جنرل اشفاق پرویز کیانی نے پاکستان کی بری فوج کی کمانڈ باضابطہ طورپر جنرل راحیل شریف کے سپردکردی ،اپنی صفوں میں اتحاد رکھیں اور ملکی ترقی کیلئے کام کریں: سابق آرمی چیف
جمعہ 29 نومبر 2013 19:51
(جاری ہے)
آرمی بینڈ کا مارچ پاس ہوااوراُس کے بعد جنرل کیانی کو گارڈ آف آنر دیاگیاجس کے بعد باضابطہ طورپر کمان کی چھڑی جنرل راحیل شریف کے سپرد کردی گئی ۔
قبل ازیں چھ برس تک آرمی چیف رہنے والے جنرل اشفاق پرویز کیانی نے شہداءکی یادگار پر حاضری دی ، پھولوں کی چادر چڑھائی اورفاتحہ خوانی کی ۔حکومت کی طرف سے وفاقی وزیردفاع خواجہ آصف نے کمان کی تبدیلی کی پروقار تقریب میں شرکت کی ۔تقریب سے خطاب کرتے ہوئے جنرل اشفاق پرویز کیانی نے کہاکہ تقریب اُن کے لیے یاد گار اور خصوصی اہمیت کی حامل ہے ، پاک فوج کو خیرباد کہتے ہوئے اُنہیں اطمینان ہے کہ وہ اپنی ذمہ داریوں سے باعزت طورپر عہدہ برآہورہے ہیں ، عظیم فوج کو چھ سال تک کمانڈ کرنااُن کے لیے اعزاز ہے ، اپنی زندگی میں بہت سے نشیب وفرازدیکھنے کا بھی موقع ملا۔اُنہوں نے کہاکہ ہر مشکل اور اہم موڑ پر اللہ کے فضل کے طلبگاررہے اور اپنی محنت وایمانداری کو اپنی زندگی کا شعار بنانے کی کوشش کی ، وہ پاک فوج کے سب افسران و جوانوں کا شکریہ اداکرتے ہیں جنہوں نے مکمل تعاون کیا۔اُن کاکہناتھاکہ جب پاک فوج کی کمان سنبھالی تو بہت سے چیلنجز کا سامنا تھا، پیشہ وارانہ صلاحیتوں کو بروئے کارلانے کی ضرورت تھی اور سب نے بطور ادارہ تمام معاملات پر بھرپور توجہ دی اور اپنے مقصد میں کامیاب ہوئے ، آج کہہ سکتے ہیں پاک فوج اندرونی بیرونی خطرات سے نمٹنے کو تیار ہے ، جو بھی فیصلے کیے وہ ملک و قوم اور پاک فوج کے مفاد میں کیے ۔اُنہوں نے کہاکہ دہشتگردی سے ملک کو ناقابل تلافی نقصان پہنچا، جوانوں نے اپنی جان کی قربانیاں دے کر ملک و قوم کا مستقبل محفوظ بنایا، قوم نے جب بھی آپ کو بلایاہے تو کبھی اُنہیں مایوس نہیں کیا اور پاک فوج اپنی جان سے بڑھ کر اپنے ملک کی مٹی کا قرض چکارہے ، ہمارے جوان وہ اثاثہ ہیں جو دنیا کے کسی ملک کے پاس نہیں ، وہ قوم کا شکریہ اداکرتے ہیں جنہوں نے ہمیشہ دعائیں دیں اور ساتھ رہے جس کی وجہ سے ہمارے حوصلے بلند رہے ، افواج کے ساتھ ہزاروں شہریوں نے بھی جانیں قربان کیں جن کے ورثاءکو وہ خراج تحسین پیش کرتے ہیں ۔ جنرل کیانی کاکہناتھاکہ عسکری زندگی میں اُنہیں کئی مواقعوں پر زندگی کو بہت قریب سے دیکھنے کا موقع ملا، وہ یقین سے کہہ سکتے ہیں ہم ایک غیرت مند قوم ہیں اور ضرورت اس امر کی ہے کہ ہم اپنی صفوں میں اتحاد قائم رکھیں اور فرقہ واریت سے بڑھ کر سچے پاکستان کی حیثیت سے ملک کے روشن مستقبل کے لیے کام کرناہوگااور ترقی کی جانب بڑھنے کے لیے یہی واحد راستہ ہے ۔ اُنہوں نے کہاکہ سوچ کے انداز تو مختلف ہوسکتے ہیں لیکن سب کی منزل ایک ہے اور وہ روشن اور ترقی پسند پاکستان چاہتے ہیں۔اُن کاکہناتھاکہ جو قوم تمام رکاوٹوں کو پھلانگ کرآزادی کا جھنڈا لہراسکتی ہے ، تمام پابندیوں کے باوجود ایٹمی قوت بن سکتی ہے تو اس کے لیے کچھ بھی ناممکن نہیں ، پاکستان لازوال اور جوان سرمایہ ہیں ، مستقبل روشن ہے ، مایوسی کو قریب نہ پھٹکنے دیں ۔مجھے یقین ہے کہ جنرل راحیل شریف کی سربراہی میں پاک فوج ترقی و خوشحالی کی راہ پر مزید گامزن ہوگی اور دعاہے کہ اللہ راحیل شریف کو اپنے فرائض بخوبی انجام دینے کی توفیق عطاءفرمائے ، آمین۔امید کرتاہوں کہ آپ بھی مجھے اپنی دعاﺅں میں یادرکھیں گے اورمیری دعائیں ، پاکستان اور پاک فوج کے ساتھ ہیں ۔خطاب کے بعد کمان جنرل راحیل شریف کے حوالے کی گئی اور موجودہ و سابق آرمی چیفس کو سلامی دی گئی۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.