الیکشن کمیشن نے سندھ میں 3 مراحل میں بلدیاتی انتخابات کے لیے تیاریاں مکمل کرلیں

جمعرات 10 ستمبر 2015 17:03

اسلام آباد (اُردو پوائنٹ اخبار تازہ ترین۔ 10 ستمبر۔2015ء) الیکشن کمیشن نے سندھ میں 3 مراحل میں بلدیاتی انتخابات کے لیے تیاریاں مکمل کرلی ہیں۔الیکشن کمیشن آف پاکستان کی جانب سے جاری بیان کے مطابق سندھ بھر کے 29 اضلاع میں 11ہزار 745 نشستوں پر 3 مراحل میں بلدیاتی انتخابات ہوں گے، صوبے بھر کی یونین کونسلز میں کْل 10 ہزار 89 جب کہ میونسپل کمیٹی اورٹاوٴن کمیٹی میں کْل ایک ہزار 656 نشستیں ہیں۔

(جاری ہے)

الیکشن کمیشن کے مطابق صوبے بھر میں ایک میٹروپولیٹین، 3میونسپل،6ڈسٹرکٹ میونسپل کارپوریشن ، ایک ہزار 137 یونین کونسلز، 151ٹاوٴن کمیٹیز اور 24 ڈسٹرکٹ کونسل قائم کی جائیں گی انتخابات میں 29 ڈسٹرکٹ ریٹرننگ آفیسرز، 316ریٹر ننگ آفیسر اور 551اسسٹنٹ ریٹرننگ آفیسرز ہوں گے۔واضح رہے کہ سندھ میں بلدیاتی انتخابات کاپہلا مرحلہ 31اکتوبر، دوسرا 19 نومبر، تیسرا مرحلہ 3دسمبر کو ہو گا۔

متعلقہ عنوان :

اسلام آباد میں شائع ہونے والی مزید خبریں