امدادی فنڈ کی خبر، عالمی شیئربازار میں تیزی ،نیویارک بازارِ حصص میں ایسی تیزی سالوں بعد دیکھنے میں آئی
جمعہ 19 ستمبر 2008 13:22
(جاری ہے)
امریکی وزیرِ خزانہ کا کہنا تھا کہ بازارِ حصص پر پڑنے والے دباوٴ کی اصل وجہ ’ریئل اسٹیٹ‘ کے شعبے میں ہونے والی’ کریکشن‘ اور پراپرٹی کی قیمتوں میں آنے والی کمی ہے۔
سی این بی سی کے مطابق امریکی وزیرِ خزانہ اسّی کی دہائی میں بینکوں کے دیوالیہ ہونے کے بعد قائم کی جانے والی ریزولیوشن ٹرسٹ کارپوریشن کی طرح کا کوئی ادارہ قائم کرنے پر غور کر رہے ہیں۔ ادھر موجودہ مالیاتی بحران کا سبب بننے والے مالیاتی اداروں کے ’ڈوبے ہوئے قرضوں‘ کی فروخت میں مدد دینے کے لیے امریکی محکمہ خزانہ کی جانب سے اقدامات کے اعلان کے بعد جاپانی بازار حصص میں بھی کاروبار کے آغاز پر ہی قریبا دو فیصد کی بہتری دیکھنے میں آئی جو دن چڑھنے تک تین فیصد تک جا پہنچی۔ ہانگ کانگ کے ہینگ سینگ انڈیکس میں بھی گزشتہ روز کے مقابلے میں سات فیصد اضافہ ریکارڈ کیا گیا ہے۔ اس سے قبل جمعرات کو امریکہ کی نیویارک سٹاک ایکسچینج میں پونے چار فیصد سے زیادہ کا اضافہ دیکھنے میں آیا تھا۔ نیویارک کا ڈاوٴ جونز انڈسٹریل انڈیکس جو بدھ کو چار فیصد کی کمی کے ساتھ بند ہوا تھا جمعرات کو چار سو دس پوائنٹس کے اضافے کے ساتھ گیارہ ہزار انیس اعشاریہ چھ نو پر بند ہوا۔ ہف امریکی بینک لیہمین برادز کے دیوالیہ ہونے، میرل لینچ جیسے ادارے کی پچاس ارب ڈالر میں فروخت، امریکی حکومت کی جانب سے دنیا کی ایک بڑی انشورنس کمپنی اے آئی جی کو ڈوبے سے بچانے کے لیے قرضے کی فراہمی اور پھر مالیاتی مشکلات کا شکار برطانیہ کے بڑے مالیاتی ادارے ایچ بی او ایس کے لائیڈز بینک سے انضمام جیسے واقعات کی وجہ سے دنیا بھر کے بازارِ حصص شدید اونچ نیچ کا شکار رہے ہیں۔ نیویارک کی منڈی میں تیزی کی ایک وجہ یہ بھی ہے کہ امریکی حکومت یہ تحقیقات بھی کر رہی ہے کہ آیا کچھ سرمایہ کاروں نے وال سٹریٹ کمپنیوں کو عمداً مالی خسارے سے دوچار کر کے فائدہ اٹھانے کی کوشش تو نہیں کی۔ ایسی کمپنیوں میں ڈوبنے والا سرمایہ کار بینک لیہمن برادرز بھی شامل ہے۔ اس سلسلے میں نیویارک کے اٹارنی جنرل کو حصص کی اس نوعیت کی خرید و فروخت کی شکایات ملی ہیں جو قیمت کو گرانے اور اس سے فائدہ اٹھانے کے لیے کی جاتی ہیں۔متعلقہ عنوان :
مزید تجارتی خبریں
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
دو ہفتوں کے دوران پیٹرول کی قیمت میں 5 فیصد اضافہ
-
پاکستان اسٹاک مارکیٹ بدھ کو بھی کاروباری اتار چڑھائو کی زد میں رہی ،اگرچہ ٹریڈنگ کے دوران انڈیکس 70700پوائنٹس کی بلند سطح عبور کر گیا تھا تاہم پرافٹ ٹیکنگ کیلئے فروخت کے دبائو سے تیزی مندی میں تبدیل ..
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
ایس ای سی پی نے پہلے ڈیجیٹل انشورنس کا لائسنس جاری کردیا
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
پی ایس ایکس نے لسٹڈ کمپنیوں کے لیے ای ایس جی پریمیئر جاری کردیا
-
ایس ای سی پی نے فرنٹ رننگ کے الزام میں دو افراد کے خلاف فوجداری مقدمہ درج کرا دیا
-
پاکستان سٹاک ایکسچینج میں مندی کارحجان
-
آئی ایم ایف کی آئندہ سال پاکستان میں افراط زرکی شرح میں نمایاں کمی اورمجموعی قومی پیداوارمیں اضافہ کی پیشنگوئی
-
ملک بھر میں سونے کی قیمت میں 2400روپے اضافہ ریکارڈ
-
پاکستان سٹاک ایکسچینج میں مندی کارحجان، 100 انڈکس 60.92 پوائنٹس کی کمی کے بعد 70483.66 پوائنٹس پربند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.