قومی اسمبلی میں اپوزیشن کی پی آئی اے بحران اور پٹرولیم مصنوعات کی قیمتیں مزید کم نہ کر نے پر حکومت پر شدید تنقید
منگل 16 فروری 2016 16:45
اسلام آباد (اُردو پوائنٹ اخبارتازہ ترین - این این آئی۔16 فروری۔2016ء) قومی اسمبلی میں اپوزیشن نے پی آئی اے بحران اور پٹرولیم مصنوعات کی قیمتیں مزید کم نہ کر نے پر حکومت پر شدید تنقید کرتے ہوئے کہا ہے کہ کشکول توڑنے کی باتیں کر نے والے امریکی کانگریس سے قرضہ کی منظوری پر واہ واہ کررہے ہیں سابق چیف جسٹس افتخار چوہدری ہمارے دور میں گیم کرتے تھے اور ہمارے خلاف فیصلے دیتے تھے ہم نے صبر کا دامن ہاتھ سے نہیں چھوڑا ملک کا وزیر داخلہ اسلام آباد میں بیٹھ کر ایک دہشت گرد کیخلاف کارروائی کرنے سے ڈرتا ہے وزیر اعظم ایوان میں آئیں اور پالیسیاں بنائیں پٹرول اور مٹی کے تیل کی قیمت پانچ روپے فی لیٹر اورڈیزل کی قیمت بیس روپے فی لیٹر کم کی جائے تمام ٹیکسز واپس لئے جائیں پٹرولیم مصنوعات پر اضافی سیلز ٹیکس غیر قانونی اور غیر آئینی ہے ، پی آئی اے کے شہداء ملازمین کو انصاف دلوانے کیلئے جوڈیشل کمیشن بنایا جائے۔
(جاری ہے)
تعریف اس حکومت کی جس نے ہم سے سب کچھ چھپایا
ہمارے دور میں افتخار چودھری ہمارے خلاف گیم کرتا تھا اور فیصلے دیتا تھا لیکن ہم نے صبر کا دامن ہاتھ سے نہیں جانے دیا، آج ان کی اپنی ایک پارٹی ہے اور سرکاری بلٹ پروف گاڑی میں پھر رہے ہیں ہم غریب کی آواز اس ایوان میں بلند کرتے ہیں، ایل این جی میں کیا ہوا ہے سب کو پتہ ہے، یہ ملک غریب نے بنایا، بڑے بڑے جاگیرداروں نے نہیں بنایا، قائد اعظم نے یہ ملک غریبوں کیلئے بنایا تھا آج غریب عوام چیخ چیخ کر کہہ رہی ہے کہ خدا را بزدل نہ ہو اور دہشت گردوں کے آگے نہ جھکو اس ملک کا وزیر داخلہ اسلام آباد میں بیٹھ کر ایک دہشت گرد کیخلاف کارروائی کرنے سے ڈرتا ہے ، وزیر اعظم کو پیغام دیتا ہوں کہ آئیں پالیسیاں ایوان میں بنائیں۔تحریک انصاف کے اسد عمر نے کہا کہ اس وقت پٹرول پر 51 فیصد، مٹی کے تیل پر 62 فیصد اور ڈیزل پر 98 فیصد ٹیکس ہے ، حکومت کو ان ٹیکسز سے وزیراعظم ہاؤس کیلئے کتے ان کیلئے بلٹ پروف گاڑی اور رائیونڈ کیلئے ایک الگ بجلی کی لائن ڈالنی ہے تاکہ وہاں بجلی کی سپلائی ہر وقت جاری رہے۔ پی پی پی کے دور میں ڈیزل پر 23 فیصد ٹیکس تھا دنیا میں 72 ممالک ایسے ہیں جن میں ڈیزل ہم سے سستا ہے، سری لنکا، ایران اور بھارت میں بھی ڈیزل ہم سے سستا ہے اور یہ جھوٹا دعویٰ کرتے ہیں کہ ہمارے ہاں تیل ایشیاء کے تمام ممالک سے سستا ہے، مائیک توڑ توڑ کر عوام سے وعدے کئے جاتے تھے کہ لوڈشیڈنگ چھ ماہ میں ختم کر دی جائیگی، نیپرا کی رپورٹ ہے کہ جب یہ حکومت آئی تو بجلی کا شاٹ فال 4200 میگا واٹ تھا اور آج یہ شاٹ فال 