منتخب چیئرمین ہوں، عدلیہ کا احترام ہم سب پر لازم ہے، ذکا اشرف
پیر 19 مئی 2014 17:29
لاہور(اُردو پوائنٹ تازہ ترین اخبار۔ 19مئی 2014ء) پاکستان کرکٹ بورڈ کے چیئرمین چودھری ذکا اشرف نے کہا ہے کہ میں پی سی بی کا منتخب چیئرمین ہوں، عدلیہ کا فیصلہ سب پر لازم ہے۔ آزاد عدلیہ نے بحالی کا حکم دیا جس پر میں اس کا شکریہ ادا کرتا ہوں۔ لاہور میں میڈیا سے گفتگو کرتے ہوئے چیئرمین پی سی بی چودھری ذکا اشرف کا کہنا تھا کہ میں کرکٹ بورڈ کی بدنامی نہیں کر رہا اور نہ ہی میں نے کسی کی پگڑی نہیں اچھالی ہے۔ عزت اور ذلت اللہ تعالیٰ کے ہاتھ میں ہے۔ جھوٹ اور فریب سے بورڈ میں آنے والوں کو جواب مل گیا ہے۔ چودھری ذکا اشرف کا کہنا تھا کہ آزاد عدلیہ نے میری بحالی کا حکم دیا جس پر میں اس کا شکریہ ادا کرتا ہوں۔ عدلیہ کا احترام ہم سب پر لازم ہے۔ عدلیہ کا ہم احترام نہیں کرینگے گے تو اور کون کرے گا۔
(جاری ہے)
ایک سوال کے جواب میں ان کا کہنا تھا کہ جتنے بھی فیصلے میرے بعد ہوئے سب کالعدم ہو گئے ہیں۔
تاہم کرکٹ کی بہتری کیلئے جو چیز اچھی ہے اسے آگے لے کر چلیں گے۔ اگر سابق چیئرمین پی سی بی نجم سیٹھی کے فیصلے اچھے ہوئے تو اس پر عمل کرینگے۔ کرکٹ بورڈ میں نیک نیتی سے کام کرینگے۔ بگ تھری کے بارے میں پوچھے گئے سوال کے جواب میں ان کا کہنا تھا کہ بگ تھری نہ ہی پاکستان اور نہ ہی عالمی کرکٹ کیلئے اچھی ہے۔ میں بگ تھری کا پہلے ہی مخالف تھا، نجم سیٹھی صاحب کے دور میں دستخط ہوئے، جائزہ لوں گا۔ واضع رہے کہ اسلام آباد ہائیکورٹ نے پاکستان کرکٹ بورڈ کے سابق چیئرمین نجم سیٹھی کی تقرری کالعدم قرار دیتے ہوئے ذکا اشرف کو ان کے عہدے پر بحال کر دیا تھا۔ اسلام آباد ہائیکورٹ کے ایک رکنی بنچ نے چیئرمین پی سی بی تقرری کیس کا فیصلہ سناتے ہوئے نجم سیٹھی کی بطور چیئرمین پی سی بی تقرری کا نوٹیفکیشن کالعدم قرار دیدیا تھا۔ جسٹس نور الحق قریشی نے اپنے فیصلے میں کرکٹ بورڈ کی انتظامی عبوری کمیٹی کو بھی ختم کرنے کا حکم دیا اور ذکا اشرف کے علاوہ کرکٹ بورڈ کے برطرف 38 ملازمین کو بھی بحال کیا ہے۔ یہ دوسرا موقع ہے اسلام آباد ہائیکورٹ نے کہ ذکا اشرف کو بطور چیئرمین پی سی بی ان کے عہدے پر بحال کیا ہے۔ یاد رہے کہ انھیں آٹھ مئی 2013ء کو پاکستان کرکٹ بورڈ کے نئے آئین کے تحت 4 سال کیلئے پاکستان کرکٹ بورڈ کا چیئرمین منتخب کیا گیا تھا تاہم تین ہفتے بعد ہی اسلام آباد ہائیکورٹ نے ہی انھیں مزید کام کرنے سے روک دیا تھا۔ بعد ازاں حکومت کی جانب سے نجم سیٹھی کو کرکٹ بورڈ کی عبوری کمیٹی کا سربراہ بنایا گیا لیکن رواں برس 15 جنوری کو اسلام آباد ہائیکورٹ نے اس کمیٹی کو ختم کرکے ذکا اشرف کو ان کے عہدے پر بحال کر دیا۔ وزیراعظم میاں محمد نواز شریف نے دس فروری 2014ء کو پی سی بی کا گورننگ بورڈ تحلیل کر دیا تھا۔ اس تحلیل کے بعد کرکٹ بورڈ کے امور چلانے کیلئے 11 رکنی انتظامی کمیٹی قائم کی گئی تھی جس کا چیئرمین نجم سیٹھی کو مقرر کیا گیا تھا۔متعلقہ عنوان :
مزید کھیلوں کی خبریں
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
-
قومی کرکٹرزکی مدینہ کے سفرکے دوران نعت پڑھتے ویڈیو وائرل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.