جنرل الیکٹرک کے وائس چیئرمین کی وزیر اعظم سے ملاقات ،ملک کی طویل المدت ترقی سے وابستگی پر روشنی ڈالی،ہمیں پاکستان میں اپنی موجودگی کی طویل تاریخ اور قائم کی جانے والی شراکت داری پر فخر ہے ،جان رائس
منگل 18 فروری 2014 19:31
اسلام آباد(اُردو پوائنٹ اخبار تازہ ترین۔18 فروری ۔2014ء) وزیر ا عظم محمد نواز شریف سے جنرل الیکٹرک کے وائس چےئرمین جان رائس نے ملاقات کی جس میں پاکستان سے اپنی کمپنی کی وابستگی پر روشنی ڈالی۔جان رائس نے بجلی کی پیداوار بڑھانے،بجلی کے شعبے کی صلاحیت اور اس شعبے کی قابل ِ تجدید متبادل میں تبدیلی پر خصوصی توجہ دیتے ہوئے اساسی ڈھانچے اور توانائی کے منصوبوں میں نجی اور سرکاری شعبے کے تعاون کے مواقع پر بات چیت کی ۔
پاکستان اپنے ہمہ گیر اساسی ڈھانچے کو مستحکم بنانے پر توجہ دے رہا ہے اور بجلی کی بڑھتی ہوئی مانگ کو پورا کرنے کے لئے انرجی مکس کو فروغ دے رہا ہے۔اس پہلو کو ذہن میں رکھتے ہوئے رائس نے ان ملاقاتوں میں ملک کی ضروریات کو پورا کرنے کے لئے جی ای کی طرف سے پیش کی جانے والی جدید ٹیکنالوجیز پر روشنی ڈالی۔(جاری ہے)
جان رائس نے کہا کہ ہمیں پاکستان میں اپنی موجودگی کی طویل تاریخ اور قائم کی جانے والی شراکت داری پر فخر ہے۔
ہم جدید ترین ٹیکنالوجیز کو مقامی سلوشنز کے ساتھ ملا کر اساسی ڈھانچوں کے کلیدی منصوبوں پر کام کر رہے ہیں،جن سے موجودہ اور مستقبل کی ضروریات کو پورا کرنے اور ملک کی اقتصادی میں مدد ملے گی اس وقت اسلام آباد،لاہور اور کراچی میں جی ای کے تین دفاتر کام کر رہے ہیں،جنر ل الیکٹرک سے پاکستان کے مختلف علاقوں میں 400 افراد کو ملازمت کے مواقع فراہم ہو تے ہیں۔ 1960 کی دہائی میں جی ای، اُن اولین کمپنیوں میں شامل تھی جنھوں نے ملک میں اسٹیم اور گیس ٹربائن نصب کئے تھے۔جی ای پاور جنریشن،آئل اینڈ گیس، انرجی مینجمنٹ،ایوی ایشن،ٹرانسپورٹیشن اور صحت ِ عامہ کی دیکھ بھال کے کاروبار میں اپنی جدید ٹیکنالوجیز کے ذریعے توانائی کے کلیدی اور اساسی ڈھانچے کے منصوبوں میں اہم کردار ادا کر رہی ہے۔ جنرل الیکٹرک ،پی آئی اے کے فلیٹ انجنوں کی سروس کے لئے تیس سال سے زیادہ عرصے سے اس کی مدد کر رہی ہے اور چالیس سال سے زیادہ عرصے سے پاکستان ریلویزکے ساتھ قابلِ فخر شراکت داری چلی آ رہی ہے،جب اس کے فلیٹ میں جنرل الیکٹرک کے پہلے ریلوے انجن متعارف کرائے گئے۔ جنرل الیکٹرک نے حال ہی میں جی ای اشوکا چینج میکر ایوارڈ کے ذریعے خواتین کے لئے معاشی ترقی کے مواقع آگے بڑھانے کے لئے دو متنوع تصورات پر فنڈنگ بھی کی۔متعلقہ عنوان :
مزید اہم خبریں
-
اسٹریمنگ سروس نیٹ فلکس کے ناظرین نصف بلین ہو گئے
-
مہنگائی کی شرح میں کمی کے باوجود 22 اشیائے ضروریہ مہنگی ہوگئیں
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
پی ٹی آئی عوام کا نہیں سوچ رہی بلکہ اپنے لیڈر کو این آراودلوانے کیلئے ڈٹی ہوئی ہے
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.