دشمن کوناکوں چنے چبوانے کے50سال مکمل ہونے پر ملک بھر میں جشن منایاگیا
ملک کی سلامتی کا ہر قیمت پر تحفظ کیا جائے گا،قوم کا یوم دفاع پاکستان پرعزم صبح کاآغاز اسلام آباد میں 31 توپوں ، صوبائی دارالحکومتوں میں 21 ، 21 توپوں کی سلامی سے کیاگیا ، 1965ء کی جنگ کے شہداء کو خراج تحسین پیش کرنے کیلئے پوری قوم نے ایک منٹ کی خاموشی اختیار کی ،ملک بھر میں سائرن بجائے گئے ،تمام ٹرینیں اور سڑکوں پر ٹریفک رک گئی، ریڈیو اور ٹی وی چینلز پر قومی ترانہ نشر کیا گیا وزیر اعظم کی میجر عزیز بھٹی شہید کی جائے شہادت پر حاضری، پھول چڑھائے اور فاتحہ خوانی کی، قائد اعظم اور علامہ اقبال کے مزار پر گارڈز کی تبدیلی کی تقریب،پھول چڑھائے اور فاتحہ خوانی کی گئی ،نیول ہیڈ کوارٹر میں یوم دفاع کے موقع پر پریڈ کا انعقاد،پاک بحریہ کے چاق چوبند دستے نے پریڈ میں حصہ لیا،پاک فوج کے زیر اہتمام کرنل شیر خان اسٹیڈیم میں خصوصی نمائش کا انعقاد ، آرمی کی مختلف یونٹس کی جانب سے اسٹالز لگائے گئے،ملک بھر کی مساجد میں ملکی خوشحالی، یکجہتی اورسالمیت کیلئے دعا ئیں مانگی گئیں
اتوار 6 ستمبر 2015 11:34
اسلام آباد/لاہور/کراچی/ پشاور(اُردو پوائنٹ اخبار تازہ ترین۔ 06 ستمبر۔2015ء ) دشمن کوناکوں چنے چبوانے کے50سال مکمل ہونے پر ملک بھر میں جشن مناکر شہداکو خراج تحسین پیش کیاگیا ،قوم نے یوم دفاع پاکستان کی 50 سالہ تقریبات کا اس عزم کی تجدید کے ساتھ آغاز کیا کہ ملک کی سلامتی کا ہر قیمت پر تحفظ کیا جائے گا۔6 ستمبر کی صبح وفاقی دارالحکومت اسلام آباد میں 31 توپوں جبکہ صوبائی دارالحکومتوں میں 21 ، 21 توپوں کی سلامی دی گئی۔
1965ء کی جنگ کے شہداء کو خراج تحسین پیش کرنے کیلئے پوری قوم نے صبح 9 بجکر 29 منٹ سے 9 بجکر 30 منٹ تک ایک منٹ کی خاموشی اختیار کی ۔ملک بھر میں سائرن بجائے گئے جس پر تمام ٹرینیں اور سڑکوں پر ٹریفک رک گئی ، اس کے بعد 9:30 سے 9:32 تک تمام ریڈیو اور ٹی وی چینلز پر قومی ترانہ نشر کیا گیا۔(جاری ہے)
صدر مملکت ممنون حسین نے یوم دفاع کی گولڈن جوبلی پر اپنے پیغام میں کہا کہ پاکستان فو ج نے کامیاب ضرب عضب آپریشن کے ذریعے ثابت کر دیا کہ ملک کی سیکیورٹی اور بقا کو لاحق خطرات ناکام بنا دیے جائیں گے۔
انہوں نے مزید کہا کہ پاکستانی قوم اور مسلح افواج سرحدوں کی سلامتی اور خود مختاری کے تحفظ کیلئے کسی بھی حد تک جا سکتی ہیں۔وزیر اعظم نواز شریف نے اس موقع پر کہا کہ دہشت گردی سے نمٹنے کیلئے سیاسی اور عسکری قیادت نے جس مثالی اتحاد کا مظاہرہ کیا وہ ہماری قومی تاریخ کا ایک اور شاندار باب ہے۔انہوں نے دہشت گردی کے خلاف جنگ میں جانیں نچھاور کرنے اور اپنے عزیز و اقارب گنوانے والوں کے حوصلے اور جوش کو سلام بھی پیش کیا۔ ’ہم اپنے تمام پڑوسیوں کے ساتھ خود مختاری میں برابری کی بنیاد پر اچھے اور پر امن تعلقات کے خواہاں ہیں۔آرمی چیف جنرل راحیل شریف نے یوم دفاع پر پیغام میں کہا کہ وطن کے دفاع کے لیے کسی قربانی سے دریغ نہیں کریں گے، 13سال سے دہشت گردی کے خلاف جنگ لڑ رہے ہیں۔ آپریشن ضرب عضب نے دہشت گردوں کی کمر توڑ دی ہے، آپریشن ضرب عضب جلد اہداف حاصل کرے گا۔وزیر اعظم نوازشریف نے لاہور میں بیدیاں کے قریب میجر عزیز بھٹی شہید کی جائے شہادت پر حاضری دی۔نواز شریف نے میجر عزیز بھٹی شہید کی یادگار پر پھول چڑھائے اور فاتحہ خوانی کی۔کراچی میں قائد اعظم محمد علی جناح کے مزار اور لاہور قومی شاعر علامہ محمد اقبال کے مزار پر گارڈز کی تبدیلی کی تقریب منعقد ہوئی۔