کرپشن ریفرنسز،آصف زرداری کی حاضری سے استثنیٰ کی درخواست پر فیصلہ محفوظ

ہفتہ 18 جنوری 2014 12:03

اسلام آباد(اُردو پوائنٹ تازہ ترین اخبار۔ 18جنوری 2014ء) احتساب عدالت اسلام آباد میں سابق صدر زرداری کی حاضری سے استثنیٰ کی درخواست پر فیصلہ محفوظ کر لیا گیا،فاروق ایچ نائیک کہتے ہیں سابق صدر سیکورٹی خدشات کے باعث پیش نہیں ہو سکتے۔

(جاری ہے)

اسلام آباد میں سابق صدر زرداری کے خلاف نیب عدالت میں کرپشن ریفرنسز کی سماعت ہوئی،عدالت میں آصف زرداری کی جانب سے حاضری سے استثنیٰ کی درخواست دائر کی گئی۔

دلائل مکمل ہونے کے بعد نیب عدالت نے فیصلہ محفوظ کر لیا۔کرپشن کے پانچ ریفرنسز میں سابق صدر آصف زرداری کی بریت کی درخواست بھی دائر کی گئی۔ان کے وکیل فاروق ایچ نائیک کا سماعت کے بعد کہنا تھا کہ سیکورٹی خدشات کے باعث آصف زرداری عدالت میں پیش نہیں ہو سکتے۔سابق صدر کے خلاف کسی ریفرنس میں ٹھوس شواہد یا ثبوت موجود نہیں۔