فیصل آباد میں پولنگ کے دوران ضابطہ اخلاق کی خلاف ورزیاں جاری

جمعرات 22 اگست 2013 11:38

فیصل آباد (اُردو پوائنٹ تازہ ترین اخبار۔ 22اگست 2013ء) فیصل آباد میں ملک کی تاریخ کے سب سے بڑے ضمنی انتخابات کے دوران ضابطہ اخلاق کی خلاف ورزیاں جاری ہے جبکہ لاہور کے حلقہ این اے 129 کے پولنگ اسٹیشنوں میں میڈیا نمائندوں کو جانے کی اجازت نہیں دی جارہی۔

(جاری ہے)

نجی ٹی وی کے مطابق الیکشن کمیشن کی جانب سے انتخابات کے دوران پولنگ اسٹیشنوں میں موبائل فون لے جانے پر مکمل پابندی عائد کی گئی تھی لیکن فیصل آباد کے متعدد پولنگ اسٹیشنوں میں اس کی خلاف ورزی کی جارہی ہے اور پولنگ عملے اور ووٹرز نے موبائل فون پولنگ اسٹیشنوں کے اندر لے جا کر ضابطہ اخلاق کی دھجیاں اڑادی۔

دوسری جانب لاہور کے حلقہ این اے 129 کے پولنگ اسٹیشنوں سے پولیس نے میڈیا کے نمائندوں کو باہر نکال دیا ہے اور میڈیا نمائندوں کو الیکشن کمیشن کی جانب سے جاری کئے گئے کارڈ کو بھی ماننے سے انکار کردیا ہے، پولیس حکام کا کہنا ہے کہ انہیں یہی حکم دیا گیا ہے کہ میڈیا کے نمائندے پولنگ اسٹیشنوں کی حدود سے باہر رہیں گے۔

متعلقہ عنوان :