ایران پر امریکی حملے کی تیاریاں مکمل ‘ اہداف کی نشاندہی کیلئے متعدد جاسوس ایران داخل
خصوصی منصوبہ بندی کے گروپ کو 24گھنٹے کے اندر اندر حکمت عملی تیار کرنے کی ذمہ داری سونپ دی گئی‘ منصوبے پر امریکی فوج اور بش انتظامیہ میں اختلافات‘ عملدرآمد کی صورت میں 5جرنیل مستعفی ہو جائیں گے ۔امریکی اور برطانوی اخبارات کی رپورٹ
اتوار 25 فروری 2007 12:38
(جاری ہے)
رپورٹ میں انکشاف کیا گیا ہے کہ امریکی فوج اور خصوصی ٹیموں نے عراقی سرحد پار کر کے ایران میں اپنی سرگرمیوں میں اضافہ کر دیا ہے۔
خصوصی ٹیمیں بمباری کیلئے اہداف کی نشاندہی کریں گی۔ رپورٹ کے مطابق ایران پر حملے کی منصوبہ بندی گزشتہ برس شروع ہوئی تھی اور اس کا موجودہ صورت حال سے تعلق نہیں جب ایران نے یورینیم کی افزودگی روکنے کے لئے اقوام متحدہ کی ڈیڈ لائن کو مسترد کر دیا تھا اور جوہری پروگرام جاری رکھنے کا اعلان کیا تھا۔ رپورٹ میں ایران میں سرگرم اسرائیلی ایجنٹوں کے حوالے سے بھی بتایا گیا ہے کہ ایران نے تین مرحلوں کے ٹھوس ایندھن والا بین البراعظمی میزائل تیار کر لیا ہے جو وار ہیڈ لے جانے کی صلاحیت رکھتا ہے ۔ میزائل یورپ تک مار کر سکتا ہے ۔ رپورٹ کے مطابق بش انتظامیہ حملے کی صورت میں ایران کی جانب سے مزاحمت اور اس سے نمٹنے کا بھی جائزہ لے رہی ہے۔ رپورٹ میں مزید بتایا گیا ہے کہ ایران پر حملے کی منصوب بندی اس وقت شروع ہوئی جب انٹیلی جنس نے عراقی صورت حال کے حوالے سے اپنی رپورٹ میں کہا تھا کہ ایرانی مداخلت کے خاتمے تک عراق میں حالات معمول پر نہیں لائے جا سکتے۔ ادہر برطانوی خبر رساں ادارے نے اعلیٰ امریکی اور دفاعی حکام کے حوالے سے بتایا ہے کہ ایران پر حملے کے معاملے پر امریکی فوج اور بش انتظامیہ میں بھی شدید اختلافات پیدا ہوگئے ہیں اور منصوبے پر عملدرآمد کی صورت میں 5 اہم فوجی جرنیل اپنے عہدے سے مستعفی ہو جائیں گے۔ خبر رساں ادارے کے مطابق ایران پر حملے کے مخالف جرنیل کا کہنا ہے کہ عراق جنگ کی موجودگی میں ایران پر حملے سے امریکہ کو نقصان ہو گا اور امریکہ کو مشرق وسطیٰ میں بیک وقت 2 محاذوں پر لڑنا ناممکن ہوجائے گا۔ واضح رہے کہ گزشتہ روز امریکی نائب صدر نے دورہ آسٹریلیا کے موقع پر واضح طور پر کہا تھا کہ ایران پر حملے کا آپشن موجود ہےمزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.