الطاف حسین کے خلاف جھوٹی اور بے بنیاد ایف آئی آرز کے اندراج پر زونل انچارج نوید قائم خانی و اراکین زونل کمیٹی کا اظہار تشویش

بدھ 15 جولائی 2015 18:36

ٹنڈو الہ یار(اُردو پوائنٹ اخبار تازہ ترین۔ 15 جولائی۔2015ء) متحدہ قومی موومنٹ ٹنڈو الہ یار زون کے زونل انچارج نوید قائم خانی و اراکین زونل کمیٹی نے ملک کے مختلف شہروں میں ایم کیو ایم کے قائد الطاف حسین کے خلاف جھوٹی اور بے بنیاد ایف آئی آرز کے اندراج پر اپنی شدید تشویش کا اظہار کیا ہے ۔ اپنے ایک مشترکہ بیان میں انہوں نے مزید کہا ہے کہ قائد تحریک الطاف حسین کے فکر و فلسفے سے خوفزدہ حکمران اور اسٹیبلشمنٹ منفی ہتھکنڈوں کے ذریعے کروڑوں حق پرست عوام کو ایم کیوایم سے دور کرنے کی سازشیں کر رہے ہیں۔

وفاقی حکومت ایم کیوایم فوبیا کا شکار ہو چکی ہے ۔ انہوں نے کہا کہ وفاقی حکومت کی بے بسی کا اس سے بڑا ثبوت کیا ہو گا کہ وہ ایم کیوایم کے قائد کے خلاف ایف آئی آرز کالعدم تنظیموں کے عہدیداران کی مدعیت میں درج کروا رہی ہے ۔

(جاری ہے)

آئین ، قانون اور جمہوریت کی اس درجہ تذلیل شاید ہی کسی جمہوری حکومت کے دور حکومت میں ہوئی ہو گی۔انہوں نے کہا کہ کراچی میں ایم کیوایم کے شہید ہونے والے 200کارکنان کے قاتلوں کی گرفتاری کے بجائے حکومت قائد تحریک الطاف حسین کے خلاف زیادہ سے زیادہ ایف آئی آرز درج کروانے کی آرزومند ہے ۔

جس سے ثابت ہوتا ہے کہ حکومت کی نظروں میں انسانی جانوں کی کوئی حیثیت نہیں ہے ۔ انہوں نے کہا کہ قائد تحریک الطاف حسین کروڑوں حق پرست عوام کے متفقہ قائد ہیں۔ اس قسم کی جھوٹی ایف آئی آرزکے اندراج کے ذریعے عوام کے دلوں سے قائد تحریک الطاف حسین کی محبت کو ختم نہیں کیا جاسکتا ہے۔ انہوں نے کہا کہ انصاف کی حکمرانی کے دعویٰ کرنے والے امتیازی انصاف کے ذریعے جو طریقہ ء حکمرانی رائج کر رہے ہیں۔ اس کے بدترین نتائج کا ایک نہ ایک دن انہیں بھی سامنا کرنا پڑے گا ۔اور اس دن جمہوریت اور آئین کی دہائیاں دینے سے کچھ حاصل نہیں ہوگا۔

Facebook Twitter Reddit Pinterest Whatsapp

ٹنڈو الہ یار میں شائع ہونے والی مزید خبریں

جرائم پیشہ افراد اور منشیات فروشوں کو کسی صورت نہیں بخشا جائے گا ،یس ایس پی ٹنڈوالہ یار

سندھ کے دیگر شہروں کی طرح ٹنڈوالہ یار میں بھی گندم کی کٹائی کا سلسلہ جاری

ٹنڈوالہ یار،مچھر مار اسپرے نا ہونے کی وجہ سے مچھروں کی افزائش میں اضافہ

میرے بیٹے کو فوری بازیاب کرایا جائے ، منصور کالونی کے رہائشی کی فریاد

بے گناہ لوگوں پر پولیس ظلم کے پہاڑ توڑ رہی ہے ، دلدار سولنگی

رمضان المبارک شروع ہوتے ہی مہنگائی بھی عروج پر، فروٹ کی نرخ آسمان پر پہنچ گئے

رمضان المبارک کا مہینہ شروع ہوتے ہی مہنگائی کا جن بھی بوتل سے باہر آگیا

چمبڑ پولیس نے ہمارے گوٹھ کے 25 بے گناہ لوگوں پر جھوٹا مقدمہ درج کیا ہے،دلدار سولنگی

گورنمنٹ بوائز سیکنڈری اسکول دھیگانو بوزدار میں ماحولیاتی آ گاہی پروگرام کا انعقاد

صاف ستھرا ماحول ہی آ نے والی نسلوں کے بہتر مستقبل کی ضمانت ہے، نبیلہ عمر

ٹنڈو الہیار،انتظامیہ حکومتی صفوں میں شامل زخیرہ اندوزوں /منافع خوروں کے سامنے بے بس ہوگئی

ڈپٹی کمشنر ٹنڈوالہ یار روینیو ڈیپارٹمنٹ کے ملازمین سے ناروا سلوک کررہے ہیں ،محمد خان جروار

الطاف حسین کے خلاف جھوٹی اور بے بنیاد ایف آئی آرز کے اندراج پر زونل انچارج نوید قائم خانی و اراکین زونل کمیٹی کا اظہار تشویش

متعلقہ عنوان :

ٹنڈو الہ یار میں شائع ہونے والی مزید خبریں

ٹنڈو الہ یار سے متعلقہ

پاکستان کی تازہ ترین خبریں

پاکستان کے مشہور شہروں کی خبریں