حریت رہنماؤں کو سرتاج عزیز سے ملاقات کی دعوت معمول کی بات ہے ‘ پاکستان نے بھارتی حکام کی تنقید مسترد کر دی
قومی سلامتی کی مشیروں کی ملاقات میں مسئلہ کشمیر اور سرحدی خلاف ورزی کے معاملات سمیت تمام ایشوز پر بات چیت ہوگی ‘ دفتر خارجہ
جمعرات 20 اگست 2015 15:57
اسلام آباد (اُردو پوائنٹ اخبار تازہ ترین۔ 20 اگست۔2015ء) پاکستان نے حریت رہنماؤں کو مدعو کر نے پربھارتی حکام اور میڈیا کی جانب سے بلا جواز تنقید کر مسترد کرتے ہوئے واضح کیا ہے کہ قومی سلامتی کی مشیروں کی ملاقات میں مسئلہ کشمیر اور سرحدی خلاف ورزی کے معاملات سمیت تمام ایشوز پر بات چیت ہوگی ‘ امید ہے بھارت سرتاج عزیز کو کشمیری رہنماؤں سے ملنے سے نہیں روکے گا ‘ دہشتگردی بھارت کا ہی نہیں پاکستان کا بھی مسئلہ ہے ‘ آپریشن ضرب عضب تمام دہشتگردوں کے خلاف ہو رہا ہے ، پاکستان دہشتگردوں کے اچھے یا برے ہونے کی درجہ بندی نہیں کرتا ‘پاکستان کا افغان مفاہمتی عمل میں کردار محض ایک معاون کا ہے ‘ افغان حکومت اور طالبان کے درمیان مذاکرات کا دوسرا دور کب ہوگا افغانستان پر منحصر ہے ‘افغان حکومت کی جانب پاکستان پر الزامات بے بنیاد اور حقائق کے منافی ہیں۔
(جاری ہے)
پاکستان
بھارت کے ساتھ پر امن مذاکرات کیلئے پر عزم ہے اور مثبت تعلقات کا خواہاں ہے انہوں نے کہاکہ بھارت کی طرف سے دو ماہ کے دور ان کنٹرول لائن اور ورکنگ باؤنڈری پر سیز فائر کی 70مرتبہ خلاف ورزی کی گئی جنگ بندی کی خلاف ورزی کا معاملہ عالمی سطح پر اٹھایا ہے اور پاکستان کو اس معاملے پر حمایت حاصل ہوئی ہے انہوں نے کہاکہ پاکستان اور بھارت کے قومی سلامتی کے مشیروں کی ملاقات کے ایجنڈ ے کیلئے بھارت کے ساتھ رابطے میں ہیں۔ ایک سوال کے جواب میں انہوں نے کہا کہ نئی دہلی میں ہونیوالے ملاقات میں سیکرٹری خارجہ اعزاز چودھری بھی شرکت کرینگے، پاکستان اور بھارت کو مشترکہ مسائل کا سامنا ہے جسے بات چیت کے ذریعے حل کیا جاسکتا ہے، ایک سوال کے جواب میں ترجمان دفتر خارجہ نے کہاکہ روس کے ساتھ پاکستان کے تعلقات میں بہتری آرہی ہے آپریشن ضرب عضب تمام دہشتگردوں کے خلاف ہو رہا ہے ، پاکستان دہشتگردوں کے اچھے یا برے ہونے کی درجہ بندی نہیں کرتا۔ ترجمان نے کہاکہ امریکہ کے ساتھ تعلقات نہایت اہم ہیں، اتحادی سپورٹ فنڈ سمیت مختلف معاملات پر امریکہ کے ساتھ بات ہوتی رہتی ہے۔انہوں نے کہا کہ پاکستان کا افغان مفاہمتی عمل میں کردار محض ایک معاون کا ہے ، بین الاقوامی برادری نے افغان مفاہمتی عمل میں ہمارے کردار کو سراہا ہے ، یہ افغانستان پر منحصر ہے کہ مذاکرات کا دوسرا دور کب کرے گا ترجمان نے بتایاکہ افغانستان اور طالبان کے درمیان پاکستان کا کردار ایک معاون کا ہے،افغان حکومت کی جانب پاکستان پر الزامات بے بنیاد اور حقائق کے منافی ہیں۔