سعودی عرب جانیوالی نجی ائیر لائن کی پرواز کی تیسری مرتبہ منسوخی پر مسافر مشتعل ،ائیر پورٹ پر ہنگامہ ،داخلی راستے پر دھرنا دیدیا،سیکرٹری ایوی ایشن کی ہدایت پر حکام کے مذاکرات ،سو مسافروں کو پی آئی اے کی پرواز کے ذریعے دمام کے راستے روانہ کر دیا گیا
اتوار 19 جنوری 2014 20:56
لاہور(اُردو پوائنٹ اخبار تازہ ترین۔19 جنوری ۔2014ء) لاہور سے سعودی عرب جانے والی نجی ائیر لائن کی پرواز کی تیسری مرتبہ منسوخی پر مسافر مشتعل ہو گئے ،ائیر پورٹ پر ہنگامہ اور داخلی راستے پر دھرنا دیدیا ،سیکرٹری ایوی ایشن محمد علی گردیزی کی ہدایات پر حکامات سے کامیاب مذاکرات کے بعد مسافروں نے دھرنا ختم کر دیا ۔ بتایا گیا کہ تین سو مسافروں جن میں زیادہ تعداد عمرہ زائرین کی تھی نے اتوار کے روز لاہور سے جدہ روانہ ہوناتھا ۔
تمام مسافر گزشتہ روز اپنے مقررہ وقت پر ائیر پورٹ پہنچے تاہم انتظامیہ نے انہیں آگاہ کیا کہ بتایا کہ پرواز کو منسوخ کر دیا گیا ہے جس پر مسافروں اور انہیں ائیر پورٹ چھوڑنے آنے والے انکے عزیز و اقارب نے ہنگامہ کھڑا کر دیا ۔ مسافروں نے بتایا کہ پرواز کو تیسری مرتبہ منسوخ کیا گیا ہے ۔(جاری ہے)
ان میں سے اکثریت دور دراز علاقوں سے آئے ہیں اور انتظامیہ کی طرف سے بغیرکوئی اطلاع پرواز کو منسوخ کر دیا گیا ہے ۔
بتایا گیا ہے کہ جہاز کی عدم دستیابی کے باعث پرواز کو منسوخ کیا گیا جبکہ مسافروں سے کہا گیا ہے کہ انہیں روانگی کے بارے میں بذریعہ فون اطلاع دیدی جائے گی۔مسافروں نے واپس گھروں کو جانے کی بجائے ائیر پورٹ کے داخلی دروازے پر دھرنا دیدیا اور کہا کہ جب تک انہیں روانہ نہیں کیا جائیگا وہ دوسری پروازوں کے مسافروں کو بھی نہیں جانے دیں گے اور دو سے اڑھائی گھنٹے تک دھرنا دیا گیا ۔ بتایا گیا ہے کہ سیکرٹری ایوی ایشن محمد علی گردیزی جنہوں نے کسی دوسرے شہر کی پرواز لینا تھی نے واقعہ کا علم ہونے پر حکام کو مذاکرات کی ہدایت دی جنہوں نے ویزے کی مدت ختم ہونے والے سو مسافروں کو پی آئی اے کی پرواز کے ذریعے پہلے دمام اور پھر سعودی عرب جبکہ باقی مسافروں کو بھی اسی طرح دیگر پروازوں میں بھجوانے کی یقین دہانی کرائی جس پر مسافروں نے دھرنا ختم کر دیا۔مزید اہم خبریں
-
8 فروری کو ن لیگ پنجاب میں زیادہ سے زیادہ صرف 40 نشستیں جیتی
-
ٰآئی ایم ایف کے نئے پروگرام کیلئے اسٹاف لیول معاہدہ جولائی میں ہونے کا امکان ہے، محمد اورنگزیب
-
نان بائی ویلفیئرایسوسی ایشن نے روٹی، نان کے سرکاری نرخ کو چیلنج کردیا
-
جنرل ر قمر باجوہ نے نوازشریف کو باہر میں بھیجنے میں سہولتکاری کی تھی
-
8 فروری کے عام انتخابات کے بعد جو فارم 47 خلافِ قانون کئی روز تک جاری نہ ہوئے انکا ضمنی انتخاب کے چند گھنٹے بعد جاری ہونا نہایت حیرت انگیز ہے،پی ٹی آئی
-
ایران کے صدر کی کراچی آمد،گورنر اور وزیراعلی سندھ نے پرتپاک استقبال کیا
-
ڈیجیٹل انسانی ترقی کے انڈکس میں پاکستان 193 ممالک میں 164 ویں نمبر پر آگیا
-
معیاری تعلیم کا فروغ ہماری حکومت کی اولین ترجیح ہے، بھرپور کوشش ہے کوئی بھی بچہ اسکول سے باہر نہ ہو ، وزیراعظم
-
معیاری تعلیم کا فروغ ہماری حکومت کی اولین ترجیح ہے،ہماری بھرپور کوشش ہے کہ کوئی بھی بچہ سکول سے باہر نہ ہو ، وزیراعظم محمد شہباز شریف کی برطانیہ کی معروف جامعات کے نمائندہ وفد سے گفتگو
-
اسٹیٹ بینک آف پاکستان کی جانب سے صارفین کے اعتماد کے اعشاریے جاری کر دیئے گئے
-
پی ٹی آئی نے ضمنی انتخاب کے چند گھنٹے بعد فارم 47 کا جاری ہونا حیرت انگیز قرار دے دیا
-
وزیرخارجہ اسحاق ڈارنے دائرکردہ درخواست میں بائیومیٹرک تصدیق کرادی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.