لاہور سمیت پنجاب کے مختلف شہروں میں موسلا دھار بارش، موسم خوشگوار

بدھ 25 جون 2014 14:19

لاہور(اُردو پوائنٹ تازہ تریناخبار۔ 25جون 2014ء) پنجاب کے مختلف شہروں میں موسلا دھار بارش کے نتیجے میں کئی فیڈر ٹرپ کرگئے تاہم بارش کے باعث گرمی کی شدت میں کمی اور موسم خوشگوار ہوگیا۔

(جاری ہے)

پنجاب میں لاہور سمیت گوجرانوالہ، گجرات، حافظ آباد، منڈی بہاؤالدین، سیالکوٹ، نارووال میں آج صبح گہرے سیاہ بادل چھا گئے جب کہ تیز ٹھنڈی ہواؤں کے ساتھ بارش کا سلسلہ شروع ہوگیا جس کے باعث گرمی کی شدت میں کمی کے بعد موسم خوشگوار ہوگیا اور لوگوں نے سکھ کا سانس لیا۔

شدید بارش کے باعث لاہور اور گوجرانوالہ ریجن کے کئی فیڈرز ٹرپ ہونے سے متعدد علاقوں کی بجلی غائب ہے۔

محکمہ موسمیات کے مطابق آئندہ 24 گھنٹوں میں راولپنڈی، اسلام آباد، گوجرانوالہ، لاہور ساہیوال اور ہزارہ ڈویژن میں چند ایک مقامات پر تیز ہواؤں اور گرج چمک کے ساتھ بارش کا امکان ہے۔