سوراج ویدایا بنگلہ دیش کی خام پٹ سن کی برآمد پر پابندی سے پیدا بحران کے حل کیلئے مداخلت کریں،احسن احمد خان
ہفتہ 28 نومبر 2015 12:16
کراچی (اُردو پوائنٹ اخبارتازہ ترین - آن لائن۔28 نومبر۔2015ء) پاکستان جوٹ ملز ایسوی ایشن ( پی جے ایم اے ) نے جنوبی ایشیائی علاقائی تعاون کی تنظیم(سارک) کے چیمبرآف کامرس اینڈ انڈسٹری کے صدر سوراج ویدایا سے کہا ہے کہ بنگلہ دیش کی جانب سے خام پٹ سن کی برآمد پر پابندی سے پیدا ہونے والے بحران کو حل کرنے کیلئے فوری طور پر مداخلت کریں۔پاکستان جوٹ ملز ایسوی ایشن (پی جے ایم اے )کے چیئرمین احسن احمد خان نے سارک کے صدر سے مسائل کے حل کیلئے کردار ادا کرنے پر زور دیتے ہوئے ایک خط میں مطالبہ کیا ہے کہ ” پاکستان اور بنگلہ دیش دونوں ممالک کے بہترین قومی مفاد میں پابندی کو ختم کرنے کیلئے صورت حال بہتر کرنے کیلئے مداخلت کریں۔
آپ اس معاملے کو ترجیحی بنیادوں پر حل کروانے کیلئے رکن ملکوں کے تمام سفارتی اور حکومتی ذرائع کو متحرک کر سکتے ہیں۔(جاری ہے)
ہمیں یقین ہے کہ آپ کی جانب سے کی گئی فوری کارروائی دونوں اطراف کے برآمدکنندگان اور درآمد کنندگان کو اس بڑی پریشانی سے یقینی طور پر بچا لے گی جس کاان حالات میں مستقبل میں امکان نظر آ رہا ہے۔چیئرمین پی جے ایم اے نے 3 نومبر 2015 سے بنگلہ دیش کی حکومت کی جانب سے خام پٹ سن کی برآمدات پر نافذ پابندی کے خلاف شدید تشویش کا اظہار کرتے ہوئے اپنے خط میں کہا ہے کہ یہ معاملہ ہنگامی / سنگین نوعیت کا ہے کیوں کہ پاکستان بنگلہ دیش کی پٹ سن کے بڑے درآمدکنندگان میں سے ایک ہونے کی وجہ سے صرف ایک ہی ملک سے کی جانے والے درآمدات سے اپنی پٹ سن کی صنعت کی خام پٹ سن کی تمام بنیادی ضروریات پوری کرتا ہے۔
خط میں اس بات کو دہرایا گیا ہے کہ سارک چیمبر آف کامرس اینڈ انڈسٹری کو اس کے تمام ارکان کے مابین اقتصادی (تجارت) اور دیگر ترقیاتی تعلقات کے فروغ اور انہیں باقاعدہ بنانے کے لئے چارٹر دیا گیا ہے۔ اس کے شہریوں کیلئے تعاون اور شراکت کیلئے بہتر مستقبل کے حصول کے ذریعے ان ممالک کے مابین تعلقات کو مضبوط کرنا اس کے مقاصد میں سے ایک ہے۔سار ک ممالک SAFTA اور SAPTA کے ذریعے مزید ایک دوسرے کے ساتھ جڑے ہوئے ہیں۔
خط میں کہا گیا ہے کہ”یہ بھی سمجھا جا رہا ہے کہ چیمبر کسی بھی رکن ریاست کی جانب سے باہمی تجارت کی جانب کسی الجھن، غلط فہمی یا کسی ناجائز عمل کی صورت میں اپنا کردار ادا کرتا ہے ۔ خام پٹ سن پر متذکرہ پابندی کسی بھی پیشگی وارننگ کے بغیر لگائی گئی ہے۔لہٰذا اس کی وجہ سے پڑنے والے اثرات ہماری صنعت پر اثر انداز ہوں گے اور اسے سنگین مشکلات کا سامنا کرنا پڑے گا۔ خط میں کہا گیا ہے کہ ”فصلوں، خصوصاً گندم، چاول، غلہ اور آلو وغیرہ کی پیداوار کا ذخیرہ ”بوریوں کی سپلائی بند ہونے “ کی صورت میں پورے ملک میں خراب ہوجانے کا اندیشہ ہے۔ فصلوں کو کھیتوں سے منڈیوں تک پہنچانا اور اس کی نقل وحمل بھی بری طرح متاثر ہوگی اور ایسی صورت میں ایسے چھوٹے کسانوں کا نقصان بہت زیادہ ہوگا جو درکار باردانہ (پٹ سن کی بوریاں) کی عدم موجودگی میں اپنی پیدوار کو فروخت کرنے کے قابل نہیں رہیں گے۔چیئرمین پی جے ایم اے نے سارک چیمبر آف کامرس اینڈ انڈسٹری کے صدر، سوراج ویدایا سے درخواست کی ہے کہ وہ ان سودوں کے فوری اجراء کی اجازت کیلئے اپنے اختیارات کو استعمال کریں جن کیلئے پابندی لگائے جانے سے قبل LCs پہلے ہی تیار ہو چکی ہیں۔”خام پٹ سن کی وہ کھیپیں جو برآمدات کے لئے بالکل تیار تھیں اور جن کیلئے پابندی کے نوٹیفکیشن سے پہلے ہی LCs کھولی جا چکی ہیں ، بھی اس فوری فیصلے کا شکار ہو گئی ہیں۔بنگلہ دیش کی حکومت کو اپنے پیشگی وعدوں اور اپنی تجارتی اور کاروباری کمیونٹی کے وعدوں اور دستخط کردہ معاہدوں سے انحراف نہیں کرنا چاہیئے۔کراچی میں شائع ہونے والی مزید خبریں
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
ویسٹ انڈیزویمنزکرکٹ ٹیم کے خلاف پاکستانی ویمنزکرکٹ ٹیم کی مایوس کن کارکردگی، نئی کمیٹی قائم
پاکستان اورویسٹ انڈیزکی ویمن کرکٹ ٹیموں کے درمیان پہلا ٹی ٹونٹی میچ (کل) کھیلا جائے گا
سارا پیسہ سرکاری تنخواہوں میں دیتے رہیں گے؟ عوام کو کچھ نہیں مل رہا، چیف جسٹس
برآمد کی اجازت دینے کی رپورٹس پر چینی کی قیمتوں میں اضافہ
انسولین سمیت 27 اہم ادویات کی قلت کا انکشاف‘ ڈریپ حکام نے تردید کردی
ہمایوں سعید نے اداکارہ صبور علی کو گلے لگالیا ،تمام حدیں پار
نازش جہانگیر نے بابراعظم کو ’’سب کا بھائی‘‘ کہہ دیا
معروف اداکارہ مدیحہ رضوی نے دوسری شادی کرلی،تصاویروائرل
پ*وزیراعظم اور وفاقی وزراء سے گورنرسندھ کامران خان ٹیسوری کی ملاقات
iوزیراعظم محمد میاں شہباز شریف سے گورنرسندھ کی ملاقات
کراچی سے متعلقہ
پاکستان کی تازہ ترین خبریں
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
-
پولیس وردی پہننے پر مریم نواز کیخلاف مقدمہ درج کرنے کی درخواست دائر