4500 میگا واٹ ہے، بجلی کی لوڈشیڈنگ کے پی کے ، سندھ، بلوچستان اور جنوبی پنجاب میں بڑھی ہے کم ہوئی ہے تو صرف شمالی پنجاب میں، مطلب یہ کہ اگر (ن )لیگ کو ووٹ نہیں دوگے تو بجلی نہیں ملے گی، نیلم جہلم پراجیکٹ کی قیمت 340 فیصد بڑھ چکی ہے ، گردشی قرضے اب پھر 330 ارب پر پہنچ چکے ہیں ، جے آئی ڈی سی کے ذریعے وفاق نے صوبوں کا حق چھینا اس حکومت نے چار سو ارب سے زائد ٹیکسز پارلیمنٹ کی منظوری کے بغیر لگائے۔ پٹرول اور مٹی کے تیل کی قیمت پانچ روپے فی لیٹر اورڈیزل کی قیمت بیس روپے فی لیٹر کم کی جائے ، بجلی اور گیس پر لگائے گئے نئے ٹیکس واپس لئے جائیں ہمیں درس دیا جاتا ہے کہ مسائل پارلیمان میں اٹھائیں اور پی آئی اے کے بل پر مجھے بولنے ہی نہیں دیا گیا اگر پارلیمان میں ہماری بات نہیں سنیں گے تو پھر سڑکوں پر بات کرینگے، میاں صاحب دھائیوں سے بزنس سے منسلک ہیں ان سے یو توقع تھی کہ یہ کم از کم سٹیل مل کو ٹھیک کردینگے کیونکہ ان کا اصل بزنس ہی سٹیل کا ہے لیکن آج سٹیل مل بند پڑی ہے ، ملازمین کو تنخواہیں نہیں مل رہیں آپ سٹیل مل کی ذمہ داری حسین نواز کو دیدیں تو سٹیل مل ٹھیک چل سکتی ہے کیونکہ ان کو سٹیل مل چلانے کا بہت تجربہ ہے ایک طرف آپ کہہ رہے ہیں کہ ہم پی آئی اے کی نجکاری نہیں کررہے اور عملاًء ایسا ہی کررہے ہیں تو خدا را ایوان کے سامنے سچ تو بولیں، پی آئی اے کے تین سو ارب قرضوں کا خسارہ حکومت کو اٹھانا پڑیگا اگر اس کو پرائیوٹائز کیا گیا تو پی آئی اے کے ملازمین کی تعداد پی پی پی پی دور میں کم ہوئی نہ کہ بڑھی یہ الزام ان پر غلط ہے۔ پی آئی اے کے جہازوں کی تعداد بڑھنے سے اس کا خسارہ کم ہونا چاہئے تھا لیکن اس کا ریونیو بڑھنے کی بجائے آٹھ ارب کم ہوا، پی آئی اے کے اسلام آباد دفتر کی قیمت پانچ کروڑ رکھی گئی کوئی ممبر ہی وہ خرید لے بڑا سستا بک رہا ہے حالانکہ اس کی اصل قیمت 25 کروڑ تک ہے ، حکومت دانستہ طور پر اداروں کو تباہ کررہی ہے۔ایم کیو ایم کے فاروق ستار نے کہا کہ عالمی مارکیٹ میں تیل کی قیمت کم ہونے کے باوجود عوام کو ریلیف نہیں دیا گیا، اوگرا کی حیثیت بھی سامنے آچکی ہے کہ وہ کتنا خود مختار ہے، پٹرولیم مصنوعات پر اضافی سیلز ٹیکس غیر قانونی اور غیر آئینی ہے ، جب گنجے کو ناخن مل جاتے ہیں تو وہ اپنا سر زخمی کرنے کے علاوہ کچھ نہیں کرتا، حکومت نے اپنا فائدہ دیکھا نہ کہ عوام کا، تیل کی قیمت کم از کم بیس سے پچیس روپے کم کی جاسکتی تھی لیکن نہیں کیا گیا۔