کینسر اموات کی دوسری بڑی وجہ ہے ،حکومت، میڈیا اور طبی ماہرین عوام کو سرطان سے بچاؤ کے طریقوں سے آگاہ کریں ،ان کو بہتر سہولیات کی فراہمی کے لئے بھی اقدامات ہونے چاہئیں ،بروقت تشخیص ہو جائے تو90فیصد سرطان قابل علاج ہیں، دنیا بھر میں ہر سال 8.2ملین افراد کینسر کی وجہ سے مر جاتے ہیں
وزیر مملکت کیڈڈاکٹر طارق فضل چوہدری کا کینسر سے متعلق آگہی سیمینار سے خطاب
جمعرات 4 فروری 2016 20:30
اسلام آباد(اُردو پوائنٹ اخبارتازہ ترین - آئی این پی۔04 فروری۔2016ء) وزیر مملکت برائے کیڈڈاکٹر طارق فضل چوہدری نے کہا کہ کینسر اموات کی دوسری بڑی وجہ ہے اور حکومت، میڈیا اور طبی ماہرین کی ذمہ داری ہے کہ وہ عوام کو کینسر سے بچاؤ کے طریقوں سے آگاہ کریں اور بہتر سہولیات مہیا کرنے میں اپنا کردار ادا کریں،بروقت تشخیص ہو جائے تو90فیصد سرطان قابل علاج ہیں، دنیا بھر میں ہر سال 8.2ملین افراد کینسر کی وجہ سے مر جاتے ہیں۔
وہ کینسر کے عالمی دن کے موقع پر شفاانٹرنیشنل ہسپتال میں منعقد کیے گئے کینسر سے متعلق آگہی سیمینار سے خطاب کر رہے تھے۔ ڈاکٹر طارق فضل نے کہا کہ لوگوں کو کینسر کے متعلق آگہی فراہم کر کے اس مرض کے ممکنہ جان لیوا اثرات سے بچا جا سکتا ہے اور اس سلسلے میں میڈیا کا کردار سب سے اہم ہے۔(جاری ہے)
شفاانٹرنیشنل ہسپتال نے عالمی یوم سرطان کے موقع پر سیمینار کا اہتمام کیا۔
یہ دنیا بھر میں ہر سال چار فروری کو منایا جاتا ہے۔ اس سال کا موضوع ’’ہم اجتماعی طورپر یا انفرادی طور پر کینسر کے عالمی بوجھ کو کم کرنے کے لئے اپنا کردار کیسے ادا کرسکتے ہیں‘‘ تھا ۔سیمینار میں طلباء ‘ڈاکٹروں‘سرطان کے مریضوں اور شہریوں کی بڑی تعداد نے شرکت کی۔شعبہ سرطان کے ڈاکٹر محمد فرخ اورڈاکٹر کامران رشید نے بھی شرکاء سے خطاب کیا۔انہوں نے کہاکہ سرطان کی بہت سی اقسام ہیں، سرطان ایک موذی مرض ہے تاہم بروقت تشخیص ہو جائے تو90فیصد سرطان قابل علاج ہیں۔ڈاکٹر کامران نے کہا کہ دنیا بھر میں ہر سال 8.2ملین افراد کینسر کی وجہ سے مر جاتے ہیں۔انہوں نے اس بات پر زوردیا کہ لوگوں کی سرطان کی علامات کا علم ہونا چاہیے اور ڈاکٹر کو بھی علامات ظاہر ہونے کی صورت میں سرطان کی تشخیص کے ٹیسٹ لازمی کروانے چاہئیں۔تاہم ماہرین نے کہا کہ پرہیز علاج سے بہتر ہے اور صحت مند طرز زندگی اپنا کر‘رو زانہ ورزش کرکے‘پھلوں اور سبزیوں کازیادہ استعمال کرکے اور سگریٹ نوشی تمباکو کے استعمال اور شراب نوشی سے پرہیز کرکے اس موذی مرض سے بچاجاسکتا ہے۔شعبہ سرطان کے ماہر ڈاکٹر محمد فرخ نے کہا کہ اندازے کے مطابق دنیا بھر میں 32.6ملین افراد کینسر کے مرض کے ساتھ رہ رہے ہیں۔پانچ سالوں کی رپورٹ کے مطابق پاکستان میں کینسر کے مریضوں کی تعداد 1,48,041ہے جبکہ کینسر سے ہونے والی اموات 1,01,113 ہیں۔(جن میں سے 48,449مرد اور52,664خواتین ہیں)۔انہوں نے مزید کہا کہ کینسر 21ویں صدی کی بیماری ہے۔2020ء تک کینسر موت کی ایک اہم وجہ بن سکتی ہے۔کینسر انسانی اموات (12.6%)کی دوسری بڑی وجہ ہے۔جبکہ دل کی بیماریاں (15.1%)‘ٹریفک حادثات(9.7%)‘سانس کی بیماریاں( 7.1%) اور پیرانیٹل حالات(5.4%)ہیں۔شرکاء سے خطاب کرتے ہوئے شعبہ سرطان کی ڈاکٹر سائرہ حسن خطاب کرتے ہوئے کہا کہ پاکستان میں خواتین میں چھاتی کاسرطان تیزی سے بڑھ رہا ہے اور اس کی شرح ایشیائی ممالک میں سب سے زیادہ ہے۔ہر آٹھ میں سے ایک پاکستانی عورت کا چھاتی کے سرطان میں مبتلا ہونے کا خدشہ ہے۔انہوں نے کہا کہ اس سے بچاؤ اور مرض ہونے کی صورت میں بروقت آگہی کے لئے خواتین کو باقاعدگی سے اپنا معائنہ کروانا چاہیے اور اگر چھاتی میں کوئی گلٹی محسوس کریں‘رنگت میں تبدیلی یا کوئی گڑھا یا مادہ خارج ہوتا ہو تو فوراً ڈاکٹر سے مشورہ کرنا چاہیے۔انہوں نے بتایا کہ اس کی علامات چھاتی کے علاوہ بغل میں بھی ہوسکتی ہیں۔اس سے پہلے ڈاکٹر کامران رشید نے کینسر کے حوالے سے مختلف اقسام پر روشنی ڈالی اور اس کی وجوہات اور بچاؤ کے لئے اقدامات سے آگاہ کیا۔متعلقہ عنوان :
اسلام آباد میں شائع ہونے والی مزید خبریں
الیکشن کمیشن نے ضمنی انتخابات 2024 میں عوام الناس کی سہولت کیلئے الیکشن مانیٹرنگ اینڈ کنٹرول سنٹرقائم ..
