سابق ٹیسٹ کرکٹر لٹل ماسٹر حنیف محمد پر فالج کا حملہ، اسپتال داخل

ہفتہ 19 اپریل 2014 15:19

سابق ٹیسٹ کرکٹر لٹل ماسٹر حنیف محمد پر فالج کا حملہ، اسپتال داخل

کراچی(اُردو پوائنٹ تازہ ترین اخبار۔ 19اپریل 2014ء) پاکستان کے مایا ناز سابق ٹیسٹ کرکٹر لٹل ماسٹر حنیف محمد کو فالج کے حملے کے باعث اسپتال منتقل کردیا گیا ہے۔ ایکسپریس نیوز کے مطابق حنیف محمد کو کراچی میں آج صبح فالج کا اٹیک ہوا ہے جس کے باعث انہیں تشویشناک حالت میں مقامی اسپتال میں داخل کروادیا گیا جہاں ڈاکٹرز کی جانب سے انہیں ہنگامی بنیادوں پر طبی امداد فراہم کی جارہی ہے۔

(جاری ہے)

حنیف محمد کے بیٹے اور سابق ٹیسٹ کرکٹر شعیب محمد کا کہنا ہے کہ ڈاکٹرز کی جانب سے ان کے والد کو آئی سی یو میں رکھا گیا ہے، قوم سے اپیل پے کہ وہ ان کی صحت یابی کے لئے دعا کریں۔

اس سے پہلے گزشتہ سال لٹل ماسٹر حنیف محمد برطانیہ سے جگر کے کینسر کا علاج کروانے کے بعد وطن واپس آئے تھے تاہم وہ مکمل طور پر صحت یاب نہ ہوسکے۔ ایک ہفتہ قبل وزیراعظم نوازشریف کی ہدایت پر وفاقی وزیر بین الصوبائی رابطہ میاں ریاض حسین پیرزادہ نے حنیف محمد کی رہائش گاہ پر ان ملاقات کی اور حکومت کی طرف سے علاج معالجے کے لئے 50 لاکھ روپے کا چیک بھی دیا۔

متعلقہ عنوان :