طالبان سے مذاکرات کے ذریعے آگے بڑھاجاسکتا ہے، کراچی میں سبق آموز آپریشن جاری ہے ،خرم دستگیر
جمعہ 31 جنوری 2014 13:12
اسلام آباد(اُردو پوائنٹ تازہ ترین اخبار۔ 31جنوری 2014ء) وفاقی وزیر تجارت انجینئر خرم دستگیر نے کہاہے کہ کراچی میں سبق آموز آپریشن جاری ہے ،طالبان سے مذاکرات کے ذریعے ہی آگے بڑھاجاسکتا ہے، تحفظ پاکستان بل کا مقصدملک کے عوام کی جان ومال کا بچانا، انتہاپسندوں کو عام آبادی سے الگ کرنااور قبائلی علاقوں میں ہماری بہنوں بچوں کواغواء کاروں سے چھڑانا ہے ،ریاست میں عسکریت پسندوں کی پشت پناہی کرنے والوں کا خاتمہ بھی ناگزیر ہے ، وفاقی حکومت بلوچستان کے مسئلے میں کردار ادا کریگی،گزشتہ روزنجی ٹی وی سے بات چیت کرتے ہوئے وفاقی وزیرتجارت انجینئرخرم دستگیر نے کہاکہ طالبان سے مذاکرات کے ذریعے ہی آگے بڑھاجاسکتا ہے لیکن جو گروپ مذاکرات نہیں چاہتے حکومت ان کے خلاف ٹارگٹیڈآپریشن کرسکتی ہے ،ہم مذاکرات کے حق میں ہیں جو گروپ ہم سے مذاکرات کریں گے ان سے مذاکرات کئے جائیں گے لیکن جو لوگ مذاکرات نہیں چاہتے اور وہ جس زبان میں ہم سے بات کریں گے ان سے اسی زبان میں بات کی جائیگی،خرم دستگیر نے کہاکہ عوام کی منتخب حکومت نے عوام کی نمائندہ مقننہ کے سامنے ایک بل پیش کیا ہے ،انہوں نے کہاکہ تحفظ پاکستان بل پر سیاسی جماعتوں کو اعتراض کا حق ہے لیکن ہم نے پاکستان کے حق میں جوبہتر سمجھا وہی کیا ،اوریہ بل ہم نے خود تیار کیاہے ،آئین سے متصادم اگر کچھ شقیں ہیں تو قومی اسمبلی اس کو ختم کردے گی ،انہوں نے کہاکہ تحفظ پاکستان بل کا مقصدملک کے عوام کی جان ومال کا بچانا کرنا ہے اوردوسرایہ ہے کہ ہمیں انتہاپسندوں کو عام آبادی سے الگ بھی کرنا ہے ،تیسرایہ ہے کہ قبائلی علاقوں میں ہماری بہنوں بچوں کو یرغمال بنایا ہوا ہے ،اسی وجہ سے ہمیں طالبان سے مذاکرات کرنا پڑرہے ہیں،ان کا کہنا تھا کہ قوم کے حق میں جوفیصلے ہوں گے ہم ان میں سے پیچھے نہیں ہٹیں گے ،انہوں نے کہاکہ ریاست میں عسکریت پسندوں کی مددکرنے والوں کا خاتمہ بھی ضروری ہے اوران تک پہنچنے کے لیے ایک ڈنڈا ہلانے سے یہ ممکن نہیں ہے اس کے لیے بہت سے اقدامات کرنے ہیں اورابھی ہم پہلی سیڑھی پر چڑھے ہیں،وفاقی وزیرنے کہاکہ کراچی میں سبق آموز آپریشن جاری ہے وفاق صوبائی حکومت سے مکمل رابطے میں ہے اورگلگت بلتستان ہو یا آزاد کشمیر ہم ہر کسی کی مدد کرتے رہیں گے ،ان کا کہنا تھا کہ وفاقی حکومت بلوچستان کے مسئلے میں کردار ادا کریگی۔
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.