پاکستان اور امریکہ کا مختلف شعبوں میں تعاون بڑھانے پر اتفاق ، ستمبر میں دونوں ممالک کے سٹریٹجک ڈائیلاگ میں ادارہ جاتی میکنزم مرتب کیا جائیگا ،پاکستان کا امریکہ سے آنے والے حالیہ بیانات اور مشروط امداد بارے قانون سازی پر تشویش کا اظہار ، تعلقات باہمی اعتماد کی بنیاد پر قائم ہونے چاہئیں، خورشید قصوری ۔تفصیلی خبر
بدھ 15 اگست 2007 16:23
(جاری ہے)
وزیر خارجہ نے کہا کہ طویل مدت سٹریٹجک ریلیشن شپ دونوں ملکوں کے مفاد میں ہے اور یہ خطے میں پائیدار امن اور سلامتی کی ضمانت بن سکتی ہے۔
انہوں نے اس امر پر زور دیا کہ یہ تعلقات باہمی اعتماد کی بنیاد پر ہونے چاہئیں ۔وزیر خارجہ نے کہا کہ پاکستان دہشت گردی اور انتہا پسندی کے خلاف جنگ میں اہم کردار ادا کررہا ہے اور ہم نے بڑی قربانیاں دی ہیں ۔ انہوں نے کہا کہ امریکہ کی طرف سے دیئے گئے حالیہ بیانات اس ضمن میں منفی اثر رکھتے ہیں وزیر خارجہ نے نائن الیون کمشن سفارشات ایکٹ 2007ء پر عمل درآمد کے عنوان سے ہونے والی حالیہ قانون سازی پر بھی تشویش کا اظہار کیا جس میں پاکستان کی سکیورٹی امداد کو مشروط کیا گیا ہے ۔ انہوں نے کہا کہ اس قانون سازی نے پریسلر ترمیم کی یاد دلا دی ہے جس کے دو طرفہ تعلقات پر منفی اثرات مرتب ہوئے تھے یہ قانون سازی پاکستان امریکہ سٹریٹجک ریلیشن شپ کی روح کے خلاف ہے ۔ رچرڈ باؤچر نے دہشت گردی اور انتہا پسندی کے خلاف پاکستان کے اقدامات اور قربانیوں کو سراہتے ہوئے کہا کہ امریکہ پاکستان کے ساتھ طویل مدت سٹریٹجک ریلیشن شپ کا عزم کئے ہوئے ہے۔ دونوں ممالک معیشت سائنس و ٹیکنالوجی اور سماجی شعبے سمیت تمام شعبوں میں تعاون کررہے ہیں ۔ امریکہ کی طرف سے آنے والے حالیہ بیانات کے بارے میں انہوں نے کہا کہ امریکہ کی پالیسی صدر بش اور وزیر خارجہ کنڈولیزا رائس کے بیانات پر مشتمل ہے جو دونوں ملکوں کی پارٹنر شپ کی اہمیت اور مل جل کر کام کرنے کی ضرورت پر زور دیتے ہیں ۔ دونوں رہنماؤں نے حالیہ امن جرگہ کے نتائج کا خیر مقدم کرتے ہوئے امید ظاہر کی کہ جرگہ کی طرف سے طے کیا گیا طریقہ کار امن کے عمل کو آگے بڑھانے میں مدد گار ثابت ہوگا ۔ دونوں رہنماؤں نے پاکستان امریکہ سٹریٹجک ڈائیلاگ کے آئندہ مرحلے پر بھی تبادلہ خیال کیا جو ستمبر میں ہوگا اور اس میں پاکستان امریکہ تعلقات کے تمام پہلوؤں بشمول معیشت تعلیم توانائی اور سائنس و ٹیکنالوجی کے شعبوں میں تعاون بڑھانے کیلئے ادارتی طریقہ کار پر بات چیت ہوگی ۔ ملاقات میں پاکستان کی توانائی کی ضروریات اور امریکہ بھارت سول نیوکلیئر ایگریمنٹ پر بھی تبادلہ خیال ہوا ۔ رچرڈ باؤچر کا اس سال یہ پاکستان کا چوتھا دورہ ہے جو دونوں ممالک کے درمیان باقاعدہ مشاورت کا حصہ ہے ۔مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.