قومی وسائل لوٹنے والے بجلی و گیس چوروں کو قانون کی سخت گرفت میں لایا جائے گا،ملک توانائی بحران سے دوچار ہے، گیس اور بجلی چور عوام کے حقوق پر ڈاکہ ڈال رہے ہیں،وزیراعظم نے ملک کو درپیش مسائل کے حل کیلئے ترجیحات کاتعین کر لیا، حکومت ترقی کے سفر پر گامزن ہے، پاکستانی عوام، تاجر اور صنعتکار جلد مثبت تبدیلی دیکھیں گے ،وزیر اعلیٰ پنجاب شہباز شریف کی وزیراعظم کے ہمراہ فیصل آباد میں سوئی گیس کی چوری میں ملوث ٹیکسٹائل ملز کے معائنہ کے موقع پر گفتگو
پیر 15 جولائی 2013 22:35
(جاری ہے)
وزیر اعلیٰ پنجاب نے کہا کہ ملک توانائی بحران سے دو چار ہے لیکن گیس اور بجلی چور عوام کے حقوق پر ڈاکہ ڈال رہے ہیں جنہیں سخت سے سخت سزا ملنی چاہیے۔
انہوں نے ڈی سی او فیصل آباد کو ہدایت کی کہ وہ بجلی اور گیس کی چوری کی روک تھام کے لئے موٴثر آپریشن جاری رکھیں اور اس ضمن میں کسی قسم کے اثر رسوخ کو خاطر میں نہ لایا جائے۔ ان قومی مجرموں کے خلاف مقدمات کی بھرپور اندازمیں پیروی کی جائے۔انہوں نے کہا کہ توانائی بحران کے حل کے لئے ہنگامی بنیادوں پر اقدامات شروع کردئیے گئے ہیں جن کے لئے نئے پیداواری منصوبوں کے قیام کے علاوہ بجلی کے لائن لاسز پر قابو پانا اور چوری روکنا اولین ترجیح ہے ۔ڈی سی اونجم احمد شاہ نے بریفنگ کے دوران بتایا کہ اس ٹیکسٹائل مل میں کامیاب آپریشن کرکے گیس کی چوری کا سراغ لگایا جا رہا ہے اور ایک اندازے کے مطابق اس مل میں 27کروڑ روپے سالانہ مالیت کی گیس چوری کی جارہی تھی۔انہوں نے بتایا کہ فیصل آباد میں گیس چوری کے 6کیسز پکڑے ہیں جن میں 40کروڑ روپے سالانہ کی گیس چوری کااندازہ ہے۔بعد ازاں وزیراعلیٰ پنجاب محمد شہباز شریف نے وزیراعظم پاکستان محمد نوازشریف کے ہمراہ مقامی ہوٹل میں مختلف کاروباری وصنعتی اور برآمد کنندگان کی تنظیموں کے نمائندوں سے ملاقات کے دوران گفتگو کرتے ہوئے کہا کہ وزیراعظم پاکستان محمد نواز شریف نے ملک کو درپیش مسائل کے حل کے لئے ترجیحات کا تعین کرلیا ہے اور لوڈ شیڈنگ کے خاتمے سمیت بجلی وگیس کی ترسیل کے نظام کو بہتر بنائیں گے۔انہوں نے کہا کہ ماضی میں وسیع پیمانے پر کرپشن میں ہاتھ رنگنے کے علاوہ اس ملک کے ساتھ جو کھیل کھیلا گیا اس سے صنعت وتجارت بری طرح متاثر ہوئی۔وزیراعلیٰ نے صنعتکاروں،تاجروں اورکاروباری افراد کو یقین دلایا کہ ان کے مسائل کے حل میں کوئی کسر اٹھا نہیں رکھیں گے۔پاکستان مسلم لیگ(ن) کی حکومت ترقی کے سفر پر گامزن ہے اور پاکستانی عوام، تاجر اور صنعتکار جلد مثبت تبدیلی دیکھیں گے ۔مزید اہم خبریں
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
8 فروری کو ن لیگ پنجاب میں زیادہ سے زیادہ صرف 40 نشستیں جیتی
-
ٰآئی ایم ایف کے نئے پروگرام کیلئے اسٹاف لیول معاہدہ جولائی میں ہونے کا امکان ہے، محمد اورنگزیب
-
پنجاب میں ن لیگ ختم ہوگی تو کوئی ایسا ہوگا جو خلاء کو پُر کرے گا
-
نان بائی ویلفیئرایسوسی ایشن نے روٹی، نان کے سرکاری نرخ کو چیلنج کردیا
-
جنرل (ر) قمر باجوہ نے نوازشریف کو باہر بھیجنے میں سہولتکاری کی تھی
-
8 فروری کے عام انتخابات کے بعد جو فارم 47 خلافِ قانون کئی روز تک جاری نہ ہوئے انکا ضمنی انتخاب کے چند گھنٹے بعد جاری ہونا نہایت حیرت انگیز ہے،پی ٹی آئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.