پاکستان کے عوام کو بہت لائلٹی لیا جارہا ہے اور ان کو دیوار سے لگایا جارہا ہے ، اوگرا کی اگر سفارشات پر عمل نہیں کرنا تو پھر اس کو پیکس کر کے پھینک دیں یہ ملک کسی کے باپ کی جاگیر نہیں کہ ایسے فیصلے کئے جارہے ہیں جیسے میرا سلطان ڈرامہ میں اشرفیاں تقسیم کرتے ہوئے کیا جاتا ہے، ملکی معاملات میرا سلطان سلطنت کی طرح چلائے جارہے ہیں ، خورشید شاہ سے کہونگا کہ اب اجلاس ریکوزیشن کرنے کی بجائے سڑکوں پر نکلنے کا وقت آگیا ہے، عوام کی عدالت کا اجلاس ریکوزیشن کیا جائے۔ پی آئی اے کا نعرہ تھا کہ گریٹ پیپل تو بی فلائی ود پی آئی اے‘ آپ نے اس کو یہ نعرہ دیدیا ہے کہ گریٹ پیپل ٹو بی گراؤنڈڈ ود پی آئی اے۔ پی آئی اے کے شہداء ملازمین کو انصاف دلوانے کیلئے جوڈیشل کمیشن بنایا جائے۔ بول ٹی وی کے ملازمین کی تنخواہوں کا مسئلہ جوں کا توں ہے، پی آئی اے کے 160 ملازمین کو دیئے گئے شوکاز نوٹس واپس لئے جائیں، نیشنل اکانومی پلان بنایا جائے ، نیپ پر عملدرآمد کا جائزہ لیا جائے سال کے بعد یہ صورتحال ہے کہ ساری رینجرز تو سکول کی سیکیورٹی پر لگا دی گئی ہے ایسا نہ ہو کل فوج کو بھی اس کام پر لگانا پڑے، پولیس کی تو جو حالت ہے اس کو تو پرائیویٹائز کردیا جائے۔جماعت اسلامی کے صاحبزادہ طارق اللہ نے کہا کہ حکومت اکثریت کے نشے میں ہے اور اپوزیشن کی تجاویز کو ہوا میں اڑا دیتی ہے، وزیراعظم صاحب نے پانچ روپے تیل میں کمی کر کے عوام کیساتھ مذاق کیا ہے، حکومت اس پر ایک کمیٹی بنائے ۔ جب (ن) لیگ اور پی پی پی اقتدار میں ہوتے ہیں تو اس وقت ان کو غریب کی یاد نہیں آتی، ان کو غریب تب یاد آتا ہے جب یہ اپوزیشن میں ہوتے ہیں حکومت کے پاس تعلیم حاصل کرنیوالوں کا ڈیٹا نہیں ہے۔ ریسرچ نہیں ہے، حکومت ٹس سے مس نہیں ہوتی، ادویات مہنگی ہو رہی ہیں ، بغیر کسی اتھارٹی کی منظوری کے ایسا کیا گیا ، کراچی میں پی آئی اے کے بے گناہ لوگ مارے گئے، اس واقعہ کی انکوائری کی جائے، حکومت کی خوش قسمتی ہے کہ اسے شریف اپوزیشن ملی ہے، حکومت کو چاہئے کہ وہ عوام دوست پالیسیاں بنائے۔ مسلم لیگ (ن)کے کیپٹن صفدر نے کہا کہ اسد عمر سٹیٹ سے محبت کا اظہار کررہے تھے مگر میں جب محمود الرحمن کمیشن رپورٹ پڑھتا ہوں تو تاثر کچھ اور ملتا ہے، آج ان کو پی آئی اے کا بڑا درد ہو رہا ہے ان کی غلط پالیسیوں کی وجہ سے پاکستان دو لخت ہوا، اسد عمر صاحب آپ لوگوں نے دھرنا دیکر سی پی ای سی کا راستہ روکا اور ملک کا ایک سال ضائع کیا، یہ ملک کیخلاف بہت بڑی سازش تھی، 2018ء تک ہم بجلی کے بحران سے نمٹ لینگے ، نیب کے سربراہ جنرل ریٹائر حامد نے کہا کہ وزیراعلی کے پی کے پرویز خٹک کرپشن میں ملوث ہیں، انہوں نے کے پی کے کی حکومت کو کرپٹ قرار دیا ہے، عمران خان کے فون کے خرچے، جہازوں کے خرچے کے پی کے سے نکالے جارہے ہیں اور یہ جہانگیر ترین مائننگ کے ذریعے نکال رہے ہیں، کے پی کے کا وزیراعلی دن کے دو بجے اٹھتا ہے وہاں کونسا نیا پاکستان بن رہاہے؟ فاروق ستار صاحب یہاں افتخارچودھری کی بات ہوئی لیکن یہ بات بھی کریں کہ ان کے استقبال کیلئے جو پچاس لوگ شہید ہوئے ان کا ذمہ دار کون ہے ؟۔ جاوید ہاشمی نے جو الزامات پی ٹی آئی پر لگائے ان کی بھی انکوائری کی جائے کے پی کے کے جن اضلاع میں پی ٹی آئی کی حکومت ہے ان کو فنڈز نہیں دیئے جارہے ، اگلے الیکشن میں ان کی ضمانتیں ضبط ہونگی۔ پیپلز پارٹی کے اعجاز جاکھرانی نے کہا کہ پختونوں کے بچوں کو پنجاب میں داخلے نہیں دیئے جارہے اور پختونوں کے کارڈز بلاک ہوچکے ہیں ہم اپنے بچوں کو سکولوں میں داخلہ نہیں دے رہے تو پھر دشمن کے بچوں کو کیا پڑھائینگے ۔امجد علی خان نیازی نے کہا کہ کیپٹن صفدر کی سرکاری بینچز سے جذباتی وابستگی ہے اور سرکاری داماد بھی ہیں ان کو ذاتی حملوں سے گریز کرنا چاہیے۔جے یو آئی کے مولانا امیر زمان نے کہا کہ میرے حلقے میں سات لوگوں کو ایف سی کی وردی میں لوگ اغواء کر کے لے گئے ہیں ، اس کے علاوہ لوگ ایف سی کی جعلی وردیوں میں لوگوں کو سڑکوں پر روکتے ہیں اور لوٹتے ہیں ، ایف سی کی وردیوں کی رسائی بآسانی نہیں ہونی چاہئے تاکہ ان کا استعمال جرائم پیشہ افراد نہ کرسکیں۔
متعلقہ عنوان :
اسلام آباد میں شائع ہونے والی مزید خبریں
�ں جوائنٹ کاپوریشن کمیٹی کی تیاری بارے وفاقی وزیر منصوبہ کی زیرصدارت اجلاس ،منعقد،تمام وزارتوں کو اپنا ..
شنگھائی الیکٹرک گروپ پاکستان میں توانائی بحران کو ختم کرنے کیلئے کوشاں
وزیراعظم کے کوآرڈینیٹر برائے صحت، ڈاکٹر ملک مختار احمد بھرتھ کا وفاقی صحت سہولت پروگرام کے ڈیٹا سینٹر ..
محنت، لگن اور قابلیت کی اعلی مثال- کیڈٹ کمل ناتھ شرما، قائد کے فرمان پر اقلیتوں کو آگے بڑھتنے کے مواقع ..
قومی اسمبلی اجلاس :ریاض فتیانہ نے 165سابقہ ارکان پارلیمنٹ و صوبائی اسمبلی ممبران کے ناموں پر سفری پابندیاں ..
پنجاب میں گنے کے کاشتکاروں کی اربوں روپے کی ادائیگیوں کا معاملہ قومی اسمبلی میں پہنچ گیا
قومی اسمبلی اجلاس،بلوچستان میں گیس کے اضافی بلز ، سرچارجز پر توجہ دلائو نوٹس پر وزارت پٹرولیم سیکرٹری ..
تمام سیاسی جماعتوں کو مل بیٹھ کر اس ایوان کے تقدس کیلئے اقدامات اٹھانے ہونگے،سینیٹرشیری رحمن
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
الیکشن کمیشن نے ضمنی انتخابات میں پنجاب اسمبلی کے 10 حلقوں سے کامیاب امیدواروں کے نوٹیفکیشن جاری کردیئے
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی ..
یوٹیلیٹی سٹورز پر عام مارکیٹ سے کونسی اشیائ ضروریہ مہنگی، تفصیلات سامنے آگئی
اسلام آباد سے متعلقہ
پاکستان کی تازہ ترین خبریں
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
اوپن یونیورسٹی نے داخلوں کی تاریخ میں 15مئی تک توسیع کردی
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب