پاکستان کے 24ویں چیف جسٹس کی حیثیت سے جسٹس انور ظہیر جمالی نے اپنے عہدے کا حلف اٹھا لیا
جمعرات 10 ستمبر 2015 11:17
اسلام آباد (اُردو پوائنٹ اخبار تازہ ترین۔ 10 ستمبر۔2015ء) پاکستان کے 24ویں چیف جسٹس کی حیثیت سے جسٹس انور ظہیر جمالی نے جمعرات کو اپنے عہدے کا حلف اٹھا لیا ہے-ایوان صدر میں منعقدہ ایک پروقار تقریب میں صدر مملکت ممنون حسین نے ان سے حلف لیا-اس موقع پر وزیراعظم محمد نواز شریف‘ وفاقی وزراء ‘ چیئرمین جائنٹ چیفس آف سٹاف کمیٹی جنرل راشد محمود‘ تینوں مسلح افواج کے سربراہان ‘ سابق چیف جسٹس افتخار محمد چوہدری‘ وزراء اعلی ‘ وزیراعظم آزاد کشمیر ‘ سینیٹ میں اپوزیشن لیڈر اعتزاز احسن ‘ سینئر قانون دانوں‘ مختلف ممالک کے سفیروں اوردیگر اہم شخصیات نے بڑی تعداد میں شرکت کی- جسٹس انور ظہیر جمالی 2009ء سے سپریم کورٹ میں فرائض سرانجام دے رہے ہیں اور اب انہیں چیف جسٹس جواد ایس خواجہ کی ریٹائرمنٹ پر سینئر ترین جج ہونے کے باعث صدر مملکت نے چیف جسٹس کے عہدے پر فائز کیا ہے وہ 31 دسمبر2016ء تک اس عہدے پر فائز رہیں گے-وہ اس سے قبل سندھ ہائی کورٹ کے چیف جسٹس بھی رہے -جسٹس انور ظہیر جمالی کا تعلق حضرت قطب جمال الدین احمد ہنسوی کے خاندان سے ہے اور وہ بابافریدالدین گنج شکر کے خلیفہ تھے-جسٹس انور ظہیر جمالی کے والدین نے 1947ء میں قیام پاکستان کے بعد جے پور بھارت سے پاکستان کی طرف ہجرت کی -وہ حیدر آباد میں 31 دسمبر 1951ء کو پیدا ہوئے-سندھ یونیورسٹی سے 1971ء میں بی اے اور 1973ء میں قانون کی ڈگری حاصل کی اور سندھ بارکونسل میں وکیل بنے-13 نومبر 1977ء کو وہ ہائی کورٹ اور 14 مئی 1987ء کو سپریم کورٹ کے وکیل مقرر کئے گئے- وہ تین بار ڈسٹرکٹ بار ایسوسی ایشن حیدر آباد کے صدر بنے -حیدر آباد سے سندھ بار کونسل میں دو بار پانچ سال کیلئے منتخب ہوئے -مختلف اداروں کے لیگل ایڈوائزر بھی رہے-مئی 1998ء میں انہیں ہائی کورٹ سندھ کا جج بنایا گیا یہاں انہیں 7 جون 2006ء کو ہائی کورٹ کا انتظامی جج مقرر کیا گیا-انہوں نے 2007ء میں جنرل مشرف کے پی سی او پر حلف لینے سے انکار کیا -27 اگست 2008ء کو دوبارہ سندھ ہائیکورٹ کے جج اور چیف جسٹس کی حیثیت سے بحال ہوئے اور 3 اگست 2009ء کو انہیں سپریم کورٹ کا جج مقرر کیاگیا-وہ مختلف اداروں کے بورڈ آف ڈائریکٹرز میں بھی شامل رہے-حلف برداری کے بعد صدر ‘ وزیراعظم اور تقریب میں آئے ہوئے دیگر مہمانوں نے چیف جسٹس انور ظہیر جمالی کو نئی ذمہ داریاں سنبھالنے پر مبارکباد دی-
اسلام آباد میں شائع ہونے والی مزید خبریں
پاکستان اور ویسٹ انڈیز کی ویمن کرکٹ ٹیموں کے درمیان پہلا ٹی ٹونٹی میچ جمعے کو کھیلا جائے گا
پاکستان اور برطانیہ کا تعلیمی شعبے میں تعاون پر تبادلہ خیال
بلدیاتی نمائندوں کو فنڈز فراہم کرنا خوش آئند ہے،فی وارڈ کم ازکم دس لاکھ روپے سالانہ فراہم کیے جائیں،ڈاکٹر ..
آئیسکو نے بجلی کی عارضی بندش کا شیڈول جاری کردیا
ایتھوپیا کے سفیر جمال بیکر عبد اللہ اور وزیر اعظم کی کوآرڈینیٹر برائے موسمیاتی تبدیلی رومینہ خورشید ..
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
آئیسکو چیف 26اپریل کو فیس بک اور ٹیلی فون پر صارفین کی شکایات سنیں گے
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
متروکہ وقف املاک کی چودہ سو سینتالیس ایکڑ زمین مختلف لوگوں اور اداروں نے گھیری ہوئی ہے
پولیس کے افسران کی پوسٹنگ اب چیف کمشنر کی مشاورت سے ہوگی ،نوٹیفکیشن جاری
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
انجمن تاجران راولپنڈی کینٹ کا ڈی ایس پی کینٹ مرزا جاوید اور ایس ایچ او سلیم قریشی کی کینٹ سرکل تعیناتی ..
اسلام آباد سے متعلقہ
پاکستان کی تازہ ترین خبریں
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
اگر انتخابی نظام اور نئے الیکشن کی بات ہوتی ہے توسب بات کریں گے
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری