پاکستان کشمیر کے عوام کی جدوجہد کی سیاسی ، سفارتی اور اخلاقی حمایت جاری رکھے گا، ممنون حسین
پاکستان کی حمایت کی وجہ سے جدوجہد آزادی میں شریک کشمیری عوام کے حوصلے بلند ہوتے ہیں،کسی بھی موقع پر پاکستانی عوام ،حکومت نے مایوس نہیں کیا ،حریت قائدین
جمعرات 4 فروری 2016 18:11
اسلام آباد (اُردو پوائنٹ تازہ ترین 04 فروری۔2015ء) صدر مملکت ممنون حسین نے کہا ہے کہ پاکستان کشمیر کے عوام کی جدوجہد کی سیاسی ، سفارتی اور اخلاقی حمایت جاری رکھے گا، پاکستان کا ہر بچہ یہ احساس لیکر پیدا ہوتا ہے کہ کشمیر پاکستان کی شہ رگ ہے اور پاکستان کسی مصلحت کو خاطر میں لائے بغیر کشمیر پر اپنے اصولی مؤقف پر قائم رہیگا۔صد ر مملکت ممنون حسین نے یہ بات کشمیری حریت قائدین سے گفتگو کرتے ہوئے کہی جنہوں نے ان سے ایوان صدر میں ملاقات کی ۔
صدر مملکت نے کہا کہ مسئلہ کشمیر کا واحد حل اقوام متحدہ کی قراردادوں کے مطابق استصواب رائے ہے جو عالمی مسلمہ اصولوں کے عین مطابق ہے۔ صدر مملکت نے کہا کہ آپ سے آج کی اس ملاقات کا مقصد آپ کو یہ احساس دلانا ہے کہ پاکستان کی قیادت اور عوام آپ کے ساتھ ہیں اورآپ کی جدوجہد آزادی کی مکمل حمایت کرتے ہیں۔(جاری ہے)
صدر مملکت نے کہا کہ گزشتہ ساٹھ سالوں سے کشمیر ی عوام جانوں کا نذرانہ پیش کر رہے ہیں جس پر پوری قوم ان پر سلام پیش کرتی ہے۔
صدر مملکت نے کہا کہ پاکستان کشمیر کے عوام کی جدوجہد کی سیاسی ، سفارتی اور اخلاقی حمایت جاری رکھے گا۔ عالمی برادری اور دیگر مختلف عالمی فورمز کے ذریعے کشمیریوں پر ہونے والے مظالم سے بھی دنیا کو آگاہ کرتا رہے گا۔ صدر مملکت نے کہا کہ کشمیر کے عوام جس طرح پورے عزم اور جرآت کے ساتھ اپنی آزادی کی تحریک چلارہے ہیں وہ لائق تحسین ہے اور پوری با ضمیر دنیا ان کے مؤقف کی حمایت کرتی ہے۔ انہوں نے کہا کہ کشمیر جیسے انسانی مسئلے کو مصلحتوں اور معمولی مفادات کی خاطر نظر انداز کرنے والوں پر افسوس ہے لیکن پاکستان میں کوئی بھی حکومت ہو پاکستان کا مؤقف کس بھی صورت میں تبدیل نہیں ہوگا اور پاکستان کشمیر کے غیور عوام کی جدوجہد آذادی کی حمایت جاری رکھے گا۔حریت قائدین نے مسئلہ کشمیر پر حکومت پاکستان اور پاکستان کے عوام کی مخلصانہ اور پْر زور حمایت پر ان کا شکریہ ادا کیا اور کہا کہ پاکستان کی حمایت کی وجہ سے جدوجہد آزادی میں شریک کشمیری عوام کے حوصلے بلند ہوتے ہیں۔ ان قائدین نے کہا کہ مشکل کی ہر گھڑی میں کشمیر کے لوگ پاکستان کی طرف دیکھتے ہیں اور انہیں کسی بھی موقع پر پاکستان کے عوام یا حکومت پاکستان نے مایوس نہیں کیا جس پر ہم ان کے شکر گزار ہیں۔اس موقع پر وفاقی وزیر برائے امورِ کشمیر برجیس طاہر، قائم مقام سیکریٹری خارجہ اورحریت قائدین فاروقی رحمانی، غلام محمد صفی، محمود ساگر، طاہر مسعود، فیاض نقشبندی، ملک محمد مجید، اطہر مسعود وانی شامل تھے۔متعلقہ عنوان :
اسلام آباد میں شائع ہونے والی مزید خبریں
پاکستان اور ویسٹ انڈیز کی ویمن کرکٹ ٹیموں کے درمیان پہلا ٹی ٹونٹی میچ جمعے کو کھیلا جائے گا
پاکستان اور برطانیہ کا تعلیمی شعبے میں تعاون پر تبادلہ خیال
بلدیاتی نمائندوں کو فنڈز فراہم کرنا خوش آئند ہے،فی وارڈ کم ازکم دس لاکھ روپے سالانہ فراہم کیے جائیں،ڈاکٹر ..
آئیسکو نے بجلی کی عارضی بندش کا شیڈول جاری کردیا
ایتھوپیا کے سفیر جمال بیکر عبد اللہ اور وزیر اعظم کی کوآرڈینیٹر برائے موسمیاتی تبدیلی رومینہ خورشید ..
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
آئیسکو چیف 26اپریل کو فیس بک اور ٹیلی فون پر صارفین کی شکایات سنیں گے
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
متروکہ وقف املاک کی چودہ سو سینتالیس ایکڑ زمین مختلف لوگوں اور اداروں نے گھیری ہوئی ہے
پولیس کے افسران کی پوسٹنگ اب چیف کمشنر کی مشاورت سے ہوگی ،نوٹیفکیشن جاری
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
انجمن تاجران راولپنڈی کینٹ کا ڈی ایس پی کینٹ مرزا جاوید اور ایس ایچ او سلیم قریشی کی کینٹ سرکل تعیناتی ..
اسلام آباد سے متعلقہ
پاکستان کی تازہ ترین خبریں
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
اگر انتخابی نظام اور نئے الیکشن کی بات ہوتی ہے توسب بات کریں گے
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری