کراچی،فائرنگ سے ایک شخص جاں بحق،سرچ آپریشن میں 30 مشتبہ افراد گرفتار

پیر 6 جنوری 2014 11:44

کراچی (اُردو پوائنٹ تازہ ترین اخبار۔ 6جنوری 2014ء) کراچی کے مختلف علاقوں میں فائرنگ کے واقعات میں ایک شخص جاں بحق اور ایک زخمی ہو گیا،پولیس نے فرنٹیئر کالونی میں سرچ آپریشن کر کے تیس مشتبہ افراد کو حراست میں لے لیا۔

(جاری ہے)

شہر قائد کےعلاقے اورنگی ٹاؤن سیکٹر ساڑھے گیارہ میں چاندنی چوک کے قریب نامعلوم افراد کی فائرنگ سے ایک شخص جاں بحق جبکہ نیو کراچی میں فائرنگ سے ایک شخص زخمی ہو گیا۔

دوسری جانب پیر آباد تھانے کے علاقے فرنٹیئر کالونی میں جرائم پیشہ افراد کی موجودگی کی اطلاع پر پولیس کی بھاری نفری نے محاصرہ کر لیا۔لوگوں کی آمد و رفت پر پابندی لگا کر گھر گھر تلاشی لی،ایس ایس پی اورنگی چوہدری اسد کے مطابق تلاشی کے دوران تیس مشتبہ افراد کو حراست میں لیا گیا ہے۔