وزیراعلیٰ پنجاب سے یورپی یونین کے سفیر کی ملاقات، تعلقات کے فروغ اور جی ایس پی پلس کے نکات پر پیش رفت پر تبادلہ خیال
پنجاب میں جی ایس پی پلس کے کنونشنز پر عملدرآمد کے لئے تیز رفتاری سے اقدامات اٹھائے گئے ہیں‘ سفیر یورپی یونین
جمعہ 29 جنوری 2016 19:11
لاہور ( اُردو پوائنٹ اخبارتازہ ترین - این این آئی۔29 جنوری۔2016ء) وزیراعلیٰ پنجاب محمد شہباز شریف سے یہاں پاکستان میں یورپی یونین کے سفیر جین فرانکوس کوٹین نے ملاقات کی جس میں باہمی دلچسپی کے امور، دو طرفہ تعلقات کے فروغ اور جی ایس پی پلس کے نکات پر عملدرآمد کے حوالے سے تبادلہ خیال کیا گیا۔ وزیراعلیٰ محمد شہباز شریف نے اس موقع پر گفتگو کرتے ہوئے کہا کہ پاکستان اور یورپی یونین کے ممالک کے مابین بہترین دوستانہ تعلقات موجود ہیں۔
تعلیم، صحت، انفراسٹرکچراور دیگر سماجی شعبوں کی بہتری کے حوالے سے پاکستان کے ساتھ یورپی یونین کے تعاون کو قدر کی نگاہ سے دیکھتے ہیں۔ جی ایس پی پلس کا درجہ ملنے کے بعد پاکستان کی ٹیکسٹائل انڈسٹری کیلئے یورپی منڈیوں تک رسائی ہو چکی ہے اور تجارت میں اضافہ ہو رہا ہے۔(جاری ہے)
انہوں نے کہا کہ پنجاب میں جی ایس پی پلس کے نکات پر موثر عملدرآمد کیا جا رہا ہے اور یورپی یونین میں پاکستان کو ملنے والے جی ایس پی پلس درجے سے زیادہ سے زیادہ استفادہ کرنے کے لئے خصوصی کابینہ کمیٹی تشکیل دی گئی ہے ۔
انہو ں نے کہا کہ پنجاب میں نوجوانوں اور خواتین کو بااختیار بنانے کیلئے انقلابی پروگرام پر کامیابی سے عمل کیا جا رہا ہے جس کے انتہائی مثبت نتائج سامنے آ رہے ہیں۔ چائلڈ لیبر کے خاتمے کیلئے صوبائی حکومت کے اقدامات کا ذکر کرتے ہوئے وزیراعلیٰ نے کہا کہ پنجاب حکومت نے اینٹوں کے بھٹوں سے چائلڈ لیبر کے خاتمے کیلئے موثر اقدامات کئے ہیں اور میں ذاتی طور پر چائلڈ لیبر کے خاتمے کیلئے قائم سٹیرنک کمیٹی کی کارکردگی کا جائزہ لیتا ہوں۔ بھٹوں پر کام کرنے والے بچوں کو علم کے زیور سے آراستہ کرنے کیلئے شاندار تعلیمی پیکیج دیا گیا ہے جس کے تحت بچوں کو نہ صرف ماہانہ وظیفہ دیا جائے گا بلکہ ان کے تمام تعلیمی اخراجات بھی پنجاب حکومت برداشت کرے گی۔برلن سے جاری ہونے والی ٹرانسپیرنسی انٹرنیشنل کی کرپشن کی روک تھام کے حوالے سے عالمی رپورٹ کا ذکر کرتے ہوئے وزیراعلیٰ نے کہا کہ اس رپورٹ نے پاکستان کی موجودہ حکومت کی شفاف پالیسیوں پر مہر تصدیق ثبت کی ہے اور کرپشن کی روک تھام کیلئے کئے جانے والے اقدامات کے حوالے سے پاکستان کی درجہ بندی میں بہتری حوصلہ افزا ہے۔پاکستان خطے کا واحد ملک ہے جس کی کرپشن کی روک تھام کیلئے اقدامات کے حوالے سے عالمی درجہ بندی بہتر ہوئی ہے۔و زیراعظم محمد نواز شریف کی قیادت میں موجودہ حکومت کا کرپشن کا کوئی سکینڈل سامنے نہیں آیا جو کہ بہت بڑا کریڈٹ ہے۔توانائی بحران اور دہشت گردی کے خاتمے کیلئے کئے جانے والے اقدامات کا ذکرکرتے ہوئے وزیراعلی نے کہا کہ پاکستان کو دہشت گردی و انتہا پسندی کے چیلنج کے سا تھ توانائی کی کمی کا سامنا ہے-حکومت دہشت گردی کے خاتمے اور توانائی بحران کے حل کے لئے سنجیدہ اقدامات اٹھا رہی ہے-باچا خان یونیورسٹی چارسدہ میں قوم کے مستقبل کو نشانہ بنانے والے سفاک درندے کسی رعایت کے مستحق نہیں اور پوری قوم دہشت گردی کے خاتمے کیلئے یکجان ہے۔ 18کروڑ پاکستانی امن کے دشمنوں کو شکست دینے کے پختہ عزم کا اظہار کرچکے ہیں۔ دہشت گردی کے ناسور کو شکست دئیے بغیر ترقی و خوشحالی کا خواب شرمند تعبیر نہیں ہوسکتا۔ دہشت گرد پوری انسانیت کے مشترکہ دشمن ہیں اور قیام امن کے ذریعے ہی خطے میں ترقی اور خوشحالی آئے گی۔ انہوں نے کہا کہ معاشرے سے انتہا پسندانہ رجحانات کے خاتمے کے لئے نظریاتی وفکری محاذ پر بھی انقلابی اقدامات کئے جا رہے ہیں۔ برداشت،امن، بھائی چارے اور رواداری جیسے موضوعات کو تعلیمی نصاب کا حصہ بنایا گیاہے۔ انہوں نے کہاکہ حکومت روایتی ذرائع کے ساتھ قابل تجدید ذرائع سے توانائی کے حصول کے لئے کوشاں ہے۔ توانائی بحران کے خاتمے کیلئے اڑھائی برس کے دوران مخلصانہ اور سنجیدہ اقدامات کئے گئے ہیں اور 2017ء تک توانائی کے متعدد منصوبے بجلی پیدا کر رہے ہوں گے جس سے لوڈشیڈنگ میں نمایاں کمی آئے گی ۔ اس موقع پر یورپی یونین کے سفیر نے بات چت کرتے ہوئے کہا کہ وزیراعلیٰ شہبازشریف کی قیاد ت میں پنجاب حکومت نے جی ایس پی پلس پر عملدرآمد کے حوالے سے مثالی کام کیا ہے اور پنجاب میں جی ایس پی پلس کے کنونشنز پر عملدرآمد کے لئے تیز رفتاری سے اقدامات اٹھائے گئے ہیں۔ انہوں نے پنجاب فرانزک سائنس لیبارٹری کے قیام کو سراہا اور اسے کریمنل جسٹس سسٹم کے حوالے سے شاندار منصوبہ قرار دیا۔ انہو ں نے کہاکہ پاکستان کے ساتھ تعاون کو مزید فروغ دینا چاہتے ہیں۔ یورپی یونین کے سفیر نے جی ایس پی پلس پر پیش رفت کے حوالے سے رپورٹ بھی وزیراعلیٰ کو پیش کی۔صوبائی وزیر انسانی حقوق خلیل طاہر سندھو، سیکرٹری صنعت، سیکرٹری محنت اور متعلقہ حکام بھی اس بھی اس موقع پر موجود تھے۔متعلقہ عنوان :
لاہور میں شائع ہونے والی مزید خبریں
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
وزارت مذہبی امور کے زیر اہتمام عازمین حج کیلئے تربیتی پروگرام کا انعقاد
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
دیہی خواتین کی طرح خانہ بدوش خواتین میں نسوانی بیماریوں کی شرح زیادہ ہے تاہم انہیں آگاہی کی ضرورت ہے، ..
لیسکو کی جانب سے نادہندگان کے خلاف مہم جاری
اسسٹنٹ ڈائریکٹر اعجاز بخاری محکمہ جیل خانہ جات میں 41سال خدمات سر انجام دینے کے بعد ریٹائر ہو گئے
وزیر تعلیم پنجاب نے امتحانی شکایات سے آگاہی کیلئے واٹس ایپ نمبر جاری کر دیا
وزیرزراعت عاشق حسین کرمانی سے ڈائریکٹر سیلز ایشیا کن کمپنی سٹفین اوڈن کی ملاقات
بشریٰ بی بی اپنے بیڈ روم میں بیٹھ کر سزا پوری کر رہی ہیں ،فتنہ فساد پارٹی کو پروپیگنڈے کے علاوہ کوئی کام ..
چین کی آٹھ کمپنیاں نواز شریف آئی ٹی سٹی میں فوری طور پر کام کرنے کیلئے تیار، پاکستان کے پہلے آئی ٹی ..
کمشنر لاہور و چیئرمین لاہور بورڈ محمد علی رندھاوا کا امتحانی مراکز ہالز لارنس روڈ کا دورہ
جی سی یو میں بائیو سائنسز کے موضوع پر انٹرنیشنل کانفرنس کا انعقاد
لاہور سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو