وزیراعلیٰ محمد شہبازشریف سے لاہور ہائیکورٹ بار کے وفد کی ملاقات، 4کروڑ روپے کی خصوصی گرانٹ کا اعلان
بدھ 1 اپریل 2015 17:25
لاہور ( اُردو پوائنٹ اخبار تازہ ترین۔یکم اپریل۔2015ء) وزیراعلیٰ پنجاب محمد شہباز شریف سے لاہور ہائی کورٹ بار ایسوسی ایشن کے صدر پیر مسعود چشتی کی قیادت میں وفد نے ملاقات کی۔وزیراعلیٰ محمد شہبازشریف نے اس موقع پر پنجاب کی بار ایسوسی ایشنز کو سالانہ گرانٹ دینے کے فیصلے کی منظوری دی اوراس ضمن میں ضروری قانون سازی کی جائے گی جبکہ وزیراعلیٰ نے لاہور ہائی کورٹ بار ایسوسی ایشن کیلئے 4 کروڑ روپے کی خصوصی گرانٹ کا بھی اعلان کیا۔
وزیراعلیٰ محمد شہباز شریف نے لاہورہائی کورٹ بار ایسوسی ایشن کے وفد سے بات چیت کرتے ہوئے کہا کہ عوام کو فوری انصاف کی فراہمی کیلئے وکلاء برادری کا کردار انتہائی اہمیت رکھتا ہے۔ ملک میں جمہوری نظام کے استحکام اور آئین کی بالادستی کیلئے وکلاء برادری کی خدمات لائق تحسین ہیں۔(جاری ہے)
تھانے کچہری میں خلق خدا کی شنوائی کیلئے وکلاء برادری کو مزید متحرک کردار ادا کرنا ہے۔
بار ایسوسی ایشنز کو بھی عوام کو سستے اور فوری انصاف کی فراہمی کیلئے آگے بڑھ کر مثبت کردار ادا کرنے کی ضرورت ہے۔انہوں نے کہا کہ عام آدمی کو اس کی دہلیز پر انصاف کی فراہمی ایک بڑا چیلنج ہے، انصاف کی فراہمی کے نظام میں اصلاحات متعارف کرانے میں وکلاء برادری کا کردار بہت اہم ہے ۔ مجھے امید ہے کہ وکلاء برادری انصاف کی فراہمی کیلئے بھر پور کردار ادا کرتی رہے گی۔ انہو ں نے کہا کہ پنجاب میں ہر سطح پر میرٹ اور شفافیت کو یقینی بنانے کیلئے موثر اقدامات کئے گئے ہیں۔ لینڈ ریکارڈ مینجمنٹ انفارمیشن سسٹم کا منصوبہ شفافیت کو یقینی بنانے کیلئے انتہائی اہم ہے، پنجاب کی کئی تحصیلوں میں یہ منصوبہ کامیابی سے جاری ہے جبکہ پنجاب کے تمام اضلاع میں14 ارب روپے کی لاگت سے اس منصوبے کو جلد مکمل کر لیا جائے گا۔انہو ں نے کہا کہ دھرنا سیاست نے ملکی معیشت کا بے پناہ نقصان کیا ہے اورمنصوبوں میں تاخیر ہوئی ہے تاہم حکومت توانائی بحران کے خاتمے کیلئے نئے عزم کے ساتھ آگے بڑھ رہی ہے، انشاء اللہ 2017ء کے اختتام تک توانائی کے متعدد منصوبے بجلی پیدا کررہے ہوں گے۔ وزیراعلیٰ نے کہا کہ پنجاب حکومت وکلاء برادری کی فلاح و بہبود کیلئے ٹھوس اقدامات کر رہی ہے،وکلاء کو ہسپتالوں میں علاج معالجے کی سہولتیں بھی فراہم کی گئی ہیں۔وکلاء برادری کو درپیش مسائل پہلے بھی ترجیحی بنیادوں پر حل کیے ہیں اور آئندہ بھی کریں گے۔وزیراعلیٰ شہبازشریف کو لاہو رہائی کورٹ بار ایسوسی ایشن کے وفد نے عام آدمی کو انصاف کی فراہمی کیلئے حکومتی اقدامات کا بھرپور ساتھ دینے کی یقین دہانی کرائی۔ لاہور ہائی کورٹ بار ایسوسی ایشن کے صدر پیر مسعود چشتی اوروفد کے دیگر عہدیداران نے اس موقع پر گفتگو کرتے ہوئے کہا کہ وزیراعلیٰ شہبازشریف صوبے کے عوام کی دن رات خدمت کر رہے ہیں۔ وزیراعلیٰ نے عوام کیلئے متعدد فلاحی پروگرام شروع کئے ہیں۔تعلیم، توانائی اور صحت کے شعبوں میں پنجاب حکومت کے اقدامات لائق تحسین ہیں۔لاہور ہائی کورٹ بار ایسوسی ایشن کے وفد نے پنجاب کی بار ایسوسی ایشنز کیلئے سالانہ گرانٹ کی منظوری پر وزیراعلیٰ کو خراج تحسین پیش کیا۔وفد نے وکلاء برادری کے مسائل کے حل میں ذاتی دلچسپی لینے پر وزیراعلیٰ شہبازشریف کا شکریہ بھی ادا کیا۔وفد میں نائب صدر عرفان عارف شیخ، سیکرٹری محمد احمد قیوم اور فنانس سیکرٹری اختر حسین شیرازی شامل تھے۔صوبائی وزیر تعلیم رانا مشہود احمد، ایم این اے پرویز ملک، ایم پی اے رانا ثناء اللہ اور متعلقہ حکام بھی اس موقع پر موجود تھے۔متعلقہ عنوان :
لاہور میں شائع ہونے والی مزید خبریں
قرآن پاک بے حرمتی کیس ،پانچ ملزمان کی ضمانت منظور
برائلر گوشت کی قیمت میں2روپے کمی
دریائوں اور آبی ذخیروں میں پانی کی صورتحال
وفاقی حکومت چینی کی برآمد کی کسی صورت اجازت نہ دے ‘ مرکزی کریانہ مرچنٹس ایسوسی ایشن
ٹیکس بارز،آئی سی اے ،چیمبرز کی مشاورت کے بغیر جاری ہوئے ہیں ایس آر اوز واپس لئے جائیں‘ مقررین
ْروٹی کی نئی قیمت کے اطلاق کیلئے پنجاب حکومت متحرک، زائد نرخوں پر فروخت کرنے والے 817افراد گرفتار
پائیدار ترقی کیلئے ہر شعبے میں اصلاحات کا عمل شروع کیا جارہا ہے ‘ چوہدری شافع حسین
عدالت کا ماحولیاتی آلودگی پھیلانے والوں کے خلاف کارروائی نہ کرنے پر افسران تبدیل کرنے کا حکم
عمران خان کی عبوری ضمانتوں میں 26 اپریل تک توسیع
جدید ٹیکنالوجی اپنائے بغیر ملکی معیشت کی بہتری ناممکن ہے ،بینک اکائونٹ، علاج، ایجوکیشن سسٹم،دستاویزات ..
الحمرا فن کی دنیا میں نام پیدا کرنے کے لئے پلیٹ فارم فراہم کررہا ہے،طارق علی بسرا
معیاری موسیقی سے مزین پروگرام الحمراء میلوڈیز میں نوجوان آرٹسٹوں نے مدھر بھرے سنگیت پیش کئے
لاہور سے متعلقہ
پاکستان کی تازہ ترین خبریں
-
بلو چستان میں بہتر طرز حکومت اور شہر یوں کو ریلیف پہنچانا ہماری اولین تر جیح ہے، میرسرفراز بگٹی
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
رشتے سے انکار پر لڑکے نے چھریاں مارکر لڑکی کو زخمی کردیا
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
بہاریہ مکئی کو گڑوؤں اور کونپل کی مکھی سے بچانے کے لئے کاشتکاروں کومناسب دانہ دار زہرکے استعمال کامشورہ
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