اسلام آباد چیمبرمیں فائنل جیتنے والی پاکستان Under-13فٹ بال ٹیم کے اعزاز میں تقریب کا انعقاد
منگل 25 اگست 2015 18:38
اسلام آباد (اُردو پوائنٹ اخبار تازہ ترین۔ 25 اگست۔2015ء) اسلام آباد چیمبر آف کامرس اینڈ انڈسٹری نے پاکستان Under-13فٹبال ٹیم کے اعزاز میں ایک تقریب منعقد کی جس نے 7سے 10اگست 2015کے دوران جنوبی کوریا میں ہونے والے ایشین یوتھ فٹبال فیسٹا کپ کا فائنل جیت کر ملک کیلئے عظیم کامیابی حاصل کی۔ پاکستان سپورٹس بورڈ کے ڈائریکٹر جنرل ڈاکٹر ایم اختر نواز گنجیرا، ڈپٹی ڈائریکٹر جنرل آغا امجد اﷲ، راولپنڈی اسلام آباد سپورٹس جرنلسٹ ایسوسی ایشن کے صدر محسن علی اور ایسو سی ایشن کے دیگر عہدیداران سمیت تاجر برادری کی ایک بڑی تعداد نے تقریب میں شرکت کی۔
اس موقع پر خطاب کرتے ہوئے اسلام آباد چیمبر آف کامرس اینڈ انڈسٹری نے کہا کہ پاکستان کی Under-13فٹبال ٹیم نے ایشین یوتھ فٹبال فیسٹا کا فائنل جیت کر پوری قوم کا سر فخر سے بلند کر دیا ہے۔(جاری ہے)
انہوں نے کہا اس ٹیم کی کامیابی سے ثابت ہوتا ہے کہ پاکستان میں دیگر کھیلوں سمیت فٹبال کا بڑا ٹیلنٹ موجود ہے لہذا انہوں نے حکومت پر زور دیا کہ وہ فٹبال کے فروغ کیلئے زیادہ سے زیادہ تعاون اور سہولیات فراہم کرے۔
انہوں نے کہا کہ حکومت فٹبال کے فروغ کیلئے مزید فنڈز مختص کرے اور ملک میں فٹبال کے زیادہ سے زیادہ سٹیڈیم تعمیر کرنے پر توجہ دے تا کہ پاکستان فٹبال کے میدان میں عالمی سطح پر اپنا ایک مقام بنا سکے۔ انہوں نے یقین دہانی کرائی کہ اسلام آباد چیمبر آف کامرس فٹبال کے فروغ کیلئے پاکستان سپورٹس بورڈ کے ساتھ ہر ممکن تعاون کرے گا۔پاکستان سپورٹس بورڈ کے ڈائریکٹر جنرل ڈاکٹر ایم اختر نواز گنجیرا نے اپنے خطاب میں فائنل جیتنے والی Under-13فٹبال ٹیم کے ہر کھلاڑی کو 25ہزار روپے نقد انعام دینے کا اعلان کیا۔ انہوں نے کھلاڑیوں کی حوصلہ افزائی کیلئے تقریب منعقد کرنے پر چیمبر کا شکریہ ادا کیا اور کہا کہ اسلام آباد چیمبر آف کامرس اور پاکستان سپورٹس بورڈ کا باہمی تعاون خطے میں کھیلوں کو فروغ دینے میں اہم کردار ادا کر سکتا ہے۔ انہوں نے راولپنڈی اسلام آباد سپورٹس جرنلٹ ایسوسی ایشن کی under-13فٹبال ٹیم کی ترقی کیلئے کی گئی کاوشوں کی بھی تعریف کی جس وجہ سے ٹیم نے فائنل جیت کر ملک کا نام روشن کیا۔ راولپنڈی اسلام آباد سپورٹس جرنلسٹ ایسوسی ایشن کے صدر محسن علی نے under-13فٹبال ٹیم کی اعلیٰ کارکردگی کو خراج تحسین پیش کیا اور اس بات پر زور دیا کہ حکومت فٹبال کے فروغ پر زیادہ توجہ دے تا کہ مستقبل میں ہمارے کھلاڑی ملک کیلئے مزید کامیابیاں حاصل کر سکیں۔ اسلام آباد چیمبر آف کامرس اینڈ انڈسٹری کے سینئر نائب صدر محمد شکیل منیر، نائب صدر محمد اشفاق حسین چٹھہ اور پاکستان سپورٹس بورڈ کے ڈپٹی ڈائریکٹر جنرل آغا امجد اﷲ سمیت دیگر نے بھی تقریب سے خطاب کیا اور کھلاڑیوں کی شاندار کارکردگی پر ان کو مبارک باد پیش کی۔ پاکستان ٖUnder-13ٖفٹبال ٹیم کے کپتان معیز اختر اور دیگر کھلاڑیوں نے اپنے خیالات کا اظہار کرتے ہوئے کہا کہ ان کے مقابلے میں چین، کوریا اور منگولیا جیسی مضبوط ٹیمیں تھیں جن کو بہتر تربیت و سہولیات حاصل تھیں لیکن اس کے باوجود انہوں نے ڈیڑھ دو ماہ کی ٹریننگ کر کے ان ٹیموں کے خلاف کامیابی حاصل کی اور کوئی بھی ٹیم پاکستان کے خلاف ایک گول بھی نہیں کر سکی۔ انہوں نے اعزازی تقریب منعقد کرنے پر اسلام آباد چیمبر آف کامرس کا شکریہ ادا کیا اور کہا کہ اس سے کھلاڑیوں کی کافی حوصلہ افزائی ہوئی۔متعلقہ عنوان :
اسلام آباد میں شائع ہونے والی مزید خبریں
جعلی ڈگری پر پاکستان اسپورٹس بورڈ کے سربراہ عہدے سے برطرف
صدر آزاد جموں وکشمیر بیرسٹر سلطان محمود چوہدری سے سابق وزیر اعظم آزاد کشمیرسردار عتیق احمد خان کی ..
اسلام آباد ہائیکورٹ نے ممبر قومی اسمبلی زین قریشی کے کیسز کی تفصیلات فراہمی کیس میں دو ہفتوں میں رپورٹ ..
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید ..
وفاقی دارالحکومت اسلام آباد میں پارلیمنٹ ہائوس کی سیکیورٹی کا پول کھل گیا
افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا
انسٹی ٹیوٹ آف سٹریٹجک سٹڈیز میں ”ابھرتے ہوئے جیو پولیٹیکل لینڈ سکیپ میں پاکستان“کے موضوع پر ایک روزہ ..
پاکستان سول ایوی ایشن اتھارٹی کے ترجمان کا وضاحتی بیان
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے ..
پاکستان میں بارشوں کا حالیہ سلسلہ 22 اپریل تک وقفے وقفے جاری رہنے کا امکان
شاہ محمود قریشی کے بیٹے ایم این اے زین قریشی کی کیسوں کی تفصیلات فراہمی کیس
اسلام آباد سے متعلقہ
پاکستان کی تازہ ترین خبریں
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
-
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
لاہور : تین سرکاری ہسپتالوں کیلئے اربوں روپے کا بجٹ جاری
-
سرکاری لیبارٹریز نے ڈینگی مریضوں کی تشخیص بند کر دی
-
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے کے ساتھ ساتھ موٹر ویز سے بھی اتار دیا جائے گا،علیم خان
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
اسلام آباد کے شہریوں کے لئے شروع کئے جانے والے ہائوسنگ کے منصوبوں کو ترجیحی بنیادوں پر مکمل کیا جائے گا ، کسی قسم کی کوتاہی برداشت نہیں کی جائے گی ،ریاض پیرزادہ
-
فیصل آباد سے پتوکی اپنے سسرال آئے شخص نے خود کو فائر مارکر خودکشی کرلی نعش ہسپتال پتوکی منتقل
-
ملتان: تندور مالکان نمایاں مقامات پر 100 گرام روٹی کی قیمت 15 روپے آویزاں کریں، ڈپٹی کمشنر
-
گورنرپنجاب سے سرجن ڈاکٹر برگیڈیئر (ر)رئوف افتخار احمد کی ملاقات
-
گورنرپنجاب کی لاہور ایجوکیشن رپورٹرز ایسوسی ایشن'' لیرا'' کے منتخب عہدیداروں کو مبارکباد
-
قومی اسمبلی،بلاول بھٹو وزیرِ اعظم کی نشست پربیٹھ گئے