی ہمت نہیں۔ صدر مشرف اور مسلم لیگ موجودہ نظام کے آرکیٹیکٹ ہیں کسی اور کو صدر مملکت کے مسلم لیگ کے جلسوں سے خطاب کے دوران تکلیف نہیں ہونی چاہیے، الیکشن میں دھاندلی کو سیاسی دہشت گردی سمجھتے ہیں کسی کواس کی اجازت نہیں دی جائے گی، دینی مدارس، علماء اور طلباء دہشت گردی کیخلاف حکومت کا ساتھ دیں۔ وفاقی وزیر اطلاعات کا پریس کانفرنس سے خطاب