50 واں یوم دفاع ملی جوش و جذبے کے ساتھ منایا جا رہا ہے
فہد شبیر اتوار 6 ستمبر 2015 13:02
اسلام آباد(اُردو پوائنٹ اخبارتازہ ترین۔6ستمبر۔2015ء) بھارت کو 1965 کی جنگ میں عبرتباک شکست سے دوچار کرنے پر ملک بھر میں 50 واں یوم دفاع شایان شان طریقے سے منایا جا رہا ہے۔ پچاسویں یوم دفاع کے موقع پر دن کے آغاز میں نماز فجر کے بعد ملک کی سلامتی اور دفاع اور 65 کی جنگ کے شہداء کے لئے خصوصی دعائیں مانگی گئیں جب کہ وفاقی دار الحکومت میں 31 اور صوبائی دارالحکومتوں میں 21، 21 توپوں کی سلامی دی گئی۔
یوم دفاع کے موقع پر ملک بھر میں خصوصی تقاریب کا اہتمام بھی کیا جا رہا ہے جب کہ سیکیورٹی کے بھی سخت انتظامات کئے گئے ہیں۔ اس موقع پر 1965 کی جنگ کے شہداء کی یاد میں ایک منٹ کی خاموشی بھی اختیار کی جائے گی۔ نیول ہیڈ کوارٹر اسلام آباد میں بھی یوم دفاع کے حوالے سے خصوصی تقریب کا اہتمام کیا گیا۔(جاری ہے)
نیوی کے دستے نے تقریب کے مہمان خصوصی کموڈور خالد پرویز کو گارڈ آف آنر پیش کیا۔
کراچی میں بانی پاکستان قائد اعظم محمد علی جناح کے مزار پر گارڈز کی تبدیلی کی پروقار تقریب منعقد کی گئی۔ پاکستان ایئرفورس کے چاک و چوبند دستے نے مزار قائد کی سیکیورٹی کے فرائص سنبھالے، مزار کی سیکیورٹی پاک فضائیہ کے 75 کیڈٹس نے سنبھالے جس میں 6 خواتین کیڈٹس بھی شامل ہیں۔ ایئر وائس مارشل عاصم ظہیر تقریب کے مہمان خصوصی تھی جنہوں نے بانی پاکستان کے مزار پر پھولوں کی چادر چڑھائی اور فاتحہ خوانی کی۔ لاہور میں شاعر مشرق علامہ محمد اقبال کے مزار پر بریگیڈئیر بلال جاوید نے پھولوں کی چادر چڑھائی اور فاتحہ خوانی کی۔ بریگیڈئیر بلال جاوید نے مہمانوں کی کتاب میں اپنے تاثرات درج کئے جب کہ رینجرز کے جوانوں نے مزار اقبال پر سلامی پیش کی۔ وزیراعظم نے بھی لاہور میں میجر عزیز بھٹی شہید کے مزار پر حاضری دی اور پھولوں کی چادر چڑھائی۔ اس موقع پر وزیر دفاع خواجہ آصف اور کور کمانڈر لاہور بھی ان کے ہمراہ تھے۔ کوئٹہ اور پشاور میں بھی یوم دفاع کے حوالے سے خصوصی تقاریب کا اہتمام کیا گیا، کوئٹہ میں کمانڈر سدرن کمانڈ میجر جنرل ناصر جنجوعہ تقریب کے مہمان خصوصی تھے جب کہ پشاور میں کرئل شیر خان شہید اسٹیڈیم میں دفاعی سازو سامان کی نمائش کا اہتمام کیا گیا ہے۔ پاک فوج کے شعبہ تعلقات عامہ کے مطابق یوم دفاع کے موقع پر راولپنڈی میں دفاعی سازو سامان کی نمائش کا انعقاد بھی کیا جا رہا ہے، شہری صبح 9 بجے سے شام 4 بجے تک قاسم آرمی بیس دھنیال میں دفاعی سازو سامان کی نمائش دیکھ سکتے ہیں۔ یوم دفاع کے حوالے سے مرکزی تقریب آرمی ہیڈ کوارٹر راولپنڈی میں منعقد ہو گی جس میں آرمی چیف جنرل راحیل شریف مہمان خصوصی ہوں گے۔متعلقہ عنوان :
اسلام آباد میں شائع ہونے والی مزید خبریں
قانون کے پیشہ کی فلاح و بہبود اور ترقی اولین ترجیح ہے ، اعظم نذیر تارڑ
کیسز میں تاخیر کو کم کرنے، شفافیت کو بڑھانے، عدالتی عمل کو تیز کرنے میں ٹیکنالوجی سے استفادہ ضروری ہے،نیشنل ..
علامہ اقبال نے امت مسلمہ کو فکر، امید کی نئی جہت دی،وزیر خارجہ سینیٹر اسحاق ڈار
پاکستان میں تمام مذاہب کے پیروکار آزاد ہیں اور ریاست ان کے حقوق کا مکمل تحفظ کر رہی ہے،فیصل کریم کنڈی
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
وفاقی دارالحکومت میں پولن کی مجموعی مقدار میں اضافہ ریکارڈ
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے ..
آئیسکو نے بجلی کی عارضی بندش کا دو روزہ شیڈول جاری کر دیا
وفاقی وزیر بحری امور قیصر احمد شیخ سے پاکستان میں ڈنمارک کے سفیر کی سربراہی میں وفد کی ملاقات
پاکستان نے امریکی محکمہ خارجہ کی طرف سے جاری انسانی حقوق کے طریقوں سے متعلق 2023 کی رپورٹ کو مسترد کر دیا
قومی اسمبلی میں گندم کی خریداری اوراس سے منسلک دیگرمسائل پراراکین کا اظہارخیال
ایوان کا اجلاس بروقت شروع کرنے کو یقینی بنایا جا رہا ہے، ڈپٹی سپیکر
اسلام آباد سے متعلقہ
پاکستان کی تازہ ترین خبریں
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت