سپریم کورٹ نے سابق چیئرمین ای او بی آئی ظفر گوندل کی ضمانت کی درخواست خارج کر دی
منگل 16 فروری 2016 14:39
اسلام آباد (اُردو پوائنٹ اخبارتازہ ترین - آئی این پی۔16 فروری۔2016ء) سپریم کورٹ نے سابق چیئرمین ای او بی آئی ظفر گوندل کی ضمانت کی درخواست خارج کر دی، سماعت کے دوران جسٹس دوست محمد اور ظفر گوندل کے وکیل لطیف کھوسہ کے درمیان دلچسپ جملوں کا تبادلہ ہوا، جسٹس دوست محمد نے کہا کہ آپ مردوں کے سپر ماڈل ہیں۔منگل کو سپریم کورٹ میں سابق چیئرمین ای او بی آئی ظفر گوندل کی ضمانت کی درخواست پر سماعت ہوئی۔
جسٹس دوست محمد اور جسٹس قاضی فائز عیسیٰ پر مشتمل 2رکنی بینچ نے کیس کی سماعت کی۔ سماعت کے دوران ظفر گوندل کے وکیل لطیف کھوسہ نے دلائل دیتے ہوئے کہا کہ میرے موکل نے ایک پیسے کی بھی کرپشن نہیں کی، جس پر جسٹس قاضی فائز عیسیٰ نے ریمارکس دیئے کہ آپ یہ کیسے کہہ سکتے ہیں، دستاویزات کے مطابق تو آپ کے موکل کے 53بینک اکاؤنٹس ہیں۔(جاری ہے)
لطیف کھوسہ نے کہا کہ ان بینک اکاؤنٹس سے متعلق الزام ہے ثابت ایک بھی نہیں ہوا، میرے موکل نے ایک بھی فیصلہ اکیلے نہیں کیا،ای او بی آئی کا بورڈ آف ٹرسٹیز فیصلے کرتا ہے۔
جس پر ججز نے ریمارکس دیئے کہ ای او بی آئی کے مختلف منصوبوں پر پیسے جاری کرنے کی دستاویزات پر ظفر گوندل کے دستخط ہیں۔ جسٹس قاضی فائز عیسیٰ نے استفسار کیا کہ کیا آپ کے موکل تعلیم یافتہ ہیں، جس پر لطیف کھوسہ نے بتایا کہ میرے موکل نے بین الاقوامی تعلقات میں ماسٹرز کیا ۔ جسٹس قاضی فائز عیسیٰ نے ریمارکس دیئے کہ جن کاغذات پر دستخط کئے ان سے لگتا تو نہیں کہ آپ کے موکل تعلیم یافتہ ہیں۔ جسٹس دوست محمد نے ریمارکس دیئے کہ سردار صاحب آپ ٹھیک کہہ رہے ہیں، یہ معاملہ ایک پیسے کا نہیں بلکہ کروڑوں کا ہے۔ جسٹس قاضی فائز عیسیٰ نے ریمارکس دیئے کہ آپ ادھر ادھر کی باتیں نہ کریں بتائیں کہ مختلف منصوبوں پر رقم جاری کس نے کی۔ سماعت کے دوران ڈپٹی اٹارنی جنرل نے عدالت کو بتایا کہ ظفر گوندل کرپشن کے 14مقدمات میں بھی ملوث ہیں،غیر رجسٹر کمپنی کو مہنگے داموں پر ٹھیکے دیئے گئے۔جسٹس قاضی فائز عیسیٰ نے ریمارکس دیئے کہ ایک سال میں قیمت 3گنا بڑھے گی تو سوال اٹھیں گے۔ سماعت کے دوران جسٹس دوست محمد اور لطیف کھوسہ میں دلچسپ جملوں کا تبادلہ ہوا۔ جسٹس دوست محمد نے کہا کہ آپ مردوں کے سپر ماڈل ہیں، ناشتے میں کیا کھا کر آئے ہیں۔ لطیف کھوسہ نے کہا کہ ظفر گوندل کی ساکھ مٹی میں ملا کر رکھ دی گئی ہے، جس پر جسٹس دوست محمد نے ریمارکس دیئے کہ ایسے عمارت کا ٹھیکہ دیا جیسے بغیر میک اپ کے خاتون ہو۔ عدالت نے سابق چیئرمین ای او بی آئی ظفر گوندل کی ضمانت کی درخواست خارج کر دی۔متعلقہ عنوان :
اسلام آباد میں شائع ہونے والی مزید خبریں
بلدیاتی نمائندوں کو فنڈز فراہم کرنا خوش آئند ہے،فی وارڈ کم ازکم دس لاکھ روپے سالانہ فراہم کیے جائیں،ڈاکٹر ..
آئیسکو نے بجلی کی عارضی بندش کا شیڈول جاری کردیا
ایتھوپیا کے سفیر جمال بیکر عبد اللہ اور وزیر اعظم کی کوآرڈینیٹر برائے موسمیاتی تبدیلی رومینہ خورشید ..
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
آئیسکو چیف 26اپریل کو فیس بک اور ٹیلی فون پر صارفین کی شکایات سنیں گے
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
متروکہ وقف املاک کی چودہ سو سینتالیس ایکڑ زمین مختلف لوگوں اور اداروں نے گھیری ہوئی ہے
پولیس کے افسران کی پوسٹنگ اب چیف کمشنر کی مشاورت سے ہوگی ،نوٹیفکیشن جاری
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
انجمن تاجران راولپنڈی کینٹ کا ڈی ایس پی کینٹ مرزا جاوید اور ایس ایچ او سلیم قریشی کی کینٹ سرکل تعیناتی ..
(کل)ملک کے مختلف علاقوں میں تیز ہوا ں اورگرج چمک کیساتھ بارش کا امکان
حکومت نے ڈیجیٹل پاکستان کمیٹی تشکیل دیدی، تانیہ ایدروس کنوینر مقرر
اسلام آباد سے متعلقہ
پاکستان کی تازہ ترین خبریں
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
اگر انتخابی نظام اور نئے الیکشن کی بات ہوتی ہے توسب بات کریں گے
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری