کراچی‘ قانون نافذ کرنے والے اداروں کی جرائم پیشہ افراد کے خلاف کارروائیاں جاری
جمعرات 2 جنوری 2014 16:33
کراچی(اُردو پوائنٹ تازہ ترین اخبار۔ 2 جنوری 2014ء) شہرقائد کو جرائم سے پاک کرنے کے لیے قانون نافذ کرنے والے اداروں کی جرائم پیشہ افراد کے خلاف کارروائیاں جاری ہیں۔کراچی کے علاقے منگھو پیر میں رینجرزاور پولیس نے مشترکہ آپریشن کے دوران مقابلے کے بعد دومبینہ دہشت گردوں کو ہلاک کردیاہے ۔دہشت گردوں کاتعلق کالعدم تحریک طالبان ہے۔ملزمان کے ٹھکانے سے بھاری تعداد میں اسلحہ، دستی بم اور جعلی شناختی کارڈز بھی برآمد ہوئے ہیں جبکہ لانڈھی کے علاقے تین تشددزدہ لاشیں ملی ہیں۔
تفصیلات کے مطابق کراچی کے علاقے منگھو پیر کنواری کالونی میں رینجرز اور پولیس نے کالعدم تنظیم کے ٹھکانے پر مشترکہ کارروائی کی تو دہشت گردوں نے فائرنگ کر دی ، جوابی فائرنگ سے 2دہشت گرد ہلاک ہو گئے۔(جاری ہے)
ترجمان رینجرز کے مطابق ہلاک دہشت گردوں کی شناخت سعید اللہ اور اعظم محسود کے نام سے کی گئی ہے۔ ہلاک دہشت گردوں کا تعلق تحریک طالبان پاکستان سے ہے۔
کارروائی انٹیلی جنس معلومات کی بنیاد پر کی گئی۔ ترجمان نے بتایا کہ دہشت گردوں کے ٹھکانے سے بھاری تعداد میں اسلحہ، دستی بم، مختلف ناموں کے جعلی شناختی کارڈز، جہادی لٹریچر اور بڑی تعداد میں گولیاں بھی برآمد ہوئی ہیں،پولیس کے مطابق دہشت گردوں کاتعلق کالعدم تحریک طالبان سواتی گروپ سے ہے۔ملزموں کی لاشیں عباسی شہید اسپتال منتقل کردی گئیں۔پولیس ذرائع کے مطابق ادھرابراہیم حیدری تھانے کی حدودمزار ابراہیم حیدری کے قریب چشمہ گوٹھ سے 3 تشددزدہ لاشیں ملی ہیں ،جن کی شناخت امین موٹا،عطاء الرحمن اور عادل خٹک کے ناموں سے ہوئی ہے۔پولیس کے مطابق تینوں کاتعلق جرائم پیشہ افراد گروپ سے ہے۔ جنہیں پوسٹ مارٹم کے لئے ہسپتال منتقل کردیا گیا ہے تاہم لاشوں کی شناخت نہیں ہوسکی ہے۔ قبل ازیں رینجرز نے ملیر لیاقت مارکیٹ اور وائرلیس گیٹ کے قریب ٹارگیٹڈآپریشن کیا ۔آپریشن کے دوران سیاسی جماعت سے وابستہ دو افراد احمر اور انیس کو حراست میں لے لیا گیاہے۔متعلقہ عنوان :
مزید اہم خبریں
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
-
پولیس وردی پہننے پر مریم نواز کیخلاف مقدمہ درج کرنے کی درخواست دائر
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم کاملیریا کے عالمی دن پر پیغام
-
پاکستان میں انسانی حقوق کی صورتحال پر پینٹاگون کی رپورٹ:ملا جُلا رد عمل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.