وفاقی کابینہ کا اجلاس آج ہوگا، قومی سلامتی پالیسی پیش کی جائےگی

پیر 20 جنوری 2014 11:38

وفاقی کابینہ کا اجلاس آج ہوگا، قومی سلامتی پالیسی پیش کی جائےگی

اسلام آباد(اُردو پوائنٹ تازہ ترین اخبار۔ 20جنوری 2014ء)وزیراعظم نواز شریف کی زیر صدارت وفاقی کابینہ کا اجلاس آج اسلام آباد میں ہوگا، جس میں قومی سلامتی پالیسی منظوری کے لیے پیش کی جائے گی۔

(جاری ہے)

سرکاری حکام کے مطابق وفاقی کابینہ کے اجلاس کا ایک نکاتی ایجنڈا ہوگا اور وہ ہے قومی سلامتی پالیسی کے مسودے کی منظوری۔ سرکاری حکام کے مطابق وفاقی وزیر داخلہ اجلاس کو طالبان کے ساتھ مذاکرات شروع کرنے کے حوالے سے کوششوں سے آگاہ کریں گے، جبکہ کراچی میں جرائم پیشہ عناصر کے خلاف جاری ٹارگٹڈ آپریشن پر بھی بریفنگ دیے جانے کا امکان ہے۔