افغانستان کی جانب سے پاکستان پر کابل حملوں کی ذمہ داری ڈالنے کے حوالے سے قاضی خلیل اللہ نے کہا کہ پاکستان چاہتا ہے کہ افغان حکومت کے پاس اگر کوئی ثبوت موجود ہیں تو وہ فراہم کرے افغان حکومت کی جانب سے دہشت گردی سے متعلق جو ثبوت پیش کیے جائے گے پاکستان ان کے مطابق کارروائی عمل میں لائیگا۔ترجمان دفتر خارجہ نے کہا کہ اس طرح کے بیانات سے پاکستان اور افغانستان میں جاری دوطرفہ تعلقات متاثر ہوسکتے ہیں۔ترجمان نے کہاکہ یو اے ای کے ساتھ دفاع ، سیکورٹی سمیت مختلف شعبوں میں بہترین تعلقات ہیں ، ایک ملین پاکستانی یو اے ای میں روزگار کے سلسلے میں مقیم ہیں۔اس سوال کے جواب میں کہ تلور کے شکار کا لائسنس کتنے عرب شہزادوں کے پاس تھا؟ ترجمان کا کہنا تھا کہ اس وقت انہیں اس کی تفصیل معلوم نہیں ہے۔متعلقہ عنوان :
اسلام آباد میں شائع ہونے والی مزید خبریں
مذاکرات کی ابتدا حکومت کو کرنی ہے کیونکہ مذاکرات کی بال حکومتی کورٹ میں ہے
فوج اور سیاسی جماعتوں کے درمیان براہ راست مذاکرات کی آئین میں گنجائش نہیں
ہمفری ایلومینائی پاکستان و امریکا کو ایک بہتر جگہ بنا رہے ہیں، امریکی سفیر
اسلام آباد میں جعلی اور غیر رجسٹرڈ ادویات کی فروخت میں ملوث ملزم گرفتار
دوبئی سے غیر قانونی طور پر موبائل فون لانے والے 2 ملزمان گرفتار
ایف آئی اے کمپوزٹ سرکل نے جعلی انجن آئل بنانے میں ملوث ملزم گرفتار کر لیا
غیر قانونی پاسپورٹ بنانے میں ملوث عناصر کے خلاف کریک ڈائون ،افغان شہری سمیت 4 ملزمان گرفتار
انسانی سمگلنگ و غیر قانونی کرنسی ایکسچینج اور حوالہ ہنڈی کے خلاف آپریشن ، دو ملزمان گرفتار
انکم ٹیکس جنرل آرڈر کے نفاذ کے لئے ایف بی آر کی پی ٹی اے اور ٹیلی کام آپریٹرز کے ساتھ اہم ملاقاتیں
نیپرا کی ڈسکوز اور کے الیکٹرک کو امتحانات کے دوران لوڈ شیڈنگ کی سرگرمیوں پر نظر ثانی کی ہدایت
چیئرمین سی ڈی اے محمد علی رندھاوا کاوزارت آئی ٹی اینڈ ٹیلی کام، سیلولر موبائل آپریٹرز اور سمیت اہم ..
رواں سال پاکستان کی معاشی ترقی 2 فیصد رہنے کا امکان ہے
اسلام آباد سے متعلقہ
پاکستان کی تازہ ترین خبریں
-
فوج اور سیاسی جماعتوں کے درمیان براہ راست مذاکرات کی آئین میں گنجائش نہیں
-
رواں سال پاکستان کی معاشی ترقی 2 فیصد رہنے کا امکان ہے
-
پنجاب حکومت نے تندوروں پر روٹی کی قیمت میں مزید کمی کا اعلان کردیا
-
عوامی سیاسی جماعت کو ”انتشاری گروہ“ کہہ کر ”معافی“ کا مطالبہ متفقہ طور پر مسترد کرتے ہیں
-
9 مئی کے تمام قیدی اور قیدی نمبر804 اور بشریٰ بی بی پر کیسزختم کئے جائیں
-
جماعت اسلامی ری الیکشن نہیں چاہتی، فارم 45 پرانتخابی نتائج کی تشکیل ہمارا مطالبہ ہے
-
وزیراعلی مریم نواز نے سکولوں میں سٹیلائٹ انٹرنیٹ پائلٹ پراجیکٹ کا افتتاح کردیا
-
سونے کی فی تولہ قیمت میں 4 ہزار 600 روپے کا بڑا اضافہ ہوگیا
-
ملک میں مہنگائی کی مجموعی شرح کم ہوکر 22.32 فیصد کی سطح پر آگئی
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
سلطان اذلان شاہ کپ میں پاکستان اورنیوزی لینڈ کے مابین میچ 1-1 گول سے برابر، پاکستان فائنل میں جگہ بنانے میں کامیاب