کسانوں کو آبپاشی کی بہتر سہولیات فراہم کرنے کیلئے بین الاقوامی اداروں کے تعاون سے میگا پراجیکٹس پر کام جاری ہے ‘ وزیر آبپاشی ،پروگرام کے مطابق تمام ٹارگٹ رواں سال جون تک مکمل کر لئے جائیں گے،میاں یاور زمان کو اجلاس میں حکام کی بریفنگ
اتوار 5 جنوری 2014 18:34
لاہور(اُردو پوائنٹ اخبار تازہ ترین۔5 جنوری ۔2014ء) صوبائی وزیر آبپاشی و چیئرمین پیڈا میاں یاور زمان نے کہا کہ پنجاب حکومت کسان برادری کو آبپاشی کی بہتر سہولیات فراہم کرنے کے لئے بین الاقوامی اداروں کے تعاون سے میگا پراجیکٹس پر کام کر رہی ہے تا کہ ٹیلوں کے زمیندار بھی نہری پانی جیسی نعمت سے مساویانہ طور پر مستفید ہو سکیں -یہ بات انہوں نے جاپانی ادارہ برائے بین الاقوامی ترقی (جائیکا) کے تعاون سے منصوبے پی آئی ایس آئی پی پروگرام کے تحت ترقیاتی سرگرمیوں کا جائزہ لینے والے اجلاس کی صدارت کے دوران کی - اجلاس میں محکمہ آبپاشی کے ایڈیشنل سیکرٹری (ٹیکنیکل) خالد حسین قریشی، جنرل مینجرپیڈا افضل انجم طور، جنرل مینجر (آپریشن)پیڈا محمد یونس بھٹی، ڈپٹی جی ایم سید شائق حسین عابدی، ڈائریکٹر سٹرٹیجک پلاننگ یونٹ محمد عامر خان کے علاوہ فیصل آباد، بہاولنگر اور ڈی جی ان کے ایریا واٹر بورڈ میں تعینات فیلڈ افسران نے شرکت کی-اجلاس میں صوبائی وزیر کو بتایا گیا کہ جائیکا کے تعاون سے پی آئی ایس آئی پی کے تحت ضلع چنیوٹ ، بہاولنگر اورڈی جی خان کے منتخب علاقوں میں پائلٹ بنیادوں پر نہروں کی پختگی کا کام تیزی سے جاری ہے اور پروگرام کے مطابق تمام ٹارگٹ رواں سال جون تک مکمل کر لئے جائیں گے- صوبائی وزیر کو بتایا گیا کہ مذکورہ منصوبہ کے تحت کسانوں میں نہری پانی کی بچت کے جدید طریقوں کے بارے میں بھی آگہی دی جا رہی ہے تا کہ کم از کم پانی کے استعمال سے بھرپور زرعی پیداوار بھی حاصل ہو سکے اور کھیتوں کو سیم اور تھور کے مسائل سے بھی محفوظ رکھا جا سکے- اجلاس میں بتایا گیا کہ زمیندار ادارہ جاتی اصلاحات کے تحت شروع کئے جانے والے منصوبہ جات سے خاطر خواہ انداز میں مستفید ہو رہے ہیں اور کسانوں کی دلچسپی کے پیش نظر مذکورہ منصوبے کے اہداف سوفیصد تک حاصل ہو نگے-وزیر آبپاشی میاں یاور زمان نے اصلاح آبپاشی کے لئے بین الاقوامی اداروں کے تعاون کو سراہتے ہوئے کہا کہ حکومت نہری پانی کی بچت کے طریقو ں سے صوبہ بھر کے کسانوں کو آگاہی کو یقینی بنانے کے لئے اقدامات کریگی تا کہ بڑھتی ہوئی آبادی کی غذائی ضروریات کے تحت تمام قابل کاشت رقبے کو یکسا ں نہری پانی میسر آسکے- اس موقع پر انہوں نے ہدایت کی کہ کسان تنظیموں کے پلیٹ فارم سے بھی نہری پانی کی بچت کے طریقوں کے بارے میں آگہی پروگرام شروع کرنے کے لئے اقدامات یقینی بنائے جائیں-
متعلقہ عنوان :
مزید قومی خبریں
-
محترمہ بینظیر بھٹو شہید کے نام سے منسوب ٹینس کلب کی لیز منسوخ کرنے کا فیصلہ شر انگیز عمل ہے ،سینیٹرفرحت اللہ بابر
-
الیکشن کمیشن نے ضمنی انتخابات 2024 میں عوام الناس کی سہولت کیلئے الیکشن مانیٹرنگ اینڈ کنٹرول سنٹرقائم کردیا
-
وزیراعلی خیبرپختونخوا سے ورلڈ فوڈ پروگرام کے وفد کی ملاقات،مختلف شعبوں میں صوبائی حکومت اور ورلڈ فوڈ پروگرام کے باہمی اشتراک کے دائرہ کار کو وسعت دینے پر تبادلہ خیال کیا گیا
-
قومی ، صوبائی اسمبلیوں کی 21نشستوں پرضمنی انتخابات (کل )ہونگے ،موبائل ، انٹرنیٹ سروس بند رکھنے کی سفارش
-
بانی پی ٹی آئی نے ضمنی الیکشن میں دھاندلی کو روکنے ووٹ کی حفاظت کا پیغام دیا ہے‘ علیمہ خان
-
مفکر پاکستان شاعرمشرق ڈاکٹر سر علامہ محمد اقبال کا یوم وفات 21اپریل( اتوار) کو منایا جائے گا
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.