برطانیہ میں شرانگیز تقریروں کے حوالے سے قانون موجود ہے ‘ فلپ بارٹن

آپریشن سے امن و امان کی صورتحال میں نمایاں بہتری آئی ہے ‘الطاف حسین کے معاملے پر پاکستان کیساتھ رابطے میں ہیں ‘انٹرویو

جمعہ 14 اگست 2015 16:47

برطانیہ میں شرانگیز تقریروں کے حوالے سے قانون موجود ہے ‘ فلپ بارٹن

اسلام آباد (اُردو پوائنٹ اخبار تازہ ترین۔ 14 اگست۔2015ء) پاکستان میں تعینات برطانوی ہائی کمشنر فلپ بارٹن نے کراچی آپریشن کو کامیاب قرار دیتے ہوئے کہا ہے کہ آپریشن سے امن و امان کی صورتحال میں نمایاں بہتری آئی ہے، الطاف حسین کے معاملے پر پاکستان کیساتھ رابطے میں ہیں۔ایک انٹرویومیں برطانوی ہائی کمشنر فلپ بارٹن نے کہا کہ کراچی مین جاری آپریشن سے صورتحال میں بہتری آئی ہے۔

بیشتر ملاقاتوں میں کراچی کے تاجروں نے امن وامان کیلئے کئے جانیوالے اس آپریشن پر اطمینان کا اظہار کیا ہے۔

(جاری ہے)

انہوں نے تصدیق کی کہ وزیر داخلہ چوہدری نثار سے الطاف حسین کے متعلق بات ہوئی تھی۔ بی بی سی پر ایم کیو ایم کے حوالے سے نشر ہونے والی رپورٹ پر انہوں نے کہا کہ بی بی سی ایک عالمی ساکھ رکھنے والا ادارہ ہے۔وہ اس پر کوئی تبصرہ نہیں کریں گے۔ آپریشن ضرب عضب کے متعلق سوال پر فلپ بارٹن نے پاک فوج کے جوانوں کو سلام پیش کرتے ہوئے کہا کہ آپریشن دہشتگردی کے خاتمے کیلئے موثر ثابت ہوا ہے۔ انہوں نے پاکستان میں تیزی سے بدلتی صورتحال کو خوش آئند قرار دیتے ہوئے کہا کہ پاکستان میں بہت اچھی اچھی خبریں بھی ہیں، پاکستان کے مثبت امیج کو دنیا کے سامنے اجاگر کرنا ہو گا ۔