پنجاب کے میدانی علاقوں میں شدید دھند ، نظام زندگی مفلوج ہوکر رہ گیا

جمعرات 21 جنوری 2016 11:23

اسلام آباد /لاہور (اُردو پوائنٹ اخبارتازہ ترین - آئی این پی۔21 جنوری۔2016ء) راولپنڈی اسلام آباد میں شدید دھند ، حد نظر چھ میٹر سے بھی کم رہی ، موسم سرد اور خشک ہوگیا ۔ محکمہ موسمیات کا کہنا ہے کہ پنجاب کے میدانی علاقوں ، پشاور ڈویژن اور بالائی سندھ میں رات اور صبح کے اوقات میں شدید دھند کا سلسلہ جاری رہے گا۔ راولپنڈی اسلام آباد میں موسم سرد اور خشک رہا جبکہ گہری دھند ہونے سے نظر کی حد دس سے پندرہ فٹ رہ گئی ۔

محکمہ موسمیات کے مطابق پنجاب کے بیشتر میدانی علاقے اور بالائی سندھ دھند کی لپیٹ میں ہیں۔

(جاری ہے)

سب سے کم حد نگاہ جوہر آباد میں 50 میٹر جبکہ بہاولپور100 ، ساہیوال، سکھر 200 ، راولپنڈی ، گوجرانوالہ 300، ڈی جی خان، منگلا 500، لاہور ، فیصل آباد ، نوابشاہ اور گجرات میں 1000میٹر ہے ۔ ،پنجاب کے میدانی علاقوں ، پشاور ڈویژن اور بالائی سندھ میں رات اور صبح کے اوقات میں شدید دھند کا سلسلہ جاری رہے گا۔ کم سے کم درجہ حرارت سکردو منفی 11 ، استور منفی 10 ، کالام ، گوپس منفی 07، راولاکوٹ منفی 06 ، دیر ، ہنزہ ، گلگت منفی 05 ، پارہ چنار ، ژوب ، کوئٹہ منفی 04 ، دالبندین منفی 03 ، مالم جبہ منفی 02 ، بونجی ، سبی ، ایبٹ آباد ، لوئر دیر ، بنوں میں منفی 01 ڈگری سینٹی گریڈ ریکارڈ کیا گیا۔

متعلقہ عنوان :

اسلام آباد میں شائع ہونے والی مزید خبریں