خیبرپختونخواہ کے بعد پنجاب اور بلوچستان کی صوبائی حکومتوں نے بھی سیلاب سے متاثرہ علاقوں کو آفت زدہ قرار دے دیا،متاثرہ علاقوں کا زرعی ٹیکس معاف،پنجاب حکومت نے متاثرین کی بحالی کیلئے پرویز ملک کی سربراہی میں کمیٹی قائم کر دی
ہفتہ 31 جولائی 2010 17:02
(جاری ہے)
نواز شریف کو آفت زدہ علاقوں کی صورتحال پر تفصیلی بریفنگ دی گئی۔
مسلم لیگ ن کے قائد نے ہدایت کی کہ متاثرین کی بحالی اور نقصانات کے ازالے کیلئے فوری اقدامات کئے جائیں۔ اجلاس میں مسلم لیگ(ن) کے رکن قومی اسمبلی پرویز ملک کی سربراہی میں کمیٹی قائم کی گئی جو متاثرہ علاقوں میں متاثرین کی بحالی اور نقصانات کا جائزہ لے کر رپورٹ پنجاب حکومت کو پیش کرے گی۔ اجلاس میں نواز شریف کی ہدایت پر پنجاب حکومت نے سیلاب سے متاثرہ اضلاع میانوالی، راجن پور،سرگودھا، خوشاب، بھکر، لیہ، ڈیرہ غازی خان، سیالکوٹ، منڈی بہاؤالدین اور سیلاب سے متاثرہ دیگر علاقوں کو آفت زدہ قرار دے کر زرعی ٹیکس معاف کر دئیے ۔ اجلاس کے بعد صحافیوں سے گفتگوکرتے ہوئے ترجمان پنجاب حکومت سینیٹر پرویز رشید نے کہا کہ پنجاب حکومت نے سیلاب سے متاثرہ علاقوں کو آفت زدہ قرار دے کر زرعی ٹیکس معاف کر دیا ہے۔انہوں نے کہا کہ نواز شریف بھی آفت زدہ علاقوں کا دورہ کریں گے اور اپنے دورے کا آغاز سب سے زیادہ متاثرہ علاقے سے کریں گے۔ انہوں نے کہا کہ اجلاس میں فیصلہ کیا گیا ہے کہ جو علاقے سیلاب کے خطرے میں ہیں اور جہاں ابھی تک پانی نہیں پہنچا انہیں فوری طو رپر محفوظ مقامات پر پہنچایا جائے اور جن علاقوں میں پانی پہنچنے کے باعث لوگ محصور ہو چکے ہیں وہاں سے لوگوں کو نکال کر محفوظ مقامات پر منتقل کیا جائے اس مقصد کیلئے کشتیاں اور ہیلی کاپٹر پہنچ چکے ہیں اور لوگوں کو متاثرہ علاقوں سے نکالا جارہا ہے۔ ریسکیو آپریشن کی وزیر اعلیٰ پنجاب میاں شہباز شریف خود نگرانی کر رہے ہیں اور متاثرہ علاقوں کا دورہ کر رہے ہیں۔انہوں نے بتایاکہ نواز شریف نے ہدایت کی ہے کہ متاثرین کی بحالی اور جانوں کے تحفظ کو اولین ترجیح دی جائے۔ متاثرین کی بحالی کیلئے پرویز ملک کی سربراہی میں کمیٹی قائم کر دی گئی ہے ۔ ادھر وزیر اعلیٰ بلوچستان نواب اسلم رئیسانی نے چیف سیکرٹری بلوچستان اور صوبائی وزراء کے ہمراہ نصیر آباد اور ڈیرہ مراد جمالی کا دورہ کیا اور متاثرین سیلاب میں امدادی سامان تقسیم کیا۔ اس موقع پر صحافیوں سے گفتگو کرتے ہوئے انہوں نے کہا کہ بلوچستان حکومت نے نصیر آباد ، ڈیرہ مراد جمالی، کوہلو ، بارکھان، جھل ملسی اور کچی سمیت سیلاب سے متاثرہ علاقوں کو آفت زدہ قرار دے دیا ہے اور نقصانات کا اندازہ لگانے کیلئے محکمہ آبپاشی کو سروے کا حکم دے دیا ہے۔ حتمی تخمینہ آنے کے بعد متاثرین کے مالی نقصانات کا بھی ازالہ کیا جائیگا۔ ایک سوال کے جواب میں انہوں نے کہا کہ حکومت ٹارگٹ کلنگ کے خاتمے کیلئے پرعزم ہے اور یہ سلسلہ روکنے کیلئے بلوچستان کی اہم سیاسی شخصیات کو سیکورٹی فراہم کر دی گئی ہے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.