طالبان سے مذاکرات میں ناکامی کے بعد آپریشن کا فیصلہ کیا، وزیر دفاع

پیر 16 جون 2014 18:26

اسلام آباد(اُردو پوائنٹ تازہ ترین اخبار۔ 16جون 2014ء) وزیردفاع خواجہ آصف کا کہنا ہےکہ طالبان کے ساتھ مذاکرات ایک آپشن تھا جو خلوص کے ساتھ استعمال کیا تاہم اس کی ناکامی کے بعد آپریشن کا فیصلہ کیاگیا۔

(جاری ہے)

اسلام آباد میں پارلیمنٹ ہاؤس کے باہر میڈیا سے بات کرتے ہوئے وزیردفاع خواجہ آصف نے کہا کہ حکومت نے طالبان کے ساتھ مذاکرات میں 4 سے 6 ماہ لگائے اور اسے ایک آپشن کے طور پر خلوص کے ساتھ استعمال کیا تاہم اس میں ناکامی کے بعد آپریشن کا فیصلہ کیا گیا، سیاسی جماعتوں کا بھی یہی خیال تھا کہ مذاکرات کو آپشن کے طور پر استعمال کیا جائے تاہم اس میں ناکامی ہوگئی۔

ان کا کہنا تھا کہ وزیراعظم نوازشریف ایوان اور قوم کو اعتماد میں لینے کے لیے آپریشن پر پالیسی بیان دیں گے۔

واضح رہے کہ شمالی وزیرستان میں دہشت گردوں کے خلاف پاک فوج کے آپریشن ’’ضرب عضب‘‘ میں دو روز کے دوران جیٹ طیاروں کی بمباری سے ہلاک ہونے والے دہشت گردوں کی تعداد 140 ہوگئی جبکہ ان کی 6 کمین گاہیں بھی تباہ کردی گئ