حکومت دہشت گردی اور پر تشدد واقعات کو طویل آمریتوں کا نتیجہ سمجھتی ہے ، ڈاکٹر عبدالمالک بلوچ، حکومت نے زائرین کو فول پروف سیکورٹی فراہم کی تھی،جہادی اور خارجہ پالیسی پر نظر ثانی کرنی ہوگی، ملک میں طویل آمریتوں کا خمیازہ عوام کو بھگتنا پڑ رہا ہے، چھ ماہ میں بہت سی چیزوں پر قابو پانے میں پیش رفت ہوئی ہے،وزیراعلیٰ بلوچستان
جمعرات 23 جنوری 2014 21:41
کوئٹہ(اُردو پوائنٹ اخبار تازہ ترین۔23 جنوری ۔2014ء) وزیر اعلیٰ بلوچستان ڈاکٹر عبدالمالک بلوچ نے کہا ہے کہ ان کی حکومت دہشت گردی اور پر تشدد واقعات کو طویل آمریتوں کا نتیجہ سمجھتی ہے اور صورتحال کی بہتری کے لیے عوام کے تعاون سے تمام ممکنہ اقدامات کر رہی ہے، انہوں نے گذشتہ دنوں مستونگ میں زائرین کی بس پر حملے کے نتیجے میں پیدا ہونے والی صورتحال کے حوالے سے کہا کہ حکومت نے زائرین کو فول پروف سیکورٹی فراہم کی تھی ، اس کے باوجود خودکش حملہ آور اپنا کام کرنے میں کامیاب ہوئے، وزیر اعلیٰ بلوچستان انسانی حقوق کی سرگرم کارکن فرزانہ باری سے گفتگو کر رہے تھے جنہوں نے جمعرات کے روز کوئٹہ میں ان سے ملاقات کی، فرزانہ باری نے کہا کہ پاکستان کے پڑھے لکھے، جمہوریت پسند، روشن خیال حلقوں نے وزیر اعلیٰ ڈاکٹر عبدالمالک بلوچ کی حکومت کا روز اول سے خیر مقدم کیا تھا اور آج بھی ملک کی سول سوسائٹی بلوچستان کے حالات کی بہتری اور عوام کی زندگی میں مثبت و تعمیری تبدیلی کے لیے ان کی حکومت سے بڑی توقعات رکھتی ہے، وزیر اعلیٰ نے کہا کہ فرقہ وارانہ بنیادوں پر ہونے والی دہشت گردی پر قابو پانے کے لیے ہمیں اپنے مائنڈسیٹ میں تبدیلی لانا ہوگی اور جہادی اور خارجہ پالیسی پر نظر ثانی کرنی ہوگی، انہوں نے کہا کہ ملک میں طویل آمریتوں کا خمیازہ عوام کو بھگتنا پڑ رہا ہے، وزیر اعلیٰ نے کہا کہ موجودہ صورتحال کا ایک اہم سبب خطے میں تنازعات بھی ہیں، انہوں نے کہا کہ زائرین کی بس پر حملے سے پیدا ہونے والی صورتحال کو مذاکرات کے ذریعہ حل کرنے کے لیے حکومت سرگرمی سے کوشاں ہے، وزیر اعلیٰ نے بتایا کہ واقعہ میں جاں بحق ہونے والوں کے لواحقین سے تعزیت اور ہمدردی کا اظہار کرنے وہ خود ان کے پاس گئے اور انہیں بتایا کہ انکے غم میں وہ برابر کے شریک ہیں، انہوں نے کہا کہ صورتحال مثالی نہیں ہے، تاہم چھ ماہ میں بہت سی چیزوں پر قابو پانے میں پیش رفت ہوئی ہے، انہوں نے بتایا کہ صوبائی دارلحکومت میں امن و امان کی عمومی صورتحال میں بہتری آئی ہے جبکہ قومی شاہراہوں پر سفر کو محفوظ بنایا گیا ہے، وزیر اعلیٰ نے فورسز کی کارکردگی کے حوالے سے کہا کہ یہ لوگ عوام کی زندگیوں کو تحفظ فراہم کرنے کے لیے قربانیاں دے رہے ہیں، وزیر اعلیٰ نے اس یقین کا اظہار کیا کہ حکومت مربوط کاوشوں اور عوام کے تعاون سے حالات کو بہتر بنانے میں کامیابی حاصل کرے گی۔
متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.