سینیٹ وقفہ سوالات،حویلیاں سے خنجراب تک نئی پٹڑی بچھانے کی تجویز زیر غور ہے،سعد رفیق
منصوبے کا تخمینہ 10 ارب 50 کروڑ ڈالر ہے،موجودہ حکومت کے دور میں کوئی ناقص ریلوے انجن نہیں خریدا گیا، امریکہ کی جنرل الیکٹرک کے تیار کردہ انجن خرید رہے ہیں،وزیرریلوے چکلالہ کنٹونمنٹ بورڈ ملحقہ پلے لینڈ کی تعمیر کا کام دسمبر 2016ء تک مکمل ہو جائیگا،عابد شیرعلی ،افغان باشندوں کے پاکستانی قومی شناختی کارڈمنسوخ کردیئے جائیں گے، عبدالقادر بلوچ
جمعرات 18 فروری 2016 21:14
اسلام آباد(اُردو پوائنٹ اخبارتازہ ترین - آن لائن۔18 فروری۔2016ء) سینٹ میں جمعرات کو وقفہ سوالات کے دوران سینیٹر طلحہ محمود اور میاں عتیق شیخ کے سوالات کے جوابات میں وفاقی وزیر ریلوے سعد رفیق نے ایوان کو بتایا کہ حویلیاں سے خنجراب کے درمیان 682 کلو میٹر کی نئی پٹڑی بچھانے کی تجویز زیر غور ہے، ہم نے چین کو اقتصادی راہداری کے تحت حویلیاں سے آگے ایبٹ آباد اور مانسہرہ تک پٹڑی پہلے مرحلے میں بچھانے کی تجویز دی ہے جس پر ابھی کوئی حتمی فیصلہ نہیں ہوا تاہم حویلیاں تک کا منصوبہ فائنل ہے۔
انہوں نے بتایا کہ حویلیاں سے خنجراب تک کے منصوبے کا تخمینہ 10 ارب 50 کروڑ ڈالر ہے۔ وفاقی وزیر ریلوے سعد رفیق نے ایوان کو بتایا کہ موجودہ حکومت کے دور میں کوئی ناقص ریلوے انجن نہیں خریدا گیا۔(جاری ہے)
انہوں نے کہا کہ سابقہ حکومت کے دور میں انجنوں کی خریداری کی گئی تھی اب ہم امریکہ کی جنرل الیکٹرک کے تیار کردہ انجن خرید رہے ہیں۔ وہ معیار کے لحاظ سے بہترین انجن ہیں۔
انہوں نے کہا کہ 59 نئے ریلوے انجن خریدے جا رہے ہیں جن کی مرمت کے بھی مناسب انتظامات کئے جائیں گے۔ چینی کمپنی کے انجنوں کی قیمتیں زیادہ ہیں اس لئے نہیں خریدے تاہم انجنوں کی مرمت کے معاملہ پر کوئی سمجھوتہ نہیں کیا جائے گا۔ وزیر مملکت برائے پانی و بجلی عابد شیر علی نے ایوان کو بتایا ہے کہ چکلالہ کنٹونمنٹ بورڈ راولپنڈی سے ملحقہ پلے لینڈ کی تعمیر کا کام جاری ہے جو دسمبر 2016ء تک مکمل ہو جائے گا اور اسے عوام کے لئے کھول دیا جائے گا۔ انہوں نے بتایا کہ یہ عام لوگوں کے لئے پارک ہوگا اس پارک میں تفریح کے لئے مواقع اور دیگر سہولیات موجود ہوں گی۔ وفاقی وزیر سیفران لیفٹیننٹ جنرل (ر) عبدالقادر بلوچ نے ایوان کو بتایا کہ جن افغان باشندوں نے پاکستان کا قومی شناختی کارڈ حاصل کرلیا ہے ان کو منسوخ کیا جائے گا جس کے بعد انہیں واپس بھجوایا جا سکتا ہے۔ انہوں نے کہا کہ رجسٹرڈ افغانیوں کی وطن واپسی کا عمل حکومت پاکستان، افغانستان اور یو این ایچ سی آر کے درمیان سہ فریقی معاہدے کے مطابق کیا جاتا ہے۔ اس وقت 15 لاکھ 50 ہزار رجسٹرڈ افغان مہاجرین رجسٹریشن کارڈ کا ثبوت رکھتے ہیں۔ وزیراعظم نے حال ہی میں رجسٹرڈ افغان مہاجرین کی قانونی طور پر افغان مہاجرین کی پاکستان میں ٹھہرنے کی تاریخ میں رواں سال 30 جون تک اضافہ کیا ہے البتہ ان افغان مہاجرین کے پاکستان میں قیام کی مدت میں 31 دسمبر 2017ء تک اضافہ کرنے کی سمری کابینہ میں زیر غور ہے۔ سینیٹر کریم احمد خواجہ کے سوال کے جواب میں انہوں نے ایوان کو بتایا کہ زمینی اصلاحات ایکٹ 1977ء کی اکثر دفعات کو سپریم کورٹ کے شریعت اپیل بینچ کی طرف سے اسلامی تعلیمات کے منافی قرار دیا گیا تھا۔ سپریم کورٹ نے 24 اکتوبر 2013ء کے اپنے فیصلے کے ذریعے نئے فریقین مخالف کو جامع بیان دائر کرانے والی ضروری پارٹیز میں شامل کرنے کی ہدایت دی ہے۔ یہ معاملہ انتہائی اہمیت کا حامل ہے اور اس کے قومی سطح پر بہت سے اثرات مرتب ہوں گے اور زمینی اصلاحات کے رکے ہوئے عمل کو دوبارہ بحال کرنے میں ورکرز پارٹی کی درخواست کی قبولیت اہم کردار ادا کرے گی۔ یہ مسئلہ قومی سطح پر تمام صوبائی حکومتوں کی شراکت سے متفقہ طور پر سامنے آنا چاہئے لہذا اسے زیر غور لانے اور سپریم کورٹ کے سامنے متفقہ موقف کے طور پر پیش کرنے کی غرض سے اسے مشترکہ مفادات کونسل میں پیش کرنے کا فیصلہ کیا گیا ہے۔ انہوں نے کہا کہ پاکستان میں اصلاحات اراضی تین مراحل کا عمل رہا ہے۔ پہلی اصلاحات اراضی 1959ء، دوسری 1972 اور تیسری 1977ء میں کی گئی۔متعلقہ عنوان :
اسلام آباد میں شائع ہونے والی مزید خبریں
وزیراعظم محمد شہباز شریف کی زیر صدارت وفاقی کابینہ کا اجلاس شروع
بس ڈرائیوروں کےلیے یکساں یونیفارم کا قانون نافذ کر دیا گیا ہے، سعودی ٹرانسپورٹ جنرل اتھارٹی
پاکستان اور نیوزی لینڈ کی کرکٹ ٹیموں کے درمیان پانچواں اور آخری ٹی20 میچ ہفتہ کو قذافی سٹیڈیم لاہورمیں ..
قانون کے پیشہ کی فلاح و بہبود اور ترقی اولین ترجیح ہے ، اعظم نذیر تارڑ
کیسز میں تاخیر کو کم کرنے، شفافیت کو بڑھانے، عدالتی عمل کو تیز کرنے میں ٹیکنالوجی سے استفادہ ضروری ہے،نیشنل ..
علامہ اقبال نے امت مسلمہ کو فکر، امید کی نئی جہت دی،وزیر خارجہ سینیٹر اسحاق ڈار
پاکستان میں تمام مذاہب کے پیروکار آزاد ہیں اور ریاست ان کے حقوق کا مکمل تحفظ کر رہی ہے،فیصل کریم کنڈی
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
وفاقی دارالحکومت میں پولن کی مجموعی مقدار میں اضافہ ریکارڈ
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے ..
آئیسکو نے بجلی کی عارضی بندش کا دو روزہ شیڈول جاری کر دیا
وفاقی وزیر بحری امور قیصر احمد شیخ سے پاکستان میں ڈنمارک کے سفیر کی سربراہی میں وفد کی ملاقات
اسلام آباد سے متعلقہ
پاکستان کی تازہ ترین خبریں
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت