وزیراعلی خیبرپختونخوا کی چارسدہ دھماکے کی شدیدمذمت،متاثرین کیلئے معاوضے کااعلان،6چھ پولیس اہلکاروں کیلئے فی کس 30لاکھ روپے، زخمیوں کیلئے ایک ایک لاکھ روپے ،جاں بحق طالبعلم کیلئے 5لاکھ روپے،زخمی شہریوں کیلئے دو دو لاکھ روپے امداد کا اعلان
بدھ 22 جنوری 2014 21:43
پشاور(اُردو پوائنٹ اخبار تازہ ترین۔22 جنوری ۔2014ء) خیبرپختونخواکے وزیراعلیٰ پرویزخٹک نے سرڈھیری بازار چارسدہ میں پولیس وین پر بم حملے کی مذمت کرتے ہوئے متاثرین کیلئے معاوضے کا اعلان کیا ہے انہوں نے دہشت گردی کے اس المناک واقعہ میں شہید چھ پولیس اہلکاروں کیلئے فی کس تیس لاکھ روپے، زخمیوں کیلئے ایک ایک لاکھ روپے جبکہ جاں بحق طالبعلم کیلئے پانچ لاکھ روپے اور زخمی شہریوں کیلئے دو دو لاکھ روپے کا اعلان کرتے ہوئے ضلعی انتظامیہ کو اسکی فوری ادائیگی کا بندوبست کرنے کی ہدایت کی ہے اسی طرح انہوں نے شہید پولیس جوانوں کے ورثاء کو انکی ملازمت کی مدت تک پوری تنخواہ کی ادائیگی، بچوں کی مفت تعلیم اور خاندان کے ایک ایک فرد کو تعلیم کے مطابق فوری روزگار دینے کی ہدایت بھی کی ہے اور کہا کہ صوبائی حکومت کے شہید پیکج کے تحت یہ معمولی رقم قیمتی انسانی زندگی کا نعم البدل نہیں ہو سکتی مگر یہ حکومت اور عوام کی طرف سے انکے دکھ میں شرکت اور مالی مشکلات بانٹنے کی کوشش ہے قبل ازیں وزیراعلیٰ نے واقعہ کی اطلاع ملتے ہیں ڈویژنل وضلعی انتظامیہ و پولیس کے علاوہ وزیرصحت شوکت یوسفزئی اور علاقہ کے عوامی نمائندوں سے رابطہ کرکے انہیں فوری جائے حادثہ اور ہسپتال پہنچنے اور امدادی کام ذاتی نگرانی میں انجام دینے کی ہدایت کی وزیراعلیٰ نے شہریوں کیلئے قربانی دینے اور جان ہتھیلی پر رکھ کر فرض پورا کرنے پر شہید پولیس اہلکاروں کو خراج عقیدت اور خیبر پختونخوا کی پولیس فورس کو خراج تحسین پیش کیا اور امید ظاہر کی کہ آج ہم جس مشکل صورتحال سے دوچار ہیں پولیس عوام اور حکومت کے شانہ بشانہ کردار ادا کرے گی انہوں نے کہا کہ پولیس اور فورسز پر حملے کا مطلب عوام کوعدم تحفظ کاشکاربناناہے جس کی کوئی بھی حکومت اورقوم اجازت نہیں دے گی وزیراعلیٰ نے واقعہ میں شہیدجوانوں اورشہریوں کے درجات کی بلندی اورزخمیوں کی جلدصحت یابی کی دعاکی انہوں نے اس بات پر افسوس کااظہارکیاکہ انہوں نے وفاق کی دوہرے پن کی پالیسی پراظہارافسوس کرتے ہوئے کہاکہ جب تک ہم اصل دشمنوں کونہیں پہچانیں گے اورایکشن پرمبنی سیاسی وسفارتی اقدامات نہیں کریں گے دہشتگردی ختم نہیں ہوگی۔
متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.