سرکاری افسران اپنی کارکردگی بہتر بنائیں، کام چوروں، کرپٹ عناصر اور تاخیری حربے استعمال کرنیوالوں کیخلاف سخت ایکشن لیا جائیگا، محمود خان،پی ٹی آئی اپنے منشور کے مطابق عوام سے کئے گئے وعدوں کو پورا ،تمام شعبوں میں مثبت تبدیلیاں لانے کے عزم کو عملی جامہ پہنائیگی،وزیر سیاحت خیبرپختونخوا
جمعہ 17 جنوری 2014 20:58
پشاور(اُردو پوائنٹ اخبار تازہ ترین۔17 جنوری ۔2014ء) خیبر پختونخوا کے وزیر برائے سیاحت، کھیل،میوزیم و آثار قدیمہ اور امورنوجوانان محمود خان نے اپنے زیر نگران محکموں کے افسروں اور اہلکاروں سے کہا ہے کہ وہ پندرہ دن کے اندر اندر اپنی کارکردگی بہتر بنائیں بصورت دیگر سرکاری فرائض کی انجام دہی میں عدم دلچسپی لینے، تاخیری حربے استعمال کرنے اور کام چوروں سمیت کرپٹ عناصر کے خلاف قانون کے مطابق سخت ایکشن لیا جائیگا۔
انہوں نے کہا کہ پی ٹی آئی اپنے منشور اور قائد کے وژن کے مطابق گزشتہ عام انتخابات کے موقع پر عوام سے کئے گئے وعدوں اور تمام شعبوں میں مثبت تبدیلیاں لانے کے عزم کو عملی جامہ پہنائے گی۔ان خیالات کا اظہار انہوں نے ٹورازم ہال پشاور میں اپنے محکموں کی کارکردگی کے حوالے سے ایک اعلیٰ سطح اجلاس کی صدارت کرتے ہوئے کیا۔(جاری ہے)
اجلاس میں سیکرٹری سپورٹس و سیاحت خیبر پختونخوا احمدحسن، ایڈیشنل سیکرٹری سپورٹس جمال تاثیر، ڈائریکٹر جنرل سپورٹس طارق محمود،ڈائریکٹر جنرل آرکیالوجی ڈاکٹر نسیم، ایم ڈی ٹوارزم ڈیپارٹمنٹ مشتاق احمد کے علاوہ دیگر متعلقین بھی موجود تھے۔
اجلاس میں محکمہ سپورٹس کے زیر اہتمام جاری منصوبوں جن میں قیوم سپورٹس سٹیڈیم،مردان سوئمنگ پول، حیات آباد سپورٹس کمپلیکس پر تعمیراتی کام کا تفصیلی جائزہ لیا گیا۔اسی طرح سیاحت اور آرکیالوجی کے زیر اہتمام جاری منصوبوں پر بھی سیر حاصل بحث ہوئی ۔صوبائی وزیر نے افسران کی مجموعی کارکردگی پر عدم اطمینان کا اظہار کرتے ہوئے حکام کو سختی سے ہدایت کی کہ وہ جاری تمام ترقیاتی منصوبوں کو جلد پایہ تکمیل تک پہنچائیں۔انہوں نے افسران اور اہلکاروں کو سختی سے تنبیہ کی ہے کہ وہ اپنے فرائض منصبی پوری ایمانداری، خلوص نیت اور قومی جذبے سے سرشار ہو کر انجام دیں اور محکموں کی نیک نامی کیلئے اپنا کردار ادا کریں۔متعلقہ عنوان :
مزید قومی خبریں
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
-
سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلی سطح اجلاس
-
رانا ثنا اللہ کیخلاف کراچی میں مقدمے کی درخواست، ایس ایچ او کو نوٹس جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.