پاکستان میں ملٹری ہارڈ ویئر اور ایٹمی ٹیکنالوجی کی فراہمی سے چین کی مقبولیت میں اضافہ ہوا ہے ، برطانوی اخبار
جمعرات 2 جنوری 2014 15:48
لندن (اُردو پوائنٹ تازہ ترین اخبار۔ 2 جنوری 2014ء) برطانوی اخبار فنانشل ٹائمز نے اپنی رپورٹ میں کہاہے کہ پاکستان میں ملٹری ہارڈ ویئر اور ایٹمی ٹیکنالوجی کی فراہمی سے چین کی مقبولیت میں اضافہ ہواہے کراچی کے دو ایٹمی بجلی گھروں کی تعمیر کے لئے ساڑھے چھ ارب ڈالر کا قرض چین کا سرکاری بینک ادا کرے گا جسے پاکستان20برس میں لوٹائے گا۔رپورٹ کیمطابق اسلام آباد میں ایک سنیئر مغربی سفارت کا ر کا کہنا ہے کہ کراچی منصوبے کے لئے اتنی بھاری چینی سرمایہ کاری ایک بہت اہم اشارہ ہے اور چینی یہ کہتے نظر آتے ہیں کہ ہم پاکستانیوں کے ساتھ کھڑے ہیں اور ان کے مصائب کرنے میں مدد دینا چاہتے ہیں۔
رپورٹ کے مطابق چین نے جوہری توانائی کے لئے 6.5ارب ڈالر کا قرض دے کر پاکستان کے ساتھ تعلقات کومضبوط کیا۔(جاری ہے)
کراچی میں دو ایٹمی بجلی گھروں کی تعمیر کے لئے اتنی بھاری رقم پاکستان میں کسی بھی ایک منصوبے کے لئے سب سے بڑی چینی سرمایہ کاری ہے۔ کراچی میں بجلی کا یہ منصوبہ ملکی پیداواری صلاحیت میں 15فی صد اضافے کا سبب بنے گا۔مئی میں چینی بینک کی طرف سے 60کروڑ ڈالر کی سرمایہ کاری سمیت دیگر چینی منصوبے دونوں ایشیائی ممالک کے تعلقات کو مزید گہرا کرتے ہیں۔
پاکستان کے ساتھ چین کے بڑھتے روابط میں اضافے پر تجزیہ کار وں کے مطابق کراچی کے منصوبے کی مالی امداد اس بات کی نشان دہی کرتی ہے کہ چین کے پاکستان کے ساتھ گہرے تعلقات ہیں۔اخبار لکھتا ہے کہ کراچی کے ساڑھے چھ ارب ڈالر کا قرض جنوبی ایشیا میں چین کی موجودگی کی ویسی ہی مثال ہے جو پاکستان ،سری لنکا،بنگلادیش اور میانمر میں بنیادی ڈھانچے اور تعمیراتی منصوبوں میں کی جا رہی ہے۔ اخبار نے پاکستانی حکام کے حوالے سے لکھا کہ کراچی کے K2اورK3منصوبوں کے لئے چین کی طرف سے فراہم کیا جانے والا قرض چین کا سرکاری ایگزم بینک فراہم کرے گا جسے آئندہ 20برس میں واپس کیا جائے گا۔ماضی میں مغربی دنیا کی طرف سے پاکستان کو سول نیو کلیئر ٹیکنالوجی تک رسائی کی تردید کی جاتی رہی۔اسلام آباد میں ایک سینئر وزارت خارجہ کے اہلکار نے کہا کہ چین کو بڑے پیمانے پر پاکستان کا مخلص دوست ملک سمجھا جاتا ہے پاکستانی عوام چینیوں کو بھائی کے طور پر سمجھتی ہے اس زمرے میں کوئی دوسرا ملک نہیں آتا۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.