چیئرمین پی ٹی آئی کا پنجاب میں جنگلات کے مسلسل کٹاؤ پر تشویش کا اظہار ،حکومتی شخصیات ڈپٹی سپیکر پنجاب کے جنگلات کی اراضی پر قبضے پر کڑی تنقید
بلین ٹری سونامی مہم کے کامیاب تسلسل پر خیبرپختونخوا حکومت مبارکباد کی مستحق ہے ، عالمی اداروں کی جانب سے منصوبے کی تحسین صوبائی حکومت کا اہم کارنامہ ہے، عمران خان
جمعرات 21 جنوری 2016 22:11
اسلام آباد (اُردو پوائنٹ اخبارتازہ ترین - این این آئی۔21 جنوری۔2016ء) پاکستان تحریک انصاف کے چیئرمین عمران خان نے پنجاب میں جنگلات کے مسلسل کٹاؤ پر انتہائی تشویش کا اظہار کرتے ہوئے حکومتی شخصیات بشمول صوبائی ڈپٹی اسپیکر کے جنگلات کی اراضی پر قبضے کو کڑی تنقید کا نشانہ بنایا۔ ان کا کہنا تھا کہ پنجاب کے برعکس خیبرپختونخوا میں حکومت آئندہ نسلوں کو موسمیاتی تغیرات کے مہلک اثرات سے محفوظ بنانے کیلئے انتہائی متحرک انداز میں کام کر رہی ہے اور صوبے میں جنگلات کے رقبے کو بڑھانے، نئے درخت لگانے اور جنگلی حیات کے تحفظ کیلئے انتہائی اہم اقدامات اٹھانے میں مصروف ہے۔
بلین ٹری سونامی مہم کے کامیاب تسلسل پر صوبائی حکومت مبارکباد کی مستحق ہے جبکہ عالمی اداروں کی جانب سے اس منصوبے کی تحسین بھی صوبائی حکومت کا اہم کارنامہ ہے۔(جاری ہے)
انہوں نے مزید کہا کہ پنجاب میں حکومتی سرپرستی میں جنگلات کا کٹاؤ جاری ہے اور چھانگا مانگا، کندیاں،چیچہ وطنی کے مقام پر قائم جنگلات کا تیزی سے صفایا ہورہا ہے۔ خیبرپختونخوا میں صوبائی حکومت نہ صرف اپنے جنگلات کی حفاظت کرے گی بلکہ لاکھوں ایکڑ اراضی پر مشتمل نئے جنگلات لگائے جائینگے اور صوبے میں ماحولیاتی سیاحت کے فروغ کیلئے حکمت عملی مرتب کی جائے گی۔
صوبے بھر میں نیشنل پارکس کے قیام میں بھی تیزی لائی جائیگی، تاکہ نہ صرف آئندہ نسلوں کا مستقبل محفوظ بنایا جا سکے بلکہ بڑھتے ہوئے درجہ حرارت کو روکنے کی بھی تدبیر کی جا سکے۔ خیبرپختونخوا حکومت کی جانب سے ماحولیات کے تحفظ کے لئے اٹھائے گئے اقدامات کی عالمی سطح پر پذیرائی پر وزیراعلی، ماحولیات اور جنگلات کے محکموں کے حکام مبارکباد کے مستحق ہیں۔ ان خیالات کا اظہار انہوں نے اسلام آباد میں ایشاء پروٹکٹیڈ ایریاز پارٹنرشپ میں خیبرپختونخوا کی شمولیت کے موقع پر منعقدہ تقریب سے بطور مہمان خصوصی خطاب کرتے ہوئے کیا۔ اس موقع پر انہوں نے صوبائی حکومت کو اس اہم سنگ میل کے حصول پر مبارکباد پیش کی۔ ان کا کہنا تھا کہ تحریک انصاف کی صوبائی حکومت نے گلوبل وارمنگ کے اثرات کو انتہائی سنجیدگی سے لیا ہے اور ماحولیاتی تنزلی کا سلسلہ روکنے کیلئے ایک ارب درخت اگانے کا عہد کیا ہے۔ انہوں نے کہا کہ اب تک تقریباً گیارہ کروڑ درخت لگائے جا چکے ہیں، جبکہ آئندہ تین ماہ میں پچیس کروڑ درخت لگائیں گے جبکہ 2018تک ایک ارب بیس کروڑ درخت اگانے کا ہدف پورا کرینگے۔ا نہوں نے کہا کہ تحریک انصاف کی صوبے میں حکومت سے قبل بیس ارب سالانہ مالیت کی لکڑی چوری کی جاتی تھی جس کا فوری طورپر تدارک کیا جا چکا ہے۔ انہوں نے کہا کہ صوبائی حکومت نے لینڈ مافیا اور قبضہ مافیا سے ہزاروں ایکڑ اراضی بھی واگزار کروائی ہے جس پر صوبائی حکومت تحسین کی مستحق ہے۔ APAمیں خیبرپختونخوا کی شمولیت کے حوالے سے منعقدہ تقریب میں IUCN کے ڈائریکٹر کی جانب سے دستاویزجنگلات کے سیکرٹری کے سپرد کی گئیں، جبکہ AKDNکے ساتھ مفاہمت یاداشت پر بھی دستخط کیے گئے۔متعلقہ عنوان :
اسلام آباد میں شائع ہونے والی مزید خبریں
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس ..
دریائے کابل کے بالائی علاقوں میں شدید بارشوں کے باعث سیلابی صورتحال متوقع، 27 تا 30 اپریل کے دوران سیلابی ..
ہلال احمرپاکستان کی خدمات اور جذبہ خیر سگالی قابل ستائش ہے،مراکشی سفیر
پیپلز پارٹی کی جدوجہد اور قربانیاں ہیں سیاستدان مذاکرات کے دروازے کبھی بند نہیں،نیئر بخاری
اسلام آباد ٹینس کمپلیکس میں سازش کے تحت آپریشن کیا گیا،تاج حیدر
وزیراعظم کی زیرصدارت پاکستان کونسل برائے موسمیاتی تبدیلی کا تیسرا اجلاس، صوبائی حکومتوں اور وفاق ..
اسلام آباد،مدرسہ میں کرنٹ لگنے سے طالبعلم جاں بحق
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
مہنگائی کی ماری عوام کیلئے تازہ ہوا کا جھونکا، پٹرولیم مصنوعات کی قیمتوں میں کمی متوقع
وفاقی وزیر منصوبہ بندی و ترقی احسن اقبال سے ورلڈ بینک کے گلوبل ڈائریکٹر برائے گورننس کی ملاقات، ترقیاتی ..
کوکا کولا کی جانب سے پاکستان میں 22 ملین ڈالر کی اضافی سرمایہ کاری
افغان شہریوں کو غیر قانونی طور پر پاکستانی شناختی کارڈ کے اجراء کا معاملہ ، ملزم گرفتار
اسلام آباد سے متعلقہ
پاکستان کی تازہ ترین خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
سونے کی قیمتوں میں اضافے کا رجحان برقرار
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
محمود خان اچکزئی کے وارنٹ گرفتاری جاری
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی