پاکستان طویل مدت سے حالت جنگ میں ہے ‘دہشتگردی کیخلاف جنگ کامیابی کے حصول تک جاری رہے گی ‘ صدر مملکت
جمعہ 14 اگست 2015 14:51
اسلام آباد (اُردو پوائنٹ اخبار تازہ ترین۔ 14 اگست۔2015ء) صدر مملکت ممنون حسین نے کہا ہے کہ پاکستان طویل مدت سے حالت جنگ میں ہے ‘دہشتگردی کے خلاف جنگ کامیابی کے حصول تک جاری رہے گی ‘ پوری قوم یک جان ہو کر دہشت گرد ی اور انتہا پسندی کے خلاف اپنی حکومت اور افواج پاکستان کی پشت پر کھڑی ہے ‘شدت پسندپسپا ہو رہے ہیں ‘ انشاء اللہ بہت تھوڑی مدت میں ہم ان مسائل پر قابو پا لیں گے ‘ بھارت کے ساتھ کشمیر سمیت تمام متنازع مسائل بات چیت کے ذریعے حل چاہتے ہیں ‘ پاکستان کی سلامتی کو کوئی خطرہ لاحق ہوا تو ہم ا پنی سلامتی اور دفاع پرکوئی سمجھوتہ نہیں کریں گے ‘ پاکستان کا ایک اور بڑا مسئلہ بدعنوانی اور کرپشن ہے ہمیں کھلی آنکھوں اوربیدارمغزکے ساتھ بد عنوان عناصر کو لگام دینا ہوگی ‘ وقت آگیا ہے مستقبل میں سیلاب اور نقصانات سے بچنے کیلئے مستقل نوعیت کے اقدامات کیے جائیں ‘ہمارا آئندہ جشن آزادی آج کے جشنِ آزادی سے زیادہ بہتر اور زیادہ شاندار ہوگا۔
(جاری ہے)
انہوں نے کہاکہ پاکستان کا تیسرا بڑا مسئلہ منفی اور تخریبی عناصر کا طرزِ عمل ہے جنھوں نے بڑی منصوبہ بندی کے ساتھ قومی اتحاد کو نقصان پہنچانے کی ناپاک کوششیں کی ۔یہ لوگ آئین اور جمہوریت کے بارے میں بھی منفی طرزِعمل اختیار کرتے ہیں لیکن اللہ کے فضل سے قوم باشعور ہے جس نے ایسے لوگوں کی ہر کوشش ناکام بنا کر ملک کو نظریاتی، سیاسی، اقتصادی اور ہر اعتبار سے مستحکم کرنے کا عزم کر رکھا ہے ۔
صدر نے کہاکہ پاکستان ایک طویل مدت سے حالتِ جنگ میں ہے۔ ایک طرف شدت پسندوں نے ریاست کوچیلنج کر رکھا ہے تو دوسری طرف سماج دشمن عناصر اور غیر ملکی مفاد کے لیے کام کرنے والوں نے ملک کے بعض حصوں کاامن و امان بگاڑ دیا۔ حکومت ِ پاکستان نے بھرپور سیاسی عزم کے ساتھ اس چیلنج کا سامنا کیا جس کے مثبت نتائج سامنے آرہے ہیں ۔میں قوم کو یقین دلاتا ہوں کہ یہ کارروائی کامیابی کے حصول تک جاری رہے گی۔ اس جنگ میں ہماری مسلح افواج اور قانون نافذ کرنے والے اداروں کے جوانوں یہاں تک کہ اسکولوں کے معصوم بچوں نے بھی اپنی جانیں قربان کی ہیں جن میں سب سے تکلیف دہ واقعہ آرمی پبلک اسکول کا ہے جو بے رحم دہشت گردوں کانشانہ بنا۔ ان قربانیوں کے لیے قوم ان کی احسان مندہے اور اپنے شہیدوں کو خراجِ عقیدت پیش کرتی ہے۔ یہ امر بھی باعثِ اطمینان ہے کہ پوری قوم یک جان ہو کر دہشت گرد ی اور انتہا پسندی کے خلاف اپنی حکومت اور افواج پاکستان کی پشت پر کھڑی ہے اور شدت پسندپسپا ہو رہے ہیں ۔ میں آپ کو خوش خبری دیتا ہوں کہ انشاء اللہ بہت تھوڑی مدت میں ہم ان مسائل پر قابو پا لیں گے۔صدر نے کہاکہ حکومت نے سیاسی و جمہوری استحکام کے لیے ٹھوس اقدامات کیے ہیں۔ سیاسی جماعتوں میں برداشت کا کلچر فروغ پا رہا ہے، سیاست کی بنیاد پر قومی مفادکے معاملات پر اختلاف کا رحجان دم توڑ رہاہے اور قوم ہر اعتبار سے متحد اوریک جان ہو رہی ہے۔ میں سمجھتا ہوں کہ گزشتہ برسوں کے دوران ہم نے جو کامیابیاں حاصل کی ہیں ، اُن میں سب سے اہم کامیابی یہی ہے۔ مجھے اللہ کی رحمت سے پوری توقع ہے کہ آئندہ چند برسوں کے دوران ان معاملات میں مزید بہتری آئے گی اور ہر آنے والا دن پاکستان کے لیے استحکام اور طاقت کی نوید لائے گا۔انہوں نے کہاکہ خارجہ تعلقات کے شعبے میں بھی پاکستان نے حال ہی میں کئی کامیابیاں حاصل کی ہیں۔وہ زمانہ ماضی کا حصہ بن چکاہے جب پاکستان تنہائی کا شکار تھا اب اللہ کے فضل و کرم سے عالمی برادری میں پاکستان کوپذیرائی مل رہی ہے۔ اقوامِ عالم میں پاکستان کو یہ مقام اس کی جرأت مندانہ اور حقیقت پسندانہ خارجہ پالیسی سے ملا ہے جس کا مرکزی نکتہ دنیا کے تمام ملکوں بالخصوص ہمسایہ ممالک سے خوش گوار اور دوستانہ تعلقات کافروغ ہے۔ ہم چاہتے ہیں کہ بھارت کے ساتھ بھی کشمیر سمیت تمام متنازع مسائل بات چیت کے ذریعے حل ہوجائیں۔ حال ہی میں مشرقی سرحدوں پر بعض ناخوش گوار واقعات رونما ہوئے ہیں لیکن ہم واضح کر دینا چاہتے ہیں کہ پاکستان پرُامن بقائے باہمی کی بنیاد پر دوطرفہ تعلقات کو فروغ دینے کا حامی ہے لیکن اگر پاکستان کی سلامتی کو کوئی خطرہ لاحق ہوا تو ہم ا پنی سلامتی اور دفاع پرکوئی سمجھوتہ نہیں کریں گے ۔اسلام آباد میں شائع ہونے والی مزید خبریں
ٹوبہ ٹیک سنگھ میں بھائی کے ہاتھوں بہن کا قتل ہائی پروفائل کیس قرار
آئی ایم ایف نے پاکستان کی معاشی پیشرفت کو حوصلہ افزا قرار دے دیا
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
حکومت اور متعلقہ شراکتدار انصاف کے شعبہ میں خواتین کی شمولیت کی حوصلہ افزائی کے اقدامات کریں، ملک بھر ..
ازبکستان کے وزیر خارجہ اور ڈپٹی ٹریڈ سیکرٹری بی ٹو بی اور جی ٹو جی مذاکرات کے لیے جلد پاکستان کا دورہ ..
پی ٹی آئی کور کمیٹی کا وکلا کی کارکردگی پر تحفظات کا اظہار
اپریل کو ذوالفقار علی بھٹو کی برسی پر ہونے والا جلسہ ملتوی
شزہ فاطمہ سے آذربائیجان کے سفیر کی ملاقات ،آئی ٹی و ٹیلی کام سیکٹر میں تعاون بڑھانے پر اتفاق
ملک میں ہفتہ وار مہنگائی میں 0.09 فیصد کی معمولی کمی
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری ..
بلوچستان سے سینیٹ کی تمام 11نشستوں پر امیدوار بلامقابلہ منتخب ہوگئے
اسلام آباد سے متعلقہ
پاکستان کی تازہ ترین خبریں
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
فیصل بینک اور صحت کہانی کا ہیلتھ کیئرمنظرنامے میں تبدیلی کیلئے اشتراک
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
-
بلوچستان سے سینیٹ کی تمام 11نشستوں پر امیدوار بلامقابلہ منتخب ہوگئے