مزار قائد پر گارڈز کی تبدیلی کی پروقار تقریب کا انعقاد کیا گیا، پاکستان ایئر فورس کے کیڈٹس نے مزار قائد پر گارڈز کے فرائض سنبھالے۔پاکستان ایئرفورس اکیڈمی رسالپور کے کیڈٹس نے مزار قائد پر گارڈز کے فرائض سنبھالے۔گارڈز کی تبدیلی کی تقریب کے مہمان خصوصی ایئروائس مارشل عاصم ظہیر تھے۔ایئروائس مارشل عاصم ظہیر نے مزار قائد پر پھول چڑھائے اور فاتحہ خوانی کی۔تقریب میں عسکری اور سیاسی حلقوں سمیت شہریوں کی بڑی تعداد نے بھی شرکت کی۔لاہورمیں پاکستان رینجرز پنجاب کے چاق وچوبند دستے نے سلامی پیش کی۔مزار اقبال پر بریگیڈیئر بلال جاوید نے چیف آف آرمی اسٹاف جنرل راحیل شریف کی جانب سے پھولوں کی چادر چڑھائی اور فاتحہ خوانی کی۔نیول ہیڈ کوارٹر اسلام آباد میں بھی یوم دفاع کے موقع پر پریڈ کا اہتمام کیا گیا۔پاک بحریہ کے چاق چوبند دستے نے پریڈ میں حصہ لیا، جبکہ تقریب کے مہمان خصوصی کموڈور خالد پرویز تھے۔ملک کے دیگر شہروں کی طرح پشاور میں بھی یوم دفاع قومی جوش و جذبے سے منانے کا اہتمام کیا گیا۔اس حوالے سے شہر بھر میں مختلف تقریبات منعقد کی گئیں۔پاک فوج کے زیر اہتمام کرنل شیر خان اسٹیڈیم میں خصوصی نمائش کا انعقاد کیا گیا، جس میں آرمی کی مختلف یونٹس کی جانب سے اسٹالز لگائے گئے، جن میں عسکری ہتھیار،آلات اوردیگر سامان حرب نمائش کے لیے رکھا گیا، نمائش میں دشمن سے قبضے میں لی گئی اشیاء بھی رکھی گئیں۔ ملک بھر کی مساجد میں ملک کی خوشحالی، یکجہتی اورسالمیت کیلئے دعاؤں کا بھی اہتمام کیاگیا۔متعلقہ عنوان :
اسلام آباد میں شائع ہونے والی مزید خبریں
آل پاکستان رمضان کپ باسکٹ بال ٹورنامنٹ کے مقابلے اسلام آباد میں جاری
تحریک انصاف کی کور کمیٹی نے عمران خان کے وکلاءکی کارکردگی پر سوالات اٹھا دئیے
پی ٹی آئی رہنماءعامر ڈوگر کو عمرے پر جانے کی اجازت مل گئی
حج 2024کے موقع پر حجاز مقدس میں فرائض سرانجام دینے والے معاونین کے انتخاب کے لیے نیشنل ٹیسٹنگ سروس نے نتائج ..
یو سی آئی نے پاکستان سائیکلنگ فیدریشن کی بھر پور حمایت کرنے اور سائیکنگ کے فروغ دینے کے لیے پاکستان ..
واپڈانے دریاؤں اور آبی ذخائر میں پانی کی آمد واخراج کے اعدادوشمار جاری کر دیئے
ٹریکٹروں کی پیداوارمیں 8 ماہ کے دوران 68 فیصد اضافہ
معروف قوال استاد شاہد علی خان نے لوک ورثہ میں قوالی پیش کر کے سماں باندھ دیا
ایف آئی اے بلوچستان کا جعلی ادویات کیخلاف کریک ڈائون، چھاپے، بھاری مقدار میں دوائیاں بر آمد ، چار ..
صورتحال تشویشناک ہے، تمام اداروں کو اپنا کردار ادا کرنا چاہیے، نیئر بخاری
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے ..
اسلام آباد سے متعلقہ
پاکستان کی تازہ ترین خبریں
-
آل پاکستان رمضان کپ باسکٹ بال ٹورنامنٹ کے مقابلے اسلام آباد میں جاری
-
پی ٹی آئی رہنماءعامر ڈوگر کو عمرے پر جانے کی اجازت مل گئی
-
گوجرانوالہ،سفاک چچا اور چچی کامبینہ طورپربچے پرڈنڈوں سے تشدد،7سالہ بچہ جاں بحق
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
شہبازشریف نے پی پی 164میں ضمنی انتخاب کیلئے رانا راشد منہاس کو پارٹی ٹکٹ جاری کر دیا
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
-
وزیر صحت خواجہ سلمان رفیق کا آپریشن تھیٹرز پر جاری پیش رفت کا جائزہ لینے کیلئے پی آئی سی کا دورہ
-
صوبائی وزیر صنعت و تجارت چوہدری شافع حسین کا رایہ گولف اینڈ کنٹری کلب ڈیفنس کا دورہ
-
پی آئی اے پرواز کی خاتون فضائی میزبان کو ٹورنٹوائیرپورٹ پر حراست میں لے لیاگیا
-
اسٹیٹ بینک کے زرمبادلہ کے ذخائر میں 40 لاکھ ڈالر کا اضافہ