ٹنڈوالہیار،اہلسنت ولجماعت کا6دسمبر کو رضوان پارک میں خواتین کا جلسہ منعقدکرنے کا اعلان

ٹنڈوالہیار(اُردو پوائنٹ اخبارتازہ ترین - این این آئی۔یکم دسمبر۔2015ء) اہلسنت والجماعت ضلع ٹنڈوالہیار کے سیکریٹری جنرل مولانا اصغرتھیبو نے کہا ہے کہ حافظ دھنی بخش لغاری کی بلا مقابلہ کامیابی بارش کا پہلا قطرہ ہے میونسپل کمیٹی ٹنڈوالہیار کے بلدیاتی انتخابات میں بھرپور کامیابی حاصل کریں گے مخالف سیاسی جماعتیں راہ حق پارٹی کی مقبولت سے گھبرا کر راہ حق پارٹی کے خلاف منفی پروپیگنڈہ کر رہی ہیں اشتعال انگیزی اور اوچھے ہتھکنڈوں سے مرعوب نہیں ہوں گے شرارتوں کو جواب ووٹ کی طاقت سے دیں گے 6دسمبر کو رضوان پارک ٹنڈوالہیار میں شام 4بجے خواتین کا جلسہ عام ہوگاجس سے مولانا راشد محبوب خصوصی خطاب کریں گے انہوں نے مزید کہا کہ میونسپل کمیٹی ٹنڈوالہیار میں متعدد جماعتیں انتخابات میں حصہ لے رہی ہیں لیکن ایک مخصوص پارٹی کے افراد نے ہمارے ضلعی صدر محمد سکندرشاہ کو نشانہ بنایا ہوا ہے کسی اور پارٹی کے سربراہ کے خلاف نعرہ بازی نہیں کی جارہی گلی کوچوں میں سکندرشاہ کے خلاف اشتعال انگیز نعرہ بازی کی جارہی ہے جس سے عوام اہلسنت کی دل آزاری ہورہی ہے ڈسٹرکٹ ریٹرنگ آفیسر اور انتظامیہ کو بھی اس سے آگاہ کیا لیکن کوئی کاروائی نہیں کی گئی اب ضلعی صدر سکندرشاہ کے گھر پر نامعلوم شرپسندوں نے فائرنگ کی ہے انتظامیہ فائرنگ کرنے والوں کو گرفتار اور ضلعی صدر سکندرشاہ کو سیکورٹی فراہم کرے ۔