ملک کو مسائل سے نکالنے کیلئے آج تحریک پاکستان والے جذبے کی ضرورت ہے ‘شہبازشریف
23مارچ کو تحریک قیام پاکستان میں تاریخی اہمیت حاصل ہے،اس روز برصغیر کے مسلمانوں کیلئے اپنی منزل کا تعین ہوا قیام پاکستان سے تعمیر پاکستان کا جو سفر شروع ہواتھا وہ ابھی ادھورا ہے،منزل کے حصول کیلئے دن رات محنت کرنا ہوگی آج تحریک آزادی کے مجاہدوں کوخراج عقیدت پیش کرنے کا دن ہے جنہوں نے اپنی جانیں دے کر علیحدہ وطن حاصل کیا آج پاکستان کو ترقی و خوشحالی کی منزل سے ہمکنارکرنے کیلئے اپنی تمام ترصلاحیتوں کو بروئے کارلانے کے عزم کااعادہ کرنا ہوگا‘وزیراعلیٰ محمد شہبازشریف کایوم پاکستان کے موقع پرخصوصی پیغام
اتوار 22 مارچ 2015 16:57
لاہور(اُردو پوائنٹ اخبار تازہ ترین۔22مارچ۔2015ء ) وزیراعلیٰ پنجاب محمد شہبازشریف نے کہا ہے کہ23مارچ کو تحریک قیام پاکستان میں تاریخی اہمیت حاصل ہے۔اس روز قرارداد کی منظوری سے برصغیر کے مسلمانوں کیلئے منزل کا تعین ہوا اورایک الگ وطن کے قیام کی راہ ہموار ہوئی،ہمیں آج کے دن پاکستان کوترقی و خوشحالی کی منزل سے ہمکنار کرنے اوراسے صحیح معنوں میں بانیان پاکستان کے تصورات کے مطابق ڈھالنے کیلئے اپنی تمام تر صلاحیتوں کو بروئے کار لانے کے عزم کا اعادہ کرنا ہوگا۔
وزیراعلیٰ محمد شہبازشریف نے یوم پاکستان پر اپنے پیغام میں کہا کہ 23مارچ کا دن پاکستان کی آزادی کی جدوجہد کا ایک اہم سنگ میل ہے، اس اہم ترین اورتاریخی دن مسلم لیگ کے جھنڈے تلے برصغیر کے مسلمانوں نے اکٹھے ہوکراپنی منزل کا تعین کیا۔(جاری ہے)
لاہور کے منٹو پارک میں ہونے والے تاریخی جلسے میں شاعر مشرق علامہ اقبال کے تصور کو عملی شکل دینے والی قراردادکی منظوری کے بعدمسلمانوں نے قائد اعظم محمد علی جناح کی ولولہ انگیز قیاد ت میں چند برسوں میں اپنے لئے الگ وطن کے قیام کی منزل حاصل کرلی ۔
انہوں نے کہا کہ قیام پاکستان سے تعمیر پاکستان کا جو سفر شروع ہواتھا وہ ابھی ادھورا ہے۔اس ادھورے سفر کی تکمیل کیلئے ہمیں دن رات محنت کرنا ہوگی اور اپنی منزل کے حصول کیلئے من حیث القوم اپنی تمام تر توانائیاں بروئے کار لانا ہوں گی۔انہوں نے کہا کہ اتحاد ،تنظیم ،نظم وضبط،محنت ، دیانت اورامانت جیسے سنہری اصولوں کو اپناکرپاکستان کو ترقی اورخوشحالی کی منزل سے ہمکنار کیا جاسکتا ہے۔انہوں نے کہا کہ ہمارے آباوٴاجداد نے پاکستان کے حصول کیلئے لازوال قربانیاں دیں جو ہم سے اس بات کا تقاضا کرتی ہیں کہ ہم پاکستان کے قیام کے مقاصد کی تکمیل کیلئے دن رات ایک کردیں۔انہوں نے کہا کہ وطن عزیز کو دہشت گردی،انتہاء پسندی ،فرقہ واریت ،توانائی بحران،غربت اوربے روزگاری جیسے چیلنجز درپیش ہیں۔وزیراعظم نوازشریف کی قیادت میں موجودہ حکومت ملک و قوم کو مسائل کے چنگل سے نکالنے کیلئے سنجیدہ اورمخلصانہ کاوشیں کررہی ہے۔ملک کو مسائل کی دلدل سے نکالنے کیلئے آج اسی جذبے کی ضرورت ہے جس کا مظاہرہ قائد اعظم کی قیادت میں تحریک پاکستان کے دوران دیکھنے میں آیاتھا،ہمیں وسائل کی منصفانہ تقسیم کو یقینی بنا کر امیر اورغریب کے درمیان خلیج کو کم کرنا ہے ۔پنجاب حکومت نے دانش سکول سسٹم،میٹروبس پراجیکٹ،آشیانہ ہاوٴسنگ سکیم اور اپناروزگار سکیم جیسے فلاحی منصوبے شروع کر کے اس جانب مثبت قدم اٹھایا ہے۔ انہوں نے کہا کہ23مارچ کا دن دراصل تحریک آزادی کے مجاہدوں کو خراج عقیدت پیش کرنے کا دن ہے، جنہوں نے اپنے خون کے نذرانے دے کر علیحدہ وطن حاصل کیا ۔ہمیں آج کے دن یہ عہد کرنا ہے کہ پاکستان کو دنیا میں باوقار مقام دلانے کیلئے کوئی کسر اٹھا نہ رکھیں گے۔متعلقہ عنوان :
لاہور میں شائع ہونے والی مزید خبریں
پنجاب بھر میں 1156 ٹریفک حادثات ، 03افراد جاں بحق1233زخمی ہوئے
کمشنر لاہور محمد علی رندھاوا کی زیر صدارت ٹینریز کے حوالے سے اجلاس
کمشنر لاہور محمد علی رندھاوا کا امتحانات چیکنگ کیلئے چوہنگ کا دورہ
کمشنر لاہور محمد علی رندھاوا کی زیر صدارت پتنگ بازی پابندی، یوم علیؓ اور ایسٹر پر انتظامات کے حوالے ..
ناجائز منافع خوروں کو 5لاکھ 2ہزار روپے جرمانے عائد
نوجوان پتنگ بازی کی بجائے، صحتمند کھیلوں کی سرگرمیوں میں حصہ لیں ‘ پرنسپل پی جی ایم آئی
عدالتی اصلاحات کیلئے اکیڈیمیا، بارز اور عدلیہ کو مل کر کام کرنا ہوگا‘ مقررین
وزیرآبپاشی کا نوٹس، پی کے پی اتھارٹی ملازمین کو جلد تنخواہیں ادا کرنے کا حکم
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم ..
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
سرسبز پنجاب، خوشحال کاشتکار‘‘ 5 سال میں صوبے بھر میں تمام کھالے پکے ،وزیر اعلیٰ مریم نواز کا سولر ٹیوب ..
لاہور سے متعلقہ
پاکستان کی تازہ ترین خبریں
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
-
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم نواز شریف معائنہ کرنے پہنچ گئیں
-
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
بجلی ایک ماہ کیلئے 5 روپے فی یونٹ مہنگی کر دی گئی
-
قومی ائیر لائن پی آئی اے کی نجکاری میں بڑی رکاوٹ دور ہوگئی