ڈیٹھ سیل میں بیٹھے شخص کے بیان کو اہمیت دینا اور سزا ئے موت کو موخر کرنا شکوک و شبہات بڑھائے گا ‘ خورشید شاہ

جو سزا ہے وہ اسے ملنی چاہیے ،صولت مرزا کے بیان سے ایم کیو ایم کو سیاسی فائدہ پہنچایا گیا ،کراچی آپریشن پر شکوک و شبہات بڑھیں گے , عزیر بلوچ دبئی میں قانون نافذ کرنیوالے اداروں کی حراست میں ہے میرا نہیں خیال وہ کوئی بیان دے سکتا ہے ،اگر اس کا کوئی بیان آیا بھی ہے تو سند ھ حکومت نے امن کمیٹی کے نام پر قتل و غارت پر سخت ایکشن لیا تھا جسکی وجہ سے اسے پاکستان سے فرار ہونا پڑا , پہلے بھی کہہ چکا ہوں سندھ میں کسی غیر آئینی اقدام کی سازش ہوئی تو یہ پاکستان کے سسٹم اور سب سے پہلے نواز شریف کے خلاف سازش ہو گی , حکومت اور پی ٹی آئی کے درمیان جوڈیشل کمیشن کے قیام پر اتفاق خوش آئند ہے ،عمران خان کو اب پارلیمنٹ میں واپس آ جانا چاہیے , آصف زرداری اور بلاول کے درمیان اختلافات کی باتیں نہ کریں ، بلاول بھٹو 4اپریل کو واپس آرہے ہیں ‘اپوزیشن لیڈر کی ماڈل ٹاؤن میں میڈیا سے گفتگو