پاکستان کسان اتحاد کو مطالبات کے حق میں ناصر باغ میں کنونشن سے روک دیاگیا ،پولیس تشدد کے بعد متعدد گرفتار،وزیر اعلیٰ کی مداخلت پر رہائی ،پولیس نے احتجاج کیلئے پریس کلب کے باہر پہنچنے والے رہنماؤں اور کسانوں کوتشدد کے بعد گرفتار کر لیا ،ٹریفک کا نظام درہم برہم، چیئرمین اور ساتھیوں کی گرفتاری کیخلاف کسانوں نے تھانہ ریس کورس کے باہر بھی دھرنا دیدیا،گلوکار جواد احمد بھی اظہار یکجہتی کیلئے پہنچ گئے،حکومت کسانوں کو سہولیات دینے کی بجائے انہیں احتجاج کے حق سے بھی روک رہی ہے ،تحریک کو دبایا نہیں جا سکے گا‘ چیئرمین چوہدری انور و دیگر کی گفتگو
بدھ 25 مارچ 2015 21:41
لاہور(اُردو پوائنٹ اخبارتازہ ترین - این این آئی۔25 مارچ۔2015ء) انتظامیہ نے پاکستان کسان اتحاد کو اپنے مطالبات کے حق میں ناصر باغ میں کنونشن کرنے سے روکدیا ،پولیس نے احتجاج کیلئے پریس کلب کے باہر پہنچنے والے رہنماؤں اور کسانوں کوتشدد کے بعد گرفتار کر لیا تاہم وزیر اعلیٰ پنجاب کی مداخلت کے بعد گرفتار افراد کو رہا کر دیا گیا ،اتحاد کے چیئرمین اور ساتھیوں کی گرفتاری کے خلاف کسانوں نے تھانہ ریس کورس کے باہر بھی دھرنادیا ، کسانوں کے احتجاج کے باعث مال روڈ ‘ پریس کلب اور اطراف اور شاہراہ ایوان صنعت و تجارت پر ٹریفک کا نظام گھنٹوں معطل رہا ۔
پاکستان کسان اتحاد کے اعلان کے مطابق صوبہ بھر سے کسانوں کی ایک بڑی تعداد ناصر باغ میں کنونشن میں شرکت کے لئے پہنچی تاہم انتظامیہ نے کسانوں کو جلسہ کرنے سے روکتے ہوئے موقف اپنایا کہ امن و امان کی صورتحال کے پیش نظر جلسے کی اجازت نہیں دی جا سکتی ۔(جاری ہے)
اس دوران کسان رہنماؤں اور انتظامیہ کے ذمہ داران کے درمیان تلخ کلامی بھی ہوئی تاہم پولیس کی مدد سے جلسے کو منعقد ہونے سے روک دیا گیا ۔
اس موقع پر مال روڈ اور اطراف کی شاہراہوں پر بھی ٹریفک جام رہی ۔پاکستان کسان اتحاد کے عہدیدار پنجاب بھر سے آئے ہوئے کسانوں کے ہمراہ احتجاج کیلئے پریس کلب کے باہر پہنچ گئے اور احتجاجی مظاہرہ شروع ہی کیا تھاکہ اس دوران پولیس کی بھاری نفری موقع پر پہنچ گئی اور کسانوں کو احتجاج ختم کرنے کیلئے کہا تاہم کسانوں کی طرف سے مطالبات کے حق میں احتجاج کا سلسلہ جاری رکھنے کے اعلان پرپولیس نے رہنماؤں اور کسانوں کو تشدد کا نشانہ بنانا شروع کر دیا اور بعد ازاں گرفتار کر کے گاڑیوں میں ڈال کر اپنے ساتھ لے گئی ۔ کسانوں کے مطابق مرکزی صدر چوہدری انور ‘ ضلعی صدر ذواالفقار اعوان سمیت 80سے 90 رہنماؤں اور کارکنوں کو گرفتار کیا گیا ۔پولیس اور کسانوں کے درمیان ہاتھا پائی اور گرفتاریوں کے باعث لاہور پریس کلب اور اسکے اطراف میں ٹریفک کا نظام گھنٹوں درہم برہم رہا جسکی وجہ سے شہریوں کو شدید مشکلات کا سامنا کرنا پڑا۔ کسانوں کی گرفتاری کی خبر میڈیا میں نشر ہونے کے بعد وزیر اعلیٰ پنجاب نے گرفتار افراد کی رہائی کے احکامات جاری کر دئیے ۔ وزیر اعلیٰ کے احکامات پر فوری عملدرآمد نہ ہونے پر کسانوں کی ایک بڑی تعداد تھانہ ریس کورس کے باہر پہنچ گئی اور دھرنا دے دیا جسکے باعث شاہراہ ایوان صنعت و تجارت پر بھی ٹریفک کا نظام معطل ہو گیا ۔اس موقع پر گلوکار جواد احمد بھی کسانوں سے اظہار یکجہتی کے لئے وہاں پہنچ گئے تاہم کچھ دیر بعد تمام گرفتار افراد کو تھانہ ریس کورس سے رہا کر دیا گیا۔ اس موقع پر اتحاد کے چیئرمین چوہدری انور اور دیگر کسان رہنماؤں نے کہا کہ موجودہ حکومت کے دور میں کسان شدید مشکلات کا شکار ہے ، ریلیف اور فصل کی صحیح قیمت نہ ملنے کی وجہ سے پیداواری لاگت بھی پوری نہیں ہوتی ۔ڈیڑھ سال سے گنے کے کاشتکاروں کو شوگر ملز مالکان کی طرف سے تاحال ادائیگیاں نہیں کی گئیں ۔ ڈسٹری بیوشن کمپنیوں کی طرف سے ناجائز بجلی کی ناجائز بل بھجوائے گئے ، ہمارا مطالبہ ہے کہ انہیں معاف کیا جائے اورآئندہ بلوں پر سبسڈی دی جائے۔ انہوں نے کہا کہ حکومت کسانوں کو سہولیات دینے کی بجائے انہیں احتجاج کے حق سے بھی روک رہی ہے ، اس طرح کے ہتھکنڈوں سے ہمیں مطالبات سے پیچھے ہٹنے پر مجبور نہیں کیا جا سکتا ۔انہوں نے کہا کہ پاکستانی کسانوں کی گندم سڑک پر پڑی ہے ،حکومت کسانوں کو سبسڈی دینے کی بجائے بھارتی کسانوں پر مہربان ہے اور بھارت سے گندم منگوائی جارہی ہے ۔ کپاس کی سرکاری سطح پرمتعین کردہ قیمتیں بھی نہیں مل رہیں ۔ انہوں نے کہا کہ کسانوں کے حقوق کے لئے ہر دروازے پر دستک دیں گے۔لاہور میں شائع ہونے والی مزید خبریں
چوہدری شافع سے چینی قونصل جنرل کی ملاقات،ٹیکنیکل ایجوکیشن ودیگر شعبوں میں تعاون بڑھانے پر اتفاق
حاجی عزیز الرحمن چن کی رہائش گاہ پر وویمن ونگ کی مرکزی صدر فریال تالپور کی 66ویں سالگرہ کی تقریب
پیسی ورکرز اور ان کے اہل خانہ کو مالی مراعات کی فراہمی میں سرگرم عمل ہے،نادیہ ثاقب
نیوزی لینڈ نے پاکستان کو چوتھے ٹی ٹونٹی میں سنسنی خیز مقابلے کے بعد 4 رنز سے شکست دیدی
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
جناح ہائوس پر حملے وجلا ئوگھیرا ئو کے مقدمہ میں عدم پیشی پر طیبہ راجہ کے قابل ضمانت وارنٹ گرفتاری جاری
لاہور ہائیکورٹ نے فرح شہزادی کے بچوں کو ملک سے باہر جانے کی اجازت دیدی
لاہور ، جلائو گھیرائو کے مقدمات میں تحریک انصاف کے رہنمائوں سمیت دیگرملزمان فرد جرم عائد کرنے کیلئے ..
سیکرٹری زراعت پنجاب سے رائس ایکسپورٹرز ایسوسی ایشن کے وفد کی ملاقات، چاول کی برآمد کا ہدف5 ارب ڈالر ..
نوعمر خواتین قیدیوں کی الگ جیلیں و بحالی مراکز بنانے کیلئے فریقین کے وکلاء دلائل کیلئے طلب
لاہور ماسٹر پلان مقدمہ میں قیصرہ الہی ودیگر کی عبوری ضمانتیں خارج کرانے کی درخواست پر جواب طلب
نوازشریف کی ہدایت پر ن لیگ پنجاب کا (آج) ہنگامی اجلاس طلب
لاہور سے متعلقہ
پاکستان کی تازہ ترین خبریں
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت