مقامی حکومت کا نظام،آئین کے مطابق انتظامی،مالیاتی اور سیاسی خود مختاری کا حامل ہوگا،پرویزخٹک، نئے لوکل گورنمنٹ ایکٹ کے نفاذ کیلئے کی گئی قانون سازی آئین کی روح،جمہوریت کے اصولوں اور انتخابی مہم کے دوران پاکستان تحریک انصاف کی جانب سے کئے گئے وعدوں کو مد نظر رکھتے ہوئے ڈرافٹ کی گئی ہے،وزیراعلیٰ خیبرپختونخوا
پیر 6 جنوری 2014 23:02
پشاور(اُردو پوائنٹ اخبار تازہ ترین۔6 جنوری ۔2014ء) وزیر اعلیٰ خیبر پختونخوا پرویز خان خٹک نے کہا ہے کہ پاکستان تحریک انصاف کی حکومت کی جانب سے صوبے میں متعارف کیا جانے والا مقامی حکومت کا نظام،آئین کے مطابق انتظامی،مالیاتی اور سیاسی خود مختاری کا حامل ہوگا۔پی ٹی آئی یوتھ ونگ کے وفد جس کی قیادت اس کے مرکزی صدر علی بخاری کر رہے تھے ،سے پیر کے روز پختونخواہاؤس میں ملاقات کرتے ہوئے پرویز خٹک نے کہا کہ اس سلسلے میں نئے لوکل گورنمنٹ ایکٹ کے نفاذ کیلئے کی گئی قانون سازی آئین کی روح،جمہوریت کے اصولوں اور انتخابی مہم کے دوران پاکستان تحریک انصاف کی جانب سے کئے گئے وعدوں کو مد نظر رکھتے ہوئے ڈرافٹ کی گئی ہے۔
دوسروں کے ساتھ ساتھ جنرل سیکرٹری یوتھ ونگ سید قاسم علی شاہ،سید حسن مجتبیٰ اور راجہ نعیم بھی اس موقع پر موجود تھے۔(جاری ہے)
وزیر اعلیٰ نے نشاندہی کی کہ مشرف کے بہت زیادہ تشہیر کردہ اختیارات کی نچلی سطح پر منتقلی کے پروگرام کے برعکس جس میں اضلاع کو منتقل کئے جانے والے وسائل صرف ضلعی اور لوکل گورنمنٹ کے ملازمین کی تنخواہوں تک محدود تھے،خیبر پختونخوا حکومت ترقیاتی بجٹ کا بڑا حصہ اضلاع سے نیچے تحصیل،یونین کونسل اور حتیٰ کہ گاؤں کی سطح تک کے بلدیاتی اداروں کو منتقل کر رہی ہے تاکہ نچلی سطح پر لوگوں کو بااختیار بنانا یقینی بنایاجائے جبکہ دوسری طرف فلور کراسنگ کے بارے میں سخت قانون بنایا گیا ہے تاکہ جمہوریت اور جمہوری اصول مضبوط ہوں۔
پرویز خٹک نے کہا کہ تشکیل شدہ قوانین،آبادی کی بنیاد پر وسائل کی تقسیم یقینی بنائیں گے اور بلدیاتی نظام کو صوبائی حکومت پر کبھی بھی انحصار نہیں کرنا پڑے گا اور بلدیاتی نظام کی آزادی اور خود مختاری یقینی ہوگی۔ وزیر اعلیٰ نے کہا کہ قانون نے صوبائی ولوکل گورنمنٹ کے علاوہ ڈسٹرکٹ ،تحصیل،یونین کونسل اور ویلج کونسل کے کردار،اختیارات اور ذمہ داریوں کی واضح طور پر تشریح کی ہے۔ وزیر اعلیٰ نے کہاکہ اس قانون کے نفاذ سے یونین کونسلوں کا ترقیاتی بجٹ دس گنا تک بڑھنے کی توقع ہے۔ وزیر اعلیٰ نے پشاور میں صفائی اور دوسری شہری خدمات کے بارے میں بتایا کہ ایک طرف صفائی مہم مستقل طور پر جاری ر ہے تو دوسری طرف اس کے مستقل حل کیلئے ایک آزاد اور خود مختارکمپنی تشکیل دی گئی ہے۔یہ خدمات بین الاقوامی شہرت کی حامل فرموں کے حوالے کی جائیں گی تاکہ جدید مشینری کا زیادہ سے زیادہ استعمال یقینی بنے اور اس کی تربیت ہماری اپنی افرادی قوت کو دی جائے۔انہوں نے انکشاف کیاکہ پشاور کے ماس ٹرانزٹ سسٹم کا مطالعہ آخری مراحل میں ہے اور تکمیل کے بعد ایک ایسا سسٹم متعارف کرایا جائے گاجس سے صوبائی دارالخلافہ پشاور میں ٹریفک کارش کنٹرول ہو سکے۔انہوں نے کہاکہ پشاور کے تاریخی قدیم شہرکے احیاء پرکام ہو رہاہے اور اسے جلد مکمل کر لیاجائے گا۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.