دسمبر 2016ء سے ملک میں رائج کرنسی نو ٹوں کی قانونی حیثیت ختم ہو جائیگی‘رپورٹ

Zeeshan Haider ذیشان حیدر منگل 8 دسمبر 2015 21:31

کراچی (اُردو پوائنٹ تازہ ترین ۔۔ آئی پی اے ۔۔08 دسمبر۔2015ء) وفاقی حکومت کی جانب سے 4 جون 2015ء کو جاری گزٹ نوٹیفکیشن کے مطابق یکم دسمبر 2016ء سے پرانے ڈیزائن کے بینک نوٹوں کی قانونی حیثیت ختم ہو جائیگی۔ اب یہ فیصلہ کیا گیا ہے کہ تمام باقی رہ جانے والے 10، 50، 100 اور ایک ہزار روپے کے پرانے ڈیزائن کے بینک نوٹوں کو مرحلہ وار ختم کر دیا جائیگا۔

(جاری ہے)

5 روپے کے نوٹ اور پرانے ڈیزائن کے 500 روپے کے نوٹ کی قانونی حیثیت پہلے ہی ختم ہو چکی ہے۔

کمرشل اور مائیکرو فنانس بینک 30 نومبر 2016ء تک 10، 50، 100 اور ایک ہزار روپے کے پرانے نوٹوں کی وصولی اور ان تمام مالیتوں کا اتنے ہی مالیت کے نئے ڈیزائن کے بینک نوٹوں اور سکوں سے تبادلہ جاری رکھیں گے تاہم ایس بی پی بی ایس سی کے فیلڈ دفاتر 31 دسمبر 2021ء تک عوام سے 10، 50، 100 اور ایک ہزار روپے کے پرانے ڈیزائن کے بینک نوٹ قبول کرتے رہینگے۔

کراچی میں شائع ہونے والی مزید خبریں