پرویزمشرف اسپتال میں زیرعلاج ہیں انکا کل عدالت میں پیش ہونا مشکل ہے، احمد رضاقصوری

بدھ 15 جنوری 2014 11:42

اسلام آ باد(اُردو پوائنٹ تازہ ترین اخبار۔ 15جنوری 2014ء) سابق صدف پرویز مشرف کے وکیل احمد رضا قصوری کا کہنا ہے کہ پرویز مشرف اسپتال میں زیر علاج ہیں ان کا کل عدالت میں پیش ہونا مشکل ہے۔

(جاری ہے)

ذرائع کے مطابق احمد رضا قصوری کا کہنا تھا کہ پرویز مشرف عدالتوں میں پیش ہونے سے نہیں ڈرتے، وہ اسپتال میں زیر علاج ہیں اس لئے ان کا کل عدالت میں پیش ہونا مشکل ہے, پرویز مشرف سے مسلسل رابطے میں ہیں، پرویزمشرف کےآج مزیدٹیسٹ ہوں گے جس کے بعد ڈاکٹر فیصلہ کریں گے کہ پرویزمشرف کل عدالت میں پیش ہوں گےیانہیں۔

احمد رضا قصوری کا کہنا تھا کہ آل پاکستان مسلم لیگ اور سول سوسائٹی آج پرویز مشرف کے حق میں ریلی نکالے گی۔ واضح رہے کہ سابق صدر پرویز مشرف گزشتہ کئی روز سے راولپنڈی کے آرمڈ انسٹیٹوٹ آف کارڈیالوجی میں ریز علاج ہیں جبکہ خصوصی عدالت نے پرویز مشرف کو غداری کے مقدمے میں 16 جنوری کو پیش ہونے کا حکم دے رکھا ہے۔

Facebook Twitter Google + Share on Whatsapp

پرویزمشرف اسپتال میں زیرعلاج ہیں انکا کل عدالت میں پیش ہونا مشکل ہے، احمد رضاقصوری

مزید اہم خبریں