سی پیک کے باعث پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں،وزیراعظم
صدرمملکت آصف علی زرداری کا ڈیرہ اسماعیل خان میں کسٹمز حکام پر دہشت گرد حملے کی مذمت،شہید ہونے والے کسٹم ..
میزائل پروگرام سے منسلک کمپنیوں پر پابندیاں بغیر ثبوت کے لگائی گئیں، دفتر خارجہ
وفاقی وزیر خزانہ کا این ایف سی ایوارڈ پر نظر ثانی کرنے کا عندیہ
پاکستان سمیت دنیا بھرمین ملیریا کا عالمی دن 25 اپریل کومنایا جائے گا
قومی ، صوبائی اسمبلیوں کی 21نشستوں پرضمنی انتخابات (کل )ہونگے ،موبائل ، انٹرنیٹ سروس بند رکھنے کی سفارش ..
موسیقاربڑے غلام علی خان کی برسی 23 اپریل کو منائی جائے گی
انٹرا پارٹی انتخابات، عوامی نیشنل پارٹی صوبہ پنجاب کیلئے نئی کابینہ تشکیل دے دی گئی
قومی و صوبائی اسمبلیوں کی 22 نشستوں پر ضمنی انتخابات کے لیے تیاریاں مکمل‘پولنگ کل ہوگی
ضمنی الیکشن کی فول پروف سکیورٹی کیلئے فوج تعینات کرنے کی منظوری
عدالتی حکم پر بشریٰ بی بی کا نجی ہسپتال سے میڈیکل چیک اپ کروا دیا گیا
اسلام آباد سے متعلقہ
پاکستان کی تازہ ترین خبریں
-
الیکشن کمیشن نے ضمنی انتخابات 2024 میں عوام الناس کی سہولت کیلئے الیکشن مانیٹرنگ اینڈ کنٹرول سنٹرقائم کردیا
-
سی پیک کے باعث پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں،وزیراعظم
-
وزیراعلی خیبرپختونخوا سے ورلڈ فوڈ پروگرام کے وفد کی ملاقات،مختلف شعبوں میں صوبائی حکومت اور ورلڈ فوڈ پروگرام کے باہمی اشتراک کے دائرہ کار کو وسعت دینے پر تبادلہ خیال کیا گیا
-
صدرمملکت آصف علی زرداری کا ڈیرہ اسماعیل خان میں کسٹمز حکام پر دہشت گرد حملے کی مذمت،شہید ہونے والے کسٹم اہلکاروں کے لواحقین کے ساتھ اظہار افسوس
-
موبائل رجسٹریشن سسٹم ( کل ) بحال ہو جائے گا
-
متحدہ عرب امارات سے ترسیلات زر میں سالانہ بنیادوں پر نمایاں اضافہ
-
برائلر گوشت ، انڈوں کی قیمت مستحکم رہیں
-
چینی زبان عالمی منظر نامے میں بہت زیادہ اہمیت اختیار کرچکی،اقوام متحدہ کی چھ آفیشل زبانوں میں سے ایک ہے‘ مریم نوازشریف
-
پاکستان میں چینی زبان و ادب کی ترویج کیلئے سرکاری و نجی سطح پر ہر ممکن اقدامات اٹھائے جا رہے ہیں ‘شہبازشریف
-
قومی ، صوبائی اسمبلیوں کی 21نشستوں پرضمنی انتخابات (کل )ہونگے ،موبائل ، انٹرنیٹ سروس بند رکھنے کی سفارش
-
بانی پی ٹی آئی نے ضمنی الیکشن میں دھاندلی کو روکنے ووٹ کی حفاظت کا پیغام دیا ہے‘ علیمہ خان
-
جناح ہائوس حملہ کیس ،بانی پی ٹی آئی کی بہنوں سمیت 34 ملزمان کی عبوری ضمانتوں میں